Rama: Dora ime për opozitën mbetet e shtrirë dhe gati për të shkruar
Kreu i socialistëve deklaroi se zgjedhjet e 30 qershorit i fituan qytetarët, por jo PS "Nuk ka marrëveshjeje politike për të ndenjurat e politikanëve"
Kryetari i Partisë So cialiste e ka kon sideruar 30 qershorin një fitore të qytetarëve, por jo të Partisë Socialiste. Duke folur në mbledhjen e parë të Asamblesë Kombëtare, pas zgjedhjeve vendore, ku u morr në analizë procesi zgjedhor i 30 qershorit, kryeministri ka qenë kritik me të vetët, ndërsa ka theksuar se ajo që kanë bërë socialistët në qeverisje shpesh herë nuk ka qenë gjëja e duhur. "Të jemi të qartë 30 qershorin e fituan qytetarët edhe për ne, ndërsa gjithçka vjen pas 30 qershorit duhet ta fitojmë ne për qytetarët. Ne, nga ana jonë, është shumë e rëndësishme që ta besojmë deri në fund dhe ta ngulisim thellë në mendjen tonë dhe në mendjen e gjithë kësaj familjeje politike se ne nuk i fituam ngaqë nuk kemi bërë vetëm punë shumë të mira, apo të mira, kemi bërë edhe punë që më mirë të mos i kishim bërë fare, sepse i kemi bërë gabim, madje ndonjë e kemi bërë edhe keq", - tha Rama në fjalën e tij. Më tej ai shtoi se puna e socialistëve në qeverisjen e deritanishme nuk vlen aspak për të shkuar në sfidat e reja elektorale, ndaj dhe ka kërkuar prej përfaqësuesve të kësaj force në çdo nivel qeverisje reflektim dhe reagim të menjëhershëm për të ndryshuar. "Rendimenti ynë qeverisës, në çdo nivel, nuk mjafton aspak pas 30 qershorit. Sidomos niveli i shërbimit të njerëzve të zakonshëm në këtë shtet, jo vetëm nuk mjafton, por nuk na nderon fare dhe duhet të na shqetësojë shumë të gjithëve. Nëse nuk e kuptojmë këtë sa më parë, aq më shpejt njerëzit pas 30 qershorit do humbasin durimin me ne, do jenë shumë më pak të prirur të mirëkuptojnë edhe gabimet tona dhe nuk do kenë asnjë gatishmëri për të na falur kusure që na i kanë falur, për hir të të vërtetës deri në 30 qershor", - u shpreh Rama. Ndaj përveç ndryshimeve në funksionet e larta drejtuese ai ka paralajmëruar se të gjithë ata që nuk do të kapin dot ritmin për të ndryshuar, nuk do të jenë më pjesë e kësaj force politike. "Kush nuk do t'i përgjigjet ritmit që kërkon 30 qershori, nuk do jetë më në projektin tonë politik të vitit 2021! Kush nuk do bëjë kilometrat e veta që i imponon 30 qershori, do dalë
nga projekti ynë politik i vitit 2021! Ashtu sikundër, dua ta them që sot, sepse është gjëja e fundit që dëshiroj që të ndodhë, do të dalë jashtë nga kjo familje e madhe politike çdo kryebashkiak që do bëjë gabimin të mendojë se tani që ka marrë mandatin mund të bëjë pa njerëzit dhe mund të bëjë dhe pa ne", - shtoi kryetari i PS ndërsa theksoi nevojën për një hapje të re dhe të madhe të kësaj force. Në fund të fjalës së tij Rama u ndal edhe te marrëdhëniet me opozitën duke u shprehur i gatshëm për një marrëveshje me të në të mirë të vendit. "Patjetër që ne duam paqe politike, por një
paqe politike për Shqipërinë që duhet të nisë me Shqipërinë, jo me karriget e duhet të bitiset për Shqipërinë, jo për karriget kështu që dora ime mbetet e shtrirë, gati për të shkruar prap kur të vijë momenti", - tha Rama, ndërsa theksoi se reforma zgjedhore sipas rekomandimeve të OSBE / ODIHR dhe porosisë së Këshillit Europian mbetet një sfidë e përbashkët ku mund të kontribuojnë të gjitha palët. Ndërkohë që nga ana tjetër ai ka theksuar se pavarësisht kësaj gatishmërie për t'u marrë vesh me opozitën, nuk ishte i gatshëm që të bënte kompromis në kurriz të reformës në drejtë
ZGJEDHJET
"Të jemi të qartë 30 qershorin e fituan qytetarët edhe për ne. Ne, nga ana jonë, është shumë e rëndësishme që ta besojmë deri në fund dhe ta ngulisim thellë në mendjen tonë dhe në mendjen e gjithë kësaj familjeje politike se nuk i fituam ngaqë nuk kemi bërë vetëm punë shumë të mira, apo të mira, kemi bërë edhe punë që më mirë të mos i kishim bërë fare, sepse i kemi bërë gabim, madje ndonjë e kemi bërë edhe keq"
si. "Reforma në drejtësi, as nuk negociohet, as nuk diskutohet, vetëm mbështetet dhe duhet të jetë shumë e qartë që unë personalisht e di që ka shkolla të ndryshme mendimi në lidershipin e Partisë Socialiste, nuk kam disponim minimal për asnjë lloj marrëveshjeje politike për të ndenjurat e politikanëve dhe për asnjë lloj marrëveshjeje politike që rrezikon ose mund të rrezikojë potencialisht, të pengojë drejtësinë të merret me këdo që mund të jetë subjekt i drejtësisë, qoftë djathtas, qoftë majtas, qoftë në mes, qoftë lartë, qoftë poshtë, qoftë këtu brenda, qoftë jashtë kësaj salle", - tha Rama.