Pasuritë e paluajtshme, Tatimet: Rastet ku duhet të paguani detyrimet fiskale

Lista e shërbimeve të tatueshme që lidhen me një pasuri të paluajtshme Tatohet edhe e drejta e përdorimit të pasurive

do person që ka një pasuri të patund shme në Shqipëri është subjekt i tatueshëm. Gjithashtu, edhe personat që ushtrojnë aktivitet me pronat e paluajtshme tatohen. Drejtoria e Përgjithshme e Tatimeve, në rubrikën "Tatimet Këshillojnë" ka informuar rreth tematikës së furnizimit të shërbimeve që lidhen me një pasuri të paluajtshme. Sipas DPT, Bazuar në dispozitat e ligjit Nr. 92/ 2014, datë 24.07.2014 "Për tatimin mbi vlerën e shtuar në Republikën e Shqipërisë", i ndryshuar, furnizimi i shërbimeve që lidhen me një pasuri të paluajtshme, janë të tatueshme në Shqipëri, nëse pasuria e paluajtshme ndodhet në Shqipëri. Tatimet bëjnë të ditur se disa nga këto shërbime janë: shërbimet e ekspertëve dhe agjentëve imobiliarë; furnizimi i strehimit në sektorin hotelier apo në sektorë që kanë funksion të ngjashëm me të; dhënia e të drejtave të përdorimit të pasurive të paluajtshme dhe shërbimet për përgatitjen dhe bashkërendimin e punimeve të ndërtimit dhe shërbimet e arkitektëve dhe ndërmarrjeve që mbikëqyrin zbatimin e punimeve;

LIGJI

Drejtoria e Përgjithshme e Tatimeve bën të ditur se ligji parashikon shprehimisht shërbimet, të cilat janë të tatueshme në vendin ku ndodhet pasuria e paluajtshme. Si shërbime të një natyre të tillë përmenden: a) punimet e ndërtimit të çdo lloji; b) shërbimet e ekspertëve dhe agjentëve imobiliarë, si: I. shërbimet e vlerësimit të pasurive të paluajtshme; II. shërbimet e ndërmjetësimit

në blerje, në shitje apo në qiradhënien e pasurive të paluajtshme nga agjentët imobiliarë; III. shërbimet për ndarjen apo kufizimin e pasurisë; c) furnizimi i strehimit në sektorin hotelier apo në sektorë të ngjashëm me të; d) dhënia e të drejtave të përdorimit të pasurive të paluajtshme ku përfshihen: I.

qiradhëniet e pasurisë së paluajtshme për përdorim banimi, industrial, tregtar apo bujqësor; II. të drejtat e përdorimit të rrugëve të komunikacionit dhe veprave të artit; III. transferimet apo koncesionet e të drejtave të gjuetisë apo të peshkimit në një pjesë të përcaktuar të territorit; IV. shërbimet e magazinimit, ruajtjes së përkohshme të mobilieve të zyrës e të tjera mjete; e) shërbimet për përgatitjen dhe bashkërendimin, supervizimin e punimeve të ndërtimit. Sipas tatimeve përveç këtyre shërbimeve, konsiderohen si shërbime që kanë një lidhje mjaft të ngushtë më pasurinë e paluajtshme shërbimet e mëposhtme, lista e të cilave nuk është shteruese: shërbimet e pastrimit të pasurisë së paluajtshme; shërbimet e ruajtjes/ mbikëqyrjes së pasurisë së paluajtshme; shërbimet e riparimit dhe të mirëmbajtjes të pasurisë së paluajtshme; shërbimet e ekspertëve në lidhje me vlerësimin e dëmeve dhe dëmshpërblimet e caktuara për riparimin e dëmeve të shkaktuara pasurisë së paluajtshme, etj.