OFERTA AKADEMIKE

Studentët, praktika e intershipe pranë "Hysenbelliu Group". 80% punësohen menjëherë

Ipozicionuar në një nga zonat më të preferuara të kryeqytetit, me një infrastrukturë të shkëlqyer dhe kushtet më të mira për mbarëvajtjen e mësimit, universiteti "Luarasi" është një ndër opsionet më të mira për maturantët. Këta të fundit tashmë janë në dilemë për IAL- në që do të zgjedhin, çka do të vendosë edhe fatin për të ardhmen e tyre profesionale. Deri më tani universiteti "Luarasi" ka dëshmuar se është lider në mësimdhënie dhe i kushton një rëndësi tejet të veçantë gërshetimit të teorisë me praktikën, duke sjellë pranë studentëve ekspertët më të mirë e metodat më bashkëkohore në treg. Ky universitet ka tri fakultete, atë të Drejtësisë, Ekonomisë dhe Teknologjive të Informacionit dhe Inovacionit, të cilat ngjallin shumë interes te maturantët. Pas shpalljes së rezultateve të akreditimit të shkollave të larta publike dhe shtetërore, universiteti "Luarasi" është akredituar maksimalisht për gjashtë vite, duke u renditur një në katër shkollat e larta më të mira të vendit, duke u bërë kështu alternativa e parë për maturantët. Tashmë është e vërtetuar se mbi 80% e studentëve të "Luarasit" punësohen brenda 6 muajve pas diplomimit, në një kohë që shumë prej të diplomuarve vazhdojnë studimet doktorale në universitete prestigjioze ndërkombëtare.

KËSHILLIMI I KARRIERËS

Edhe këtë vit "Luarasi" u angazhua në një fushatë intensive të këshillimit të karrierës me maturantë të qyteteve dhe fshatrave të ndryshëm, kudo në Shqipëri. Fakt është që në të gjitha gjimnazet e mëdha është ofruar këshillim cilësor karriere, nga stafi akademik dhe administrativ i "Luarasit", me një pjesëmarrje të vetë rektorit Et'hem Ruka, zv. rektorëve, dekanëve, përgjegjësve të departamenteve, si dhe administratorëve të "Luarasi", duke treguar kështu një kujdes të veçantë për të ofruar më të mirën e mundshme nga i gjithë stafi drejtues. Maturantët, pas leksioneve të hapura, kanë treguar interes të madh dhe kanë kërkuar të regjistrohen sa më parë te "Luarasi". Universiteti "Luarasi" si institucion i vlerave merr përsipër jo vetëm jetën dhe aktivitetet akademike, por edhe përgjegjësi sociale për të përkrahur më të talentuarit

E STUDENTËVE PUNËSOHEN

Statistikat e "Luarasit" tregojnë se rreth 80% e studentëve të diplomuar janë punësuar menjëherë pas përfundimit të studimeve, ndërsa të tjerë e kanë mbushur rrugën e dijes me specializime të mëtejme në Universitetin Cambridge të Londrës, Oxford, La Sapienza në Romë, apo në disa universitete në Paris e më gjerë, në SHBA.