Rama largon Bushatin, Gjylametin dhe Nikollën si drejtues politikë
Shkodrën do e drejtojë Pjetri, Tiranën Spiropali dhe Bushati
Partia Socialiste dhe kryeministri Edi Rama e konsideroi si një fitore dhe detyrim të madh pjesëmarrjen dhe rezultatin e zgjedhjeve vendore të 30 qershorit, por duket se përtej këtij leximi publik, brenda kampit rozë në disa qarqe ky rezultat ishte negativ. Ndaj, dhe për të rikuperuar sa më parë këtë situatë, PS- ja ka vendosur të ndërhyjë menjëherë, pa pritur konkludimin e zgjedhjeve të brendshme partiake, që do të nisin në shtator. Për këtë qëllim, kryetari i PS- së, Edi Rama ka prezantuar dje një sërë ndryshimesh të rëndësishme në "kupolën rozë", ku ka larguar disa drejtues qarqesh dhe sekretarë partie. Bie në sy largimi i Ditmir Bushatit, Lindita Nikollës dhe Blerina Gjylametit dhe zëvendësimi i tyre me emra të rinj si Valdrin Pjetri, Sandër Lleshaj, Elisa Spiropali apo edhe Ervin Bushati.
DREJTUESIT E QARQEVE
Në fund të fjalës së tij para Asamblesë Kombëtare, kryesocialisti Edi Rama paraqiti edhe disa ndryshime të rëndësishme në drejtuesit politikë të qarqeve, si një reagim për rezultatin që prodhoi 30 qershori. Kështu, në Shkodër ai nuk e përmendi largimin e Ditmir Bushati, por theksoi se ndihet nevoja për të përmirësuar punën në këtë qark. Për të arritur këtë, ai bëri të ditur se këtë qark tani do ta drejtojë politikisht kryetari i ri Bashkisë së Shkodrës, Valdrin Pjetri. "Duke ndjerë nevojën për të përmirësuar drejtimin politik në Shkodër, qarkun do e drejtoj kryetari i ri i Bashkisë së Shkodrës", - tha shkurt Rama. Një tjetër ndryshim i rëndësishëm i përket qarkut Tiranë. Ashtu siç edhe paralajmëruar, Rama ka larguar përfundimisht Blerina Gjylametin nga posti i drejtuesit politik të këtij qarku, për ta zëvendësuar me dy emra të rinj, konkretisht Elisa Spiropalin dhe Ervin Bushatin, të cilët sipas tij do ndajnë
GJYLAMETI
Ashtu siç edhe ishte paralajmëruar, Rama ka larguar përfundimisht Blerina Gjylametin nga posti i drejtuesit politik të këtij qarku për ta zëvendësuar me dy emra të rinj, konkretisht Elisa Spiropalin dhe Ervin Bushatin, të cilët sipas tij, do ndajnë detyrat mes tyre. "Që në qarkun e Tiranës të ketë më shumë rezultat, propozoj ta drejtojnë së bashku sipas territoreve, Elisa Spiropali dhe Ervin Bushati", - u shpreh Rama. Ndërkohë që pak muaj më parë, Gjylameti u largua edhe nga detyra e sekretares për koordinimin elektoral.