Lufta kundër evazionit, Denaj: Nuk është aksion, sfida jonë është vazhdimësia
Aksionet, bizneset- ministrisë: Jo subjektivizëm, të shmanget kontrolli gjatë pikut të sezonit Në fokus hoteleri- turizmi, ndërtimi dhe produktet e akcizës
Ministria e Finan cave dhe Ekono misë, Anila Denaj, e shoqëruar nga drejtorët e Doganave dhe të Tatimeve zhvilloi mëngjesin e së enjtes një takim me përfaqësues të biznesit lidhur me fushatën kundër informalitetit. Ministrja Denaj tha se lufta ndaj informalitetit nuk duhet kuptuar si një valë fushatash, por si një përpjekje e vazhdueshme për të luftuar evazionin fiskal dhe për të mbështetur konkurrencën e ndershme. Sipas saj, në bazë të analizave të rrezikut, u vendos që plani operacional i kësaj vere të përqendrohet kryesisht te sektorët e hoteleriturizmit, ndërtimit dhe produkteve të akcizës. Përfaqësuesit e biznesit shprehën mbështetje për luftën ndaj informalitetit dhe masave që sigurojnë konkurrencën dhe kushtet e barabarta të aktivitetit për të gjitha sipërmarrjet. Por, nga ana tjetër, ata kërkuan uljen e subjektivizmit në kontrolle, duke përmirësuar mekanizmat e inspektimit elektronik. Përfaqësuesit e bizneseve turistike kërkuan që kontrollet e administratës tatimore të jenë më të shpërndara gjatë gjithë vitit dhe të krijohet një historik i sjelljes së tatimpaguesve. Kjo do të shmangte kontrollet e vazhdueshme në periudhën kur bizneset e turizmit kanë një ngarkesë të madhe pune.
AKSIONI
Duke u nisur nga aksioni antiinformalitet i filluar një javë më parë, ditën e sotme ministrja e Financave dhe Ekonomisë, Anila Denaj, e shoqëruar nga drejtorët e Doganave dhe të Tatimeve zhvilloi një takim me përfaqësues të biznesit. Gjatë takimit, përfaqësuesit e biznesit u shprehën pro luftës ndaj informalitetit dhe masave që mbrojnë konkurrencën dhe kushtet e barabarta të aktivitetit për të gjitha sipërmarrjet. Në vijim të bisedës, bizneset i kërkuan ministres uljen e subjektivizmit në kontrolle, duke përmirësuar mekanizmat e inspektimit elektronik. Ministrja Denaj tha nga ana tjetër se kjo fushatë nuk do të ndalet me kaq, por do të jetë një përpjekje e vazhdueshme, për të mbështetur konkurrencën e ndershme. "Nuk ka subjektivizëm, në bazë të analizave të rrezikut, u vendos që plani operacional i kësaj vere të përqendrohet kryesisht te sektorët e hoteleri- turizmit, ndërtimit dhe produkteve të akcizës", - tha ministrja. Përfaqësues të bizneseve në fushën e hoteleri- turizmit kërkuan sakaq që të shmanget kontrolli gjatë pikut të sezonit dhe të krijohet një kontroll i shtrirë në kohë përgjatë gjithë vitit.