Samiti G20: BE ia doli të bëjë një marrëveshje në samit, jo Trampi
Putin thotë se May ishte e ashpër me të gjatë Samitit të G20 Tregtia botërore, ç'do të vendoset në takimin e krerëve ndërkombëtarë
Tregti botërore mund të bëhet edhe kundër vullnetit të presidentit Trump. Me përfundimin e marrëveshjes tregtare mes Bashkimit Europian dhe vendeve të Amerikës Jugore, të njohura si vendet e "Mercosur" i demonstrohet presidentit Trump, se kursi i tij është i gabuar. Në një kohë që pjesa tjetër e botës i rrëzon barrierat tregtare dhe hap tregje të reja, Trump izolohet me dogana. Në samitin e G20 në Osaka, presidenti që ndjek rrugën unilaterale, tregoi, se nuk është i gatshëm të heqë dorë nga doganat ndëshkuese. Ato janë kthyer në instrumentin më të dashur të diplomacisë së çekiçit. Ende ky instrument ka efekt, sepse SHBA janë të forta ekonomikisht dhe mund t'ia lejojnë vetes këto dogana importi, që në fund të fundit i paguan konsumatori amerikan. Por nëse koniunktura bie, situata mund të ndryshojë shpejt. Fondi Monetar Ndërkombëtar paralajmëron ndërkohë, nga ndikimet negative në ekonominë botërore. Muret e izolimit do të kenë shpejt efekt negativ. BE dhe shtetet e "Mercosur" ndjekin një rrugë tjetër e këtë e treguan në samit. Me ujdinë e arritur, që u negociua gati 20 vjet, ato tregojnë, se bashkëpunimi ndërkombëtar vërtet nuk është i lehtë, por është i mundur edhe në kohët e Trump dhe kundër vullnetit të qeverisë amerikane.
BE ECËN PËRPARA
Me këtë "Deal" mes Europës dhe Amerikës Jugore krijohet zona tregtare më e madhe botërore. Deri më tani këtë etiketë e mbante zona e lirë tregtare JaponiBE, që është realitet nga fillimi i këtij viti. Europa është e mbetet pararoja e tregtisë botërore. BE ka mbyllur më shumë se 70 marrëveshje tregtare. Marrëveshja me Vietnamin pason këtë të diel, një vend tjetër që Trump e kërcënon me ndëshkime doganore. Natyrisht që marrëveshja me vendet e ' Mercosur' nuk është në fuqi ende. Ajo duhet të ratifikohet. Kritikat sidomos për rregullat e eksportimit të mishit dhe kufizimet ekologjike janë shtuar. Ka për të pasur ende grindje. Por në fund ka një kompromis. Edhe marrëveshje të tjera tregtare, si ajo me Kanadanë apo vendet afrikane kanë defektet e avantazhet e tyre, por parimi mbetet i njëjtë: Tregti, shkëmbim, bashkëpunim në vend të nacionalizmit, izolacionizmit, pra tregti botërore.
MESAZH PËR DONALD TRUMP
Në samitin e G20- s në Japoni, SHBA u përpoqën sërish t'i fusin sëpatën Organizatës Botërore të Tregtisë me refuzimin e dërgimit të gjykatësve për gjykatën e apelit të OBT. Qeveria amerikane propagandon një reformë të kësaj organizate që duhet kryesisht t'u vlejë interesave amerikane. Kjo nuk funksionon. OBT ka kuptim, vetëm atëherë, kur të gjithë anëtarët i nënshtrohen të njëjtat rregullave. Jo vetëm SHBA edhe vende të tjera si Kina apo Rusia tentojnë drejt proteksionizmit, pra mbrojtjen e firmave të veta nga konkurrenca. Kjo duhet të ndalë, nëse Organizata Botërore e Tregtisë duhet reformuar dhe tregtia të zgjerohet. Në këtë samit grupimi i G20- s nuk shënoi ndonjë hap përpara, me gjithë retorikën. Prandaj është një lajm i mirë, që BE dhe vendet e ' Mercosur' ranë dakord për një marrëveshje tregtare pikërisht gjatë samitit të G20- s. Deri më tani SHBA nuk ka arritur ndonjë "deal" a la Trump me ndonjë partner të fuqishëm ekonomik. Me partnerin më të madh tregtar, Europën çdo gjë ka mbetur në vendnumëro. Kjo gjendje duhet të ndryshojë. Mesazhi për Donald Trump, që Shtëpinë e Bardhë po e kthen në zyrën më të madhe të doganave në botë, duhet të jetë: "Make trade great again!" - "Bëjeni tregtinë sërish të madhe!", ka thënë Trump. Nga ana tjetër, presidenti rus, Vladimir Putin, ka thënë se dëshironte t'i përmirësonte marrëdhëniet me Mbretërinë e Bashkuar, por Kryeministrja britanike, Theresa May, ishte e ashpër me të. Tensionet midis dy vendeve janë thelluar që
BE ECËN PËRPARA
Me këtë marrëveshje mes Europës dhe Amerikës Jugore krijohet zona tregtare më e madhe botërore. Deri më tani këtë etiketë e mbante zona e lirë tregtare Japoni- BE, që është realitet nga fillimi i këtij viti. Europa mbetet pararoja e tregtisë botërore. BE ka mbyllur më shumë se 70 marrëveshje tregtare.
nga rasti kur u helmua agjenti i dyfishtë rus, Sergei Skripal, së bashku me të bijën e tij në Salisbury të Mbretërisë së Bashkuar me 4 mars të vitit 2018, shkruan Reuters. Putin është takuar me May në samitin G20 në Osaka dhe kjo e fundit i ka kërkuar Moskës që t'i dorëzojë të dyshuarit rus për helmimin e agjentit të dyfishtë. Ndërsa Moska vazhdimisht e ka mohuar të ketë qenë e përfshirë në këtë rast. "Ajo shprehu qëndrimet e saj në një mënyrë mjaft të ashpër. Sidoqoftë takimi me të ishte një hap i vogël, por në drejtim të duhur. Unë jam i bindur se kemi nevojë që t'i rikthejmë marrëdhëniet tona në një shkallë më të gjerë", ka thënë Putin.
Marrë nga Deutche Welle