Studimet në Amerikë, ambasada: Kujdes, duhet të keni kursime ose sponsor
Ekspertët: Rritet numri i aplikimeve për vizë studentore në Shtetet e Bashkuara "Ndalohet të punoni për të paguar universitetin"
Studentët shqiptarë që dëshirojnë të vazhdojnë rrugëtimin akademik në Shtetet e Bashkuara të Amerikës, duhet të kenë paraprakisht për pagesën e tarifës së shkollimit. Ditën e djeshme, ambasada amerikane në Tiranë ka bërë me dije se nëse kandidatët aplikojnë për vizë studentore, duhet të kenë parasysh mbulimin e shpenzimeve, në një kohë që ka theksuar se numri i studentëve shqiptarë që aplikojnë në universitetet amerikane është rritur. "Është e mrekullueshme të shohësh kaq shumë studentë shqiptarë që aplikojnë për vizë për të studiuar në universitetet e Shteteve të Bashkuara, por mos harroni, nëse po aplikoni për një vizë studentore, ju duhet të keni një plan për të paguar për shkollimin dhe për shpenzimet tuaja në Shtetet e Bashkuara",- bën me dije ambasada. Më tej kjo e fundit shton se studentët nuk mund të punojnë në SHBA për të paguar tarifën e shkollimit të tyre. "Vizat studentore janë për të studiuar dhe jo për të punuar. Ju nuk mund të punoni jashtë kampusit për të paguar tarifën e shkollës. Ju duhet të keni kursime, një sponsor ose ndihmë financiare/ bursë për të paguar arsimimin tuaj",- theksojnë ekspertët e ambasadës.
HAPAT PËR STUDIME NË SHBA
ShBA renditet e katërta nga destinacionet e zgjedhura nga studentët shqiptarë që po studiojnë jashtë Shqipërisë. Qendra EducationUSA është një zyrë këshillimi për të gjithë ato të interesuar që duan të vazhdojnë studimet në Amerikë. EducationUSA është një program i Departamentit të Shtetit Amerikanë dhe financohet nga ta dhe Ambasada Amerikanë në Tiranë. Këshilluesja e qendrës EducationUSA mund t'ju këshillojë dhe t'ju asistojë gjatë ndjekjes së 5 hapave për të studiuar në ShBA. Të gjithë të interesuarit duhet të gjejnë universitetin apo kolegjin që plotëson të gjitha kushtet e aplikantit. Me mbi 4500 universitete apo kolegje në Amerikë, nuk duhet të përpiqeni të përshtatni veten me shkollën, por të gjeni shkollën që ju përshtatet juve dhe qëllimeve tuaja. Kërkimi duhet të fillojë 1218 muaj para vitit akademik në të cilin doni të vazhdoni studimet. Secili universitet apo kolegj ka kriteret e veta. Duhet te jepni provimet e standardizuara në bazë të ciklit të studimit që doni të vazhdoni dhe kërkesave të universitetit apo kolegjit.
BURSAT
Kandidatët duhet të ndjekin edhe financimin e investimeve. Megjithëse, konkurrenca është e lartë, çdo vit studentët ndërkombëtarë marrin shuma të konsiderueshme në ndihmë financiare apo bursa për të mbuluar koston e studimeve të tyre. Secili universitet apo kolegj publikon në faqen e tyre të webit të gjitha bursat, kriteret apo ndihmën financiare që ofrojnë për studentët ndërkombëtarë. Hapi i tretë është procesi i aplikimit. Nuk ka proces standard aplikimi, pasi secili universitet apo kolegj ka kriteret e veta dhe afatet e veta të aplikimit. Aplikimi fillon gjithmonë një vit përpara vitit akademik ku doni të studioni. Procesi
NDIHMA FINANCIARE
"Vizat studentore janë për të studiuar dhe jo për të punuar. Ju nuk mund të punoni jashtë kampusit për të paguar tarifën e shkollës. Ju duhet të keni kursime, një sponsor ose ndihmë financiare/ bursë për të paguar arsimimin tuaj", - theksojnë ekspertët e ambasadës.
mund të përfshijë shkrimin e një eseje, mbledhjen e letrave të rekomandimit, certifikatat apo vërtetimet e aktiviteteve jashtëshkollore dhe pikët e provimeve. Pasi pranoheni nga universiteti dhe merrni dokumentin e pranimit, duhet të aplikoni për vizën studentore. Bëhet aplikimi online
BURSAT
Çdo vit studentët ndërkombëtare marrin shuma të konsiderueshme në ndihmë financiare apo bursa për të mbuluar koston e studimeve të tyre. Secili universitet apo kolegj publikon në faqen e tyre të webit të gjitha bursat, kriteret apo ndihmën financiare që ofrojnë për studentët ndërkombëtare.
duke plotësuar formularin, pagesën dhe rezervimit të datës së intervistës. Hapi i fundit është takimi para largimit nga Shqipëria. Qendra bën një takim informues mbi jetën studentore dhe çdo gjë tjetër që ju duhet të dini para se të niseni për në Shtetet e Bashkuara.