Legalizimi i pallateve, ALUIZNI: Dokumentacioni për të marrë lejen
"Në Tiranë kanë përfunduar procesin e hipotekimit 142 pallate me rreth 7100 apartamente" "Lista e plotë, bashkëpunimi me qytetarët është themelor"
Agjencia e Legalizimit, Urbanizimit dhe In tegrimit të Zonave Informale po vijon legalizimin e pallateve pa leje, të dala nga leja e ndërtimit, apo të braktisura nga investitori, në një kohë që bën thirrje për përgatitjen e dokumenteve të nevojshme për përshpejtimin e këtij procesi. "Gazeta Shqiptare" publikon sot dokumentacionin e plotë që duhet dorëzuar për të filluar procesion e legalizimit të pallateve. "Me qëllim përmirësimin e shërbimit, lehtësimin dhe përshpejtimin e procedurave, për pajisje me leje legalizimi dhe certifikatë pronësie të këtyre pallateve, është e nevojshme përgatitja e dokumenteve dhe materialeve, të
cilat i kemi renditur në tabelën më poshtë. Duke qenë se numri i pallateve për legalizim është i konsiderueshëm dhe kërkesa për t'i mbyllur në kohë rekord është edhe më e madhe, do të kërkonim ndihmesën dhe bashkëpunimin tuaj, me qëllim plotësimin e dokumentacionit", - thekson ALUIZNI në njoftim. Vetëm në Tiranë që prej vitit 2017 kur u fut në proces legalizimi i tyre, kanë përfunduar procesin e hipotekimit 142 pallate të tilla me rreth 7100 apartamente dhe njësi shërbimi dhe sipërfaqe të përgjithshme ndërtimi 620.000 m2. "Edhe pse janë ndërtuar që prej vitit 1997 e kanë vijuar deri në vitin 2015, banorët e këtyre apartamenteve kanë mundur të fillojnë të bëhen pronarë të banesave të tyre vetëm dy vitet e fundit, kur Këshilli i Ministrave nxori vendimin e posaçëm për të pajisur me certifikatë pronësie banorët e këtyre kategorive pallatesh. Arsyeja e miratimit të kësaj VKM- je, ishte zgjidhja e problemit të një fluksi të madh qytetarësh, të cilët kishin blerë apartamente apo njësi shërbimi, por nuk ishin pajisur me certifikata pasurie, pasi ndërtuesit e kishin braktisur në mes procedurën. Pavarësisht dedikimit sonë, punës voluminoze dhe problematikave pa fund për t'u zgjidhur, eksperienca na tregoi se bashkëpunimi është elementi themelor në përmbylljen në afat të shkurtër", - nënvizon ALUIZNI. Shënime:
- Për pallatet, të cilat janë vetëdeklaruar prej subjektit ndërtues, procedura do të fillojë me
ndërtuesin. Në rast se ai nuk do t’i përgjigjet thirrjes së ASHK, atëherë, procedura do të ndiqet në vazhdim me qytetarët.
- Për procedimin nëpërmjet qytetarëve, është i domosdoshëm bashkëpunimi për të plotësuar maksimumin e kërkesave të tabelës më lart. Pikat 1, 2 dhe 3, janë baza kryesore për fillimin e procesit.
- Përgjithësisht, për institucionin tonë është më e mundëshme nga pikëpamja tekniko- ligjore, ndjekja e procesit përmes subjektit ndërtues dhe jo përmes vetë qytetarëve të interesuar. Për këtë arsye, nxisim banorët që të ushtrojnë presion tek subjekti apo të mbështesin përpjekjet tona në identifikimin e subjektit ndërtues, qoftë edhe joformal.
- Në cdo rast, penalitetet për ndryshimet në projekt, i ngarkohen subjektit ndërtues.
- Për pikat 8, 9, 10, projekti mund të merret nga njësia Vendore, autoriteti që ka lëshuar lejen e ndërtimit, mund të prodhohet nga një subjekt i licencuar i kontaktuar nga qytetarët, ose nga drejtoria përkatëse e ASHK. Me qëllim përshpejtimin e procedures do të ishte pozitive sigurimi i këtij projekti nga vetë subjekti i interesuar.
- Akt- ekspertiza për qëndrueshmërinë e objektit, është document teknik, I cili leshoëhët nga inxhinier I licensuar, dhe përgatitet detyrimisht për të gjithë godinen. Pagesa për këtë document, I takon ligjërisht qytetarëve, dhe si e tillë ndahet mes tyre si detyrim.
- Materiali i përgatitur duhet të dorëzohet në formatin DWG, me qëllim lehtësimin e procedurave nga ana e ASHK.
- Teknikisht është e pamundur legalizimi dhe regjistrimi i njësive të vecanta të banimit brenda një pallati, pa u përfunduar procesi i legalizimit të të gjithë objektit në tërësi. Për këtë arsye mbetet kusht plotësimi i pikës 3 të tabelës.