Nano: Jam në pozicionin tim, të rreshtohemi kundër primitivizmit tribal
Nga Nano, Topi te Moisiu, ish- krerët e shtetit që morën pjesë në votime Moisiu: Zgjedhjet, me defekt se nuk mori pjesë opozita
Ish- kryeministri Fatos Nano së bashku me bash këshorten e tij Xhoanën votuan dje në qendrën e votimit në fshatin Mullet të Njësisë Petrelë, ku duket se kanë zhvendosur më së fundi edhe vendbanimin e tyre zyrtar. Duke folur për mediat pasi ushtroi të drejtën e votës, Nano u shpreh se duke votuar, shqiptarët çlirohen nga kthetrat e opozitës. Ai e konsideroi normale pjesëmarrjen e tij në këto votime, duke deklaruar se ishte në pozicionin e tij natyral, atë të një socialisti. "Jam në pozicionin që duhet. E njoh mirë këtë lloj ' opozite' dhe jam i bindur se duke votuar sot ( dje) ndihmojmë çlirimin e të ardhmes nga kthetrat e saj", - tha Nano. Ndërkohë që pyetjes nëse këto zgjedhje janë legjitime për shkak të mospjesëmarrjes së opozitës reale, ai iu përgjigj: "Sigurisht po! Është koha të rreshtohemi hapur për progresin dhe qytetërimin, kundër primitivizmit tribal! Të votojnë pa ngurrim, duke mos i hequr duart nga timoni europian i Shqipërisë!", - shtoi ishkryeministri Nano. Ai ftoi gjithashtu edhe demokratët që të votonin kundër lidershipit të tyre. "Të votojnë kundër lidershipit të vet, që iu ka mbyllur perspektiven konkurruese europeiste!", - tha Nano.
MOISIU
Pjesë e procesit të votimit u bë edhe ish- Presidenti i Republikës, Alfred Moisiu. I shoqëruar edhe nga mbesa e tij, ai votoi pranë shkollës teknike ekonomike, ndërsa pas votimit u shpreh se kjo ishte një e drejtë kushtetuese e çdo qytetari. Ai theksoi se mospjesëmarrja e opozitës kryesore në zgjedhje është një defekt i madh për këto zgjedhje, por sipas tij, ky ishte një vendim i vetë drejtuesve të këtyre forcave dhe kjo nuk mund të pengojë procesin e zgjedhjeve. "Mendoj që këto zgjedhje kanë një defekt, të mospjesëmarrjes së opozitës kryesore, se opozitë ka akoma në parlament dhe parti të tjera opozitare si Bindja Demokratike. Por, opozita tradicionale mungon dhe kjo sigurisht nuk është një gjë e mirë, por ishte e drejta e vendimit të drejtuesve të partive opozitare, të dy partive kryesore që janë në opozitë. S'mund të ecet për