Zgjedhjet, Rama shpall fitoren. Basha: Të refuzuan edhe socialistët
Kryeministri: Nuk iki, dora ime është e shtrirë. Nëse duan marrëveshje, do ta kenë "Ndryshimi po vjen, ikja e Ramës e pashmangshme"
LULZIM BASHA
"Shqipëria është e tronditur nga mosreagimi ndërkombëtar ndaj provave që lidhin z. Rama me krimin e organizuar, përmes të cilëve ai rifitoi pushtetin në vitin 2017. Kjo është një situatë shumë e rrezikshme, e cila potencialisht të çon në trazira civile, trazira sociale, nëse nuk ka një dënim të qartë të farsës, e cila tashmë ka ndodhur", - tha Basha për "Al Jazeera".
Kryeministri Edi Rama e konsideroi fitore të PS- së rezultatin e zgjedhjeve të 30 qershorit, ndërkohë që kundërshtari politik, Lulzim Basha, i kujtoi se atë e braktisën edhe socialistët e vetë. Pas mbylljes së procesit të votimit, Rama deklaroi se ishte një fitore e vështirë, por sipas tij, fitoi shteti shqiptar. Kreu i qeverisë foli për marrëdhëniet që do të ketë me opozitën jashtë parlamentit, për të cilën tha se do të ketë dorën gjithmonë të shtrirë, por për një marrëveshje pa kushte. Rama deklaroi se nëse duan paqe, paqe do kenë, por sipas tij reforma në drejtësi nuk negociohet dhe as diskutohet. "Nëse duan paqe politike, paqe do të kenë vetëm duke u tërhequr nga sulmet kundër Shqipërisë në gjuhë të huaj. Nëse duan marrëveshje për Shqipërinë, marrëveshje do të kenë pa kushte. Dora ime është e shtrirë, reforma zgjedhore mbetet një sfidë e përbashkët me opozitën parlamentare dhe joparlamentare. Kjo e fundit ka një karrige bosh në komision, ndërsa reforma në drejtësi nuk negociohet dhe as diskutohet, por vetëm mbështetet. Nuk kam as deponimin minimal për asnjë pazar politik për ndjenjat e askujt", deklaroi z. Rama. Kreu i qeverisë njoftoi se PSja do të fillojë të ndryshojë dhe të analizojë qeverisjen e saj në nivel qendror dhe vendor, pas votimeve të 30 qershorit. Rama deklaroi se PS
ja pas këtyre votimeve, ka marrë një borxh marramendës, ndërkohë që ka theksuar se do të nisë të programojë korrigjimet e nevojshme. "Kjo meritë është shumë sigurisht, nuk është pak. Nga nesër, 30 qershori është thjesht histori. Ndërsa vitet që do ta pasojnë, nga nesër dhe në fund të mandatit qeverisës dhe katër vitet e mandatit të vendorëve. Është një borxh marramendës, por unë e pranoj, nuk iki, megjithëse sfida nga sot është shumë më e vështirë. Në muajin korrik do të zhvillojmë një debat të brendshëm në funksion të sfidës tashmë tej mase të vështirësuar për të analizuar situatën në familjen tonë politike, duke u mbështetur te shembujt e suksesshëm organizativë, që sot nuk munguan. Një debat për të analizuar edhe pozicionin tonë të ri, qoftë me opozitën parlamentare dhe joparlamentare. Plaga e hapur kërkon kurim dhe ne do të bëjmë çmos. Sot janë aty ku e meritojnë, në gropën ku duan të fusin Shqipërinë, drejtësinë dhe qeverinë", -
EDI RAMA
"Asnjë grua apo vajzë nuk do të largohet nga puna në bashkitë e djathta që nga sot u ka mbaruar mandati. Shqipëria e këtij 30 qershori nuk fitoi për të majtën, por fitoi për të drejtën. Administratat e bashkive të djathta do të vlerësohen vetëm nga pikëshikimi i së drejtës. Ne duhet të reflektojmë menjëherë mbi nevojën urgjente të një përqafimi të sinqertë të të gjithë njerëzve mbi vlerat e meritës", tha z. Rama.
deklaroi z. Rama. Kryeministri siguroi se nuk do të ketë asnjë largim nga puna për personat që janë aktualisht në bashkitë që drejtoheshin nga të djathtët.
OPOZITA
Kreu i PD- së, Lulzim Basha, i cilësoi votimet për zgjedhjet vendore të 30 qershorit një farsë, që u refuzua masivisht jo vetëm nga mbështetësit e opozitës, por edhe vetë socialistët. "Sot ( dje) shqiptarët braktisën në masë maskaradën e votimit njëpartiak të Edi Ramës. Edi Ramën sot e bojkotuan edhe socialistët", deklaroi ai. Sipas Bashës, kjo farsë është nul, ky proces është antikushtetues dhe i paligjshëm. Kryedemokrati u shpreh se, "e gjithë pjesëmarrja e sotme ( djeshme) është pjesëmarrje e sektorit publik, nën kërcënimin e tyre dhe familjarëve të tyre". "Ju jap fjalën - deklaroi Basha - se do të çliroheni shumë shpejt nga ky ankth. Do t'u shërbeni me dinjitet vetëm qytetarëve dhe ligjit dhe jo pushtetit të radhës". Lideri demokrat akuzoi se regjimi i Ramës manipulon zgjedhjet edhe kur shkon vetëm. Për Bashën, dje u provua se me Edi Ramën në krye nuk mund të ketë zgjedhje të lira e të ndershme. "85 për qind e votuesve të regjistruar në votime të paligjshme moniste refuzuan sot Edi Ramën. Edi Ramën e votuan sot edhe më pak se në vitin 2015 dhe 2017. Kjo ishte një ngjarje që nuk ndodhte që nga rënia e komunizmit. Organizata socialiste vetë votonte, vetë numëronte, vetë vuloste. Edhe pse votimet ishin të brendshme në Partinë Socialiste, ato u karakterizuan nga manipulimet, kërcënimi për të marrë pjesë, përdorimi publik, votime të shumëfishta nga një i njëjti person. Akoma më tragjik është fakti që edhe pse votimet ishin në çdo element të tyrin, njësoj sikur të ishin votime të brendshme të Partisë Socialiste, ato u karakterizuan nga manipulime masive, përfshi rezultate të paracaktuara, blerje votash, kërcënim për të marrë pjesë, përdorim të burimeve publike dhe administratës shtetërore, votime të shumëfishta nga i njëjti person, mbushje kutish dhe shkelje të tjera të rënda", theksoi z. Basha. Ai paralajmëroi se ndryshimi do të vijë shpejt. "Vullneti i qartë i shqiptarëve sot ka qenë braktisja e votimeve të paligj- shme moniste. Ky vullnet është i vetmi vullnet që ka rëndësi për zgjedhje. Detyra jonë mbetet që të garantojmë që ky vullnet, vullneti juaj, do të respektohet. Së fundmi dua t'u drejtohem të gjithë shqiptarëve që nuk votuan dhe të gjithë atyre që duan ndryshim: ky ndryshim do të vijë shpejt. Do të jetë një ndryshim i thellë dhe i vërtetë. Do të jetë një ndryshim për shqiptarët e thjeshtë dhe do të përmirësojë direkt jetën tuaj. E sotmja e ka bërë të pashmangshëm ndryshimin", - u shpreh Basha.