Rama: Gati të dialogojmë me opozitën, por zgjedhje të parakohshme s'ka
Kreu i qeverisë ka theksuar se zgjedhjet parlamentare do mbahen në 2021 "S'mund të bëjmë asgjë për vetëvrasjen politike të opozitës"
Kryeministri Edi Rama nuk tërhiqet. Ai do të vijojë të jetë kryeministër i vendit dhe zgjedhje të parakohshme parlamentare nuk do të ketë. Në një fjalim të gjatë prej afro 35 minutash, kreu i qeverisë ndonëse i ka shtrirë dorën e bashkëpunimit opozitës, nuk ka bërë asnjë hap pas në drejtim të përmbushjes së kërkesave të saj, duke theksuar se zgjedhjet lokale do mbahen në 30 qershor dhe ato parlamentare në qershor të vitit 2021. "Kjo është zgjedhja më e keqe që ka bërë opozita sot. Nuk mund të bëjmë asgjë për vetëvrasjen politike të opozitës. Populli do të flasë në zgjedhjet e qershorit dhe ato të 2021. Përgjegjësia është të vijojmë drejt dhe t'u shërbejmë me përkushtim të gjithë shqiptarëve pa asnjë dallim, aq më tepër kur demokratët nuk i përfaqëson asnjë në Kuvend. Dora e bashkëpunimit me opozitën është e shtrirë edhe kjo temë do të ketë kohën e vet më herët se vonë", - tha kryeministri Edi Rama. Ai theksoi se ka mandat për të qeverisur vendin deri në 2021 dhe se askush nuk mund t'i imponohet vullnetit të popullit të shprehur me votë. Kreu i qeverisë u shpreh se nuk do të heqë dorë nga mandati që ka marrë nga shqiptarët duke i kujtuar opozitës së në 2017 u rikonfirmua, teksa në pushtet ishte bashkë me opozitën, e cila monitoroi zgjedhjet. "Jam zgjedhur kryeministër dy herë, herën e parë në një koalicion pas tetë vitesh në opozitë, herën e dytë me shumicë absolute pas një palë zgjedhjesh në një qeveri me opozitën, kujtoj që opozitës iu dhanë të gjitha ministritë që kërkonte dhe agjenci shtetërore, plus kryetarin e KQZ dhe gjithçka tjetër që kërkoi", - deklaroi kryeministri. Ndaj ai nënvizoi se nuk do të pranojë kurrë që të dialogojë për retorikën e dhunshme dhe as imponimin me dhunë të raporteve politike. "Opozita ka konsumuar një akt të panjohur në historinë e vendeve me zgjedhje. Një akt i paparë dhe i padëgjuar, por jo i pashpjegueshëm. Jemi gati të ulemi dhe të dialogojmë për gjithçka që i shërben forcimit të demokracisë. Një ndër gjërat që mund të diskutohet nuk është as retorika e dhunshme, as dhuna mbi institucionet dhe as imponimi me dhunë i raporteve politike dhe as
VOTAT
"Sa për blerjen e votave nuk e fsheh dot, që kur shoh Monikën që i thërret zotit që të mbrojnë Shqipërinë nga blerësit e votave, them se i plotfuqishmi nuk merret me zgjedhjet, sepse po të ishte kështu, Monika sot do të ishte e para që do të shkonte në ferr për shitblerjen e votave".