Kuvendi çon "Metën" në Venecia, zbardhen 8 pyetjet për ekspertët
Kryeparlamentari Ruçi i ka dërguar kërkesën kreut të Venecias Gianni Buquiçhio Legjislativi kërkon opinion urgjent në lidhje me presidentin
Mazhoranca i është përgjigjur "flakë për flakë" nismës së Presidenti të Republikës për ankimimin në Gjykatë Kushtetuese të ligjit për prishjen e Teatrit aktual Kombëtar dhe ndërtimin e një godine të re moderne. Menjëherë sapo Meta iu drejtua personalisht Kushtetueses, Kuvendi iu drejtua Komisionit të Venecias për opinion nëse Presidenti i Republikës ka shkelur Kushtetutën me vendimin e tij për të shfuqizuar datën e zgjedhjeve të 30 qershorit apo jo. Në zbatim të vendimit të Komisionit Hetimor, Kuvendi në shkresën e vet i kërkon Komisionit të Venecias të përgjigjet për 8 pyetje në lidhje me detyrat e kompetencat e Presidentit të Republikës pas procedurave që ka nisur mazhoranca për shkarkimin e tij. Kërkesa e Kuvendit i drejtohet Komisionit të Venecias dhe Presidentit të saj Gianni Buquiçhio për një opinion urgjent në lidhje me Presidentin e Shqipërisë. Në shkresë Kuvendi bën një përmbledhje të situatës në vend, duke nisur nga caktimi i datës së zgjedhjeve nga Presidenti, qëndrimi i opozitës e djegia e mandateve, mospjesëmarrja e PD e LSI në zgjedhje, përplasjet në KZAZ- të në bashkitë e drejtuara nga përfaqësues të opozitës në vend, 30 qershori dhe deri tek komisioni hetimor për shkarkimin e Kreut të Shtetit. "Cili është roli i Presidentit të Republikës në regjimet parlamentare si Shqipëria, në raport me pushtetet e shtetit sa i takon proceseve zgjedhore? Cilat janë detyrimet kushtetuese dhe konventore që i imponohen Presidentit të Republikës në regjimet parlamentare, siç është edhe Shqipëria, në ushtrimin e kompetencës për caktimin e datës së zgjedhjeve? A ka kufizime në ushtrimin e kësaj kompetence që rrjedhin nga e drejta demokratike e zgjedhësve për ta ushtruar këtë të drejtë sipas marrëveshjes kushtetuese, me siguri dhe parashikueshmëri? Kompetenca e Presidentit të Republikës për caktimin e datës së zgjedhjeve, është një e drejtë e tij për të vendosur ushtrimin e sovranitetit të popullit, apo një detyrim i tij për të garantuar cilësisht ushtrimin e sovran