Pengoi procesin e votimit, procedohet kryebashkiakja e Shkodrës, Voltana Ademi
Policia: Pengoi procesin zgjedhor, urdhëroi mbylljen e 53 qendrave të votimit
Kryebashkiakja e Sh kodrës, Voltana Ademi, dje është proceduar në gjendje të lirë, pasi urdhëroi mbylljen e 53 qendrave të votimit, të cilat administrohen nga Bashkia e Shkodrës. Sipas policisë, ajo është bërë pengesë për procesin zgjedhor. Mësohet se me një vendim, ajo ka bllokuar disa shkolla në këtë qytet për të penguar mbajtjen e zgjedhjeve. Sipas policisë, Ademi, e cila përfaqëson Partinë Demokratike ka urdhëruar me shkrim punonjësit e kësaj bashkie të mbyllin disa qendra votimi ( shkolla), të cilat administrohen nga bashkia e qytetit verior dhe konkretisht, 53 qendra votimi. "Procedohet kryetarja e Bashkisë Shkodër, Voltana Ademi, për veprën penale të ' Pengimi i zgjedhësit', pasi duke ushtruar funksionin dhe autoritetin e saj si kryetare e Bashkisë Shkodër, ka urdhëruar me shkrim punonjësit e kësaj bashkie të mbyllin disa qendra e votimi ( shkolla), të cilat administrohen në pronësi të Bashkisë Shkodër, konkretisht 53 qendrat e votimit. Materialet hetimore u referuan në Prokurorinë e Rrethit Gjyqësor, Shkodër për veprën penale të ' Pengimi i zgjedhësit', parashikuar nga neni 330/ 1/ 2 i Kodit Penal", thuhet në komunikatën e policisë Shkodër. Vetëm pak ditë më parë Ademi bashkë me përfaqësues të tjerë të Partisë Demokratike iu përgjigjen me protestë mitingut të Partisë Socialiste, ndërsa nuk munguan edhe përplasjet. Pak orë pas procedimit, Ademi në një konferencë për shtyp e ka cilësuar këtë si veprim si politik. Kryebashkiakja Voltana Ademi tha se nuk ka shkelur asnjë ligj, por ka zbatuar vetëm Kushtetutën dhe dekretin e Presidentit Ilir Meta. "Nuk habitem aspak nga urdhri politik i Edi Ramës, me të cilin u njoha përmes medias. A nuk nisi kështu edhe në vitin 1945? A nuk po ecim në të njëjtën rrugë? Pasi u njoha me vendimin politik të Ramës, dua të deklaroj se nuk kam shkelur asnjë ligj, po kështu asnjë punonjës e bashkisë dhe qytetarët e Shkodrës. Kam zbatuar Kushtetutën e dekretin e presidentit", deklaroi Ademi. Mes të tjerash, ajo u shpreh se çdo vendim që ka marrë, e ka bërë duke u bazuar te ligji.
REAGIMI I KRYEBASHKIAKES
"Sot nuk pranoj kurrsesi se shkodranët dhe shqiptarët do të lejojnë instalimin e një diktature të re. E kemi detyrim, sidomos ne, fëmijët e atyre prindërve që të mos i lëmë në dorën e regjimit nga i cili vuajtën dhe u persekutu
DEKLARATA
"Nuk habitem aspak nga urdhri politik i Edi Ramës, me të cilin u njoha përmes medias. A nuk nisi kështu edhe në vitin 1945? A nuk po ecim në të njëjtën rrugë? Pasi u njoha me vendimin politik të Ramës, dua të deklaroj se nuk kam shkelur asnjë ligj, po kështu asnjë punonjës i bashkisë e qytetarët e Shkodrës. Kam zbatuar Kushtetutën dhe dekretin e presidentit", deklaroi Ademi.