Dasmë me 600 të ftuar në Shëngjin, ja kur i thotë ' po' Afrona Bleros

Nga festa e beqarisë në Mikonos, modelja thotë fjalët e ndjera për këngëtarin 3 fustane nusërie e shumë surpriza, çifti shqiptar tregon detaje të reja

Pas një pritjeje të gjatë, Afrona Dika dhe këngëtari Blero do i japin fund beqarisë. Ata kanë rrëfyer se në shtator do të organizojnë një dasmë madhështore në zonën e Ranës së Hedhur në Shëngjin, ku do të jenë të ftuar 600 persona mes tyre dhe shumë personazhe të njohur VIP. Ndërkohë pak ditë më parë Afrona bëri festën e beqarisë në ishullin Mikonos të Greqisë dhe nëpërmjet postimeve të ndryshme ka zbuluar detaje të ndryshme në lidhje me ceremoninë e dasmës. Data 21 shtator do të jetë dita e madhe për çiftin, i cili më në fund do të bëhet bashkë për të nisur një jetë të re e për të gëzuar një status të ri. Gjithashtu, nga intervista virtuale, Afrona ka zbuluar se do të ketë në

dasmë plot 3 fustane. Ndërkaq, kujtojmë se përgatitjet për dasmën çifti i ka nisur prej kohësh. Këngëtari pak javë më parë zbuloi kostumin e tij, ndërsa Afrona ka provuar disa fustane nusërie. Në 14 qershor Afrona u nis drejt ishullit grek Mikonos për të festuar me miket e saj për ditët e fundit të beqarisë. Ajo ka publikuar në publikuar disa foto dhe video të ndryshme në "Instastory" nga festa e beqarisë nga pamjet duket qartë se ato po qëndrojnë në një hotel shumë luksoz. Ajo ka publikuar dhe fotografitë e para nga atje në "Instagram", ku nusja e ardhshme shfaqet me bikini të bardha, si dhe tregon pamjen e vendit ku po qëndron me shoqërinë e saj. "Nëse e gjen dikë që të bën të buzëqeshësh, që të kontrollon shpesh për ta ditur nëse je mirë, që kujdeset për ty dhe që dëshiron më të mirën për ty, mos e lë të shkojë", është shprehur Afrona për Bleron. Mezi presim të shohim në shtator modelen bukuroshe të veshur nuse. Me siguri do të jetë një ndër eventet më të bukura të këtij viti!