Kryeministri Rama: Është urgjente të vendosen pensionet e parakohshme për policinë
"Efektivët kontroll në të gjithë vijën bregdetare, për të ndaluar ndërtimet e paligjshme" "Ka ardhur koha për të riparë pagat e punonjësve të policisë"
Kryeministri Edi Rama dje zhvilloi një takim me drejtues të policisë në Ministrinë e Brendshme, ku falënderoi efektivët për mbarëvajtjen e protestave të opozitës joparlamentare prej muajit shkurt. Ai tha se 60 efektivë policie mbetën të plagosur gjatë protestave, ndërsa i vlerësoi ata për vendosmërinë dhe vetëpërmbajtjen shembullore siç ai e quajti. Rama veçoi rastin e Ina Nukut, efektives së "Shqiponjave", që u plagos me kapsollë gjatë një prej protestave, të cilës i akordoi "Yllin e mirënjohjes publike" të kryeministrit. Gjatë këtij takimi, Rama theksoi se me ndryshimet e Kodit Penal, sulmi ndaj policit do të ndëshkohet me burg dhe jo vetëm me gjobë, siç është aktualisht. E njëjta forcë ligji do të jetë edhe për ata që bllokojnë rrugët me protesta dhe që bllokojnë punët publike. "Nga ana tjetër është momenti i finalizimit të procesit të ligjvënies për rritjen e paprekshmërisë së uniformës blu në kryerjen e detyrës. Me ndryshimet që do t'i bëjmë këtë javë Kodit Penal të Republikës së Shqipërisë, sulmi ndaj policit, goditja e policit, kundërshtimi i policit, prekja me dorë e policit do të konsiderohen vepra penale të dënueshme me burg dhe jo më me gjobë. Të tilla do të jenë edhe bllokimet e rrugëve dhe pengimet e punëve publike. Mjaft më me shfaqje të ' tokës së xanun', me trupa njerëzorë në rrugët dhe në hapësirat publike të Shqipërisë! Asnjë kundërshti, sado legjitime e një grupi njerëzish, nuk mund të tolerohet më si arsye për të penguar qarkulli- min e të gjithë njerëzve në rrugët e vendit, apo investimet publike në territorin e këtij vendi", tha Rama. Kryeministri Edi Rama u ka kërkuar efektivëve të Policisë së Shtetit të marrin menjëherë në kontroll të gjithë vijën bregdetare, por edhe të gjitha hapësirat urbane, për të ndaluar ndërtimet e paligjshme. Gjatë takimit me drejtuesit e policisë, kreu i qeverisë urdhëroi policët të hidhen në veprim për të identifikuar, ndaluar e penalizuar çdo subjekt që ushtron aktivitet ndërtimor të paligjshëm. "Veprimtaritë kriminale janë objekt i punës së policisë. Ju kërkoj sot hedhjen menjëherë në veprim për të identifikuar, ndaluar e penalizuar çdo subjekt që ushtron aktivitet ndërtimor të paligj- shëm. Kudo në
hapësirat urbane, ku cenohet prona publike, prona e tjetrit, apo çdo zonë për zhvillimin, duke filluar nga tërë vija bregdetare. Dua që kjo përpjekje të përshkallëzohet në një ofensivë sistematike, si ofensiva shfarosëse e kanabisit. Çdo punonjës në terren duhet të ketë të qartë zonën e vëzhgimit dhe duhet të monitorohet për performancën. Të penalizojë këdo që kapet në kushtet e këtij fenomeni. Shqipëria ka humbur shumë nga ky fenomen shkatërrues e gërryes. Kjo shtysë përpara duhet të nisë menjëherë, në bashkëpunim me IKMT, si dhe me pushtetin vendor të zonave breg
detare në radhë të parë", u shpreh Rama.
TAKIMI ME KRERËT E POLICISË
Pasi falënderoi publikisht për forcën e madhe të shembullit, drejtorin e përgjithshëm të Policisë së Shtetit, zotin Veliu, si dhe ekipin e drejtuesve kryesorë të trupës policore të vendit, kryeministri Rama pohoi se, "më duhet të pranoj se për të bërë më shumë, ne duhet t'u përgjigjemi më shumë dhe më mirë nevojave tuaja. Është urgjente që ta vëmë në jetë propozimin e drejtorit të përgjithshëm dhe trupës drejtuese për pensionin e parakohshëm të efektivëve, që për arsye objektive nuk mund ta ndjekin dot kërkesën bazë për rritje të efektivitetit në punë. Ulja e moshës mesatare, rritja e parametrave mesatarë të dijes dhe të fizikut të punonjësve të terrenit, si dhe rritja e numrit të efektivëve që mbulojnë terrenin është një emergjencë e kahershme, që tashmë është kthyer në një urgjencë të përditshme". Nga ana tjetër, ai u shpreh se, "është momenti i finalizimit të procesit të ligjvënies për rritjen e paprekshmërisë së uniformës blu në kryerjen e detyrës. Me ndryshimet që do t'i bëjmë këtë javë Kodit Penal të Republikës së Shqipërisë, sulmi ndaj policit, goditja e policit, kundërshtimi i policit, prekja me dorë e policit do të konsiderohen vepra penale të dënueshme me burg dhe jo më me gjobë. Të tilla do të jenë edhe bllokimet e rrugëve dhe pengimet e punëve publike. Mjaft më me shfaqje të ' tokës së xanun' me trupa njerëzorë në rrugët dhe në hapësirat publike të Shqipërisë! Asnjë kundërshti, sado legjitime e një grupi njerëzish, nuk mund të tolerohet më si arsye për të penguar qarkullimin e të gjithë njerëzve në rrugët e vendit, apo investimet publike në territorin e këtij vendi. Zoti ministër, nuk dua më vonesë në vënien në jetë të projektit të monitorimit përmes teknologjisë së lartë të rrugëve të vendit dhe të rritjes së kontrollit dhe të transparencës mbi drejtuesit e automjeteve, si dhe mbi origjinën dhe ligjshmërinë e çdo automjeti në përdorim. Automjetet e vjedhura, apo të pasiguruara duhet të pamundësohen për të lëvizur lirisht në Republikën e Shqipërisë. Sistemi i gjobave duhet të reformohet dhe komisionet e famshme dhe famëkëqija të apelimit, që janë fole korrupsioni dhe mekanizma të ndryshkur zvarritjeje për qytetarët, duhet të eliminohen përmes modernizimit teknologjik". Gjatë fjalës së tij, Rama tha ndër të tjera se ka ardhur koha për të riparë pagat e punonjësve të Policisë së Shtetit dhe brenda mundësive të buxhetit të shtetit, e para rritje pagash në vijim duhet të jetë për Policinë e Shtetit. "Dua të falënderoj posaçërisht këtu, trupat speciale dhe drejtuesit e tyre që në këtë periudhë kaq delikate dhanë një kontribut të madh dhe përballuan një volum shumë më të madh, sesa kapacitetet e tyre objektive logjistike. Pagat e tyre do të rriten dhe po ashtu do të rritet mbështetja logjistike për ta. Ky do jetë një prioritet parësor brenda prioritetit të përgjithshëm të mbështetjes tërësore të Policisë së Shtetit. Jam i vetëdijshëm për gjendjen ende të rëndë të shumë mjediseve të Policisë së Shtetit në territor, drejtori e sidomos në komisariate, ku s'është vënë ende dorë që nga koha e qepës dhe ku në vend të erës së shtetit vjen era e degradimit dhe shpesh kalbëzimit. Paralelisht me projektin modernizues të Akademisë së Policisë, që po bëhet gati për financim në kuadër të planit të madh infrastrukturor të Paktit për Universitetin, duhet finalizuar edhe projekti voluminoz i infrastrukturës së drejtorive dhe komisariateve në nevojë për ndërhyrje", dek