OSBE: Duhet dialog mes palëve për të zgjidhur ngërçin politik
Sekretari i OSBE- së kërkoi angazhimin e të gjithë aktorëve në gjetjen e zgjidhjes Cakaj: "Jemi gati, por jo kompromis me institucionet aktuale"
Organizata për Siguri dhe Bashkëpunim Europian ( OSBE) vlerëson nevojën për të nisur sa më parë dialogu mes palëve në mënyrë që t'i jepet fund krizës politike. Sekretari i Përgjithshëm i OSBEsë Thomas Greminger, i cili zhvilloi një sërë takimesh me krerë të shtetit dhe përfaqësues të partive politike në vend, gjatë një konference të përbashkët me ministrin në Detyrë për Punët e Jashtme Gent Cakaj inkurajoi dialogun mes palëve politike për t'i dhënë fund krizë e cila dëmton sipas tij dëmton institucionet. Zyrtari i lartë i OSBE- së tha se në kryesinë e radhës kjo organizatë kërkon një Shqipëri të bashkuar. "Ne pa diskutim që ndjekim nga afër zhvillimet politike në Shqipëri. Shpresojmë që ngërçi do të zgjidhet së shpejti. Besoj se zgjidhja do të gjendet brenda për brenda por ne inkurajojmë dialogun", - tha Thomas Greminger. Më tej ai shprehu se është e nevojshme që aktorët politikë shqiptar të angazhohen në këtë dialog, ndërsa theksoi se OSBE është e gatshme të ndihmojë në këtë drejtim. "Është e nevojshme që të gjithë aktorët të angazhohen për funksionimin e demokracisë në vend. Pjesëmarrja në institucionet demokratike është e vetmja rrugë zhvillimi. OSBE është e gatshme për të ofruar mbështetje por asnjë zgjidhje nuk mund të jetë e qëndrueshme nëse nuk përfshihen të gjithë aktorët", - tha ai. Ndërkohë që ministri i Jashtëm, Gent Cakaj, u shpreh se qeveria dhe mazhoranca
që e mbështet atë është e hapur për të dialoguar, por duke ruajtur Kushtetutën dhe institucionet aktuale. "Mbesim të hapur për dialog Vetëm
pak orë pasi sek retari i Përgjithshëm i OSBE- së Thomas Greminger i bëri thirrje palëve politike në vend për të ulur në dialog, Presidenti i Republikës, Ilir Meta i kërkoi kësaj organizate që të negociojë me palët për të gjetur një zgjidhje mbi krizën që ka përfshirë vendin. Kërkesa iu bë pikërisht Thomas Greminger, gjatë takimit të djeshëm në Presidencë. Kreu i shtetit i kërkoi Greminger ndërmjetësimin sa më parë të jetë e mundur midis palëve politike në vend për zgjidhjen e kësaj krize. "Për rivendosjen e funksionimit normal të institucioneve demokratike dhe shmangien e përshkallëzimit të mëtejshëm të situatës mjaft kritike ku ndodhet vendi, është në interes të kredibilitetit të OSBE, të angazhohet për tejkalimin e krizës së rëndë në Shqipëri sa më parë të jetë e mundur", - tha Presidenti Meta. Më tej presidenti tha dhe jemi të gatshëm të nisim menjëherë punën me të gjitha partitë politike si me ato që janë në parlament dhe ato që kanë dalë në rrugë. Ne duhet të përbashkojmë përpjekjet në përputhje me reformën elektorale, por kjo nuk nënkupton kompromis me institucionet aktuale", - tha Cakaj. Sekretari i Përgjithshëm i OSBE- së Thomas Greminger bëri të ditur, gjithashtu, se marrja e kryesimit të OSBE- së nga ana e Shqipërisë do jetë një mundësi e mirë për vendin tonë që të tregojë vlerat europiane dhe do luaj një rol të veçantë për rrugën e saj drejt BE- së. "Kryesia e OSBE- së nuk është një përpjekje e vogël, nuk është vetëm një sipërmarrje diplomatike, por duhet të mbështetet nga i gjithë shteti shqiptar. Nuk ka dyshime që Shqipëria mund t'ia kalojë me sukses. Do jetë edhe një ushtrim frymëzues dhe besoj se do përmirësojë profilin e Shqipërisë në arenën ndërkombëtare. Nga ana tjetër është shans për komunitetin e OSBE për t'u mbështetur tek perspektiva e Shqipërisë për t'u përmirësuar. Kryesimi i mirë i OSBE do jetë një rol i veçantë për pranimin e Shqipërisë në BE. Shqipëria duhet të tregojë rolin e vet. Kryesimi i një organizate kërkon një Shqipëri të bashkuar. Shqipëria duhet të mbështetet nga sekretariati i OSBE- së. Jemi në një angazhim të përbashkët që kryesia e OSBE në 2020 të jetë e suksesshme", - tha Greminger.