Kush ishte Thimio Loli

Dëshmitë

dhe dokumentet e historianëve, sipas të cilave vërtetohet se Thimio Loli ka marrë pjesën në masakrat e shqiptarëve në vitin 1914 dhe ka qenë i lidhur me qarqet greke antishqiptare, kanë sjellë kohë me parë edhe reagimin e dhunshëm ndaj memorialit të tij të ngritur në fshatin Kranja të Bashkisë së Finiqit. Në fillim të dhjetorit të 2018- s, memoriali u thye nga persona ende të paidentifikuar, vetëm pak pas dokumentarit në "Gjurmë Shqiptare" në "Top Channel", ku evidentoheshin krimet e kryera ndaj shqiptarëve të Thimio Lolit pas shpalljes së pavarësisë dhe gjatë Luftës së Dytë Botërore. Thimio Loli, ndonëse nga banorët minoritarë të Kranjas në Delvinë njihet si hero, ai në fakt sipas historianëve ka kryer masakra ndaj shqiptarëve. Si në vitin 1914, kur udhëhoqi kryengritjen për Epirin e Veriut në Sarandë, ashtu edhe në vitin 1944 kundër çamëve në Greqi. Memoriali i tij është vendosur në qendër të fshatit minoritar dhe çdo vit aty kryhen ceremoni përkujtimore nga qarqe nacionaliste greke.