Basha: Rama kërkon pazar, zgjedhje të parakohshme dhe lokale
"Rama nuk do të shpëtojë pa dalë para drejtësisë së pavarur"
Opozita nuk heq dorë nga zgjedhjet e para kohshme dhe lokale në të njëjtën kohë, ndërsa përjashton çdo mundësi që për gjetjen e zgjidhjes së krizës politike të bëjë pazar me kryeministrin Edi Rama. Kryetari i opozitës, Lulzim Basha, vijoi turin e tij të takimeve me strukturat e PD- së në juglindje të vendit, ku bashkëbisedoi me anëtarë të kësaj partie në lidhje me situatën politike në vend dhe aksionin opozitar. Gjatë takimit me banorët e Korçës, kreu i demokratëve theksoi angazhimin e Partisë Demokratike për zgjedhje të lira e të ndershme parlamentare dhe lokale pa Ramën kryeministër. "Kërkesat tona janë zgjedhjet e parakohshme parlamentare në një ditë me zgjedhje legjitime vendore të mbikëqyrura nga një qeveri tranzitore dhe çuarja para drejtësisë e gjithë atyre që kanë vjedhur votat e shqiptarëve", - tha Basha. Ndërkohë që ai theksoi se procesi i zgjedhjeve të 30 qershorit nuk ka asnjë vlerë, pasi është bërë në kundërshtim të plotë me ligjet e vendit dhe pa një garë të ndershme. Shkelje që sipas tij u konstatuan edhe raporti paraprak i OSBE/ ODIHR. Ndaj, ai u shpreh i sigurt se vendi do të shkojë drejt zgjedhjeve të parakohshme pa Ramën kryeministër. "Largimi i Edi Ramës si kryeministër është i padiskutueshëm. Hetimi dhe gjykimi i politikanëve të kapur duke vjedhur votat është i padiskutueshëm. Prandaj ne i qëndrojmë deri në fund zgjidhjes politike përmes parimeve dhe jo pazarit", - u shpreh Basha në Korçë. Ai refuzoi prerë çdo përpjekje për pazar. "Edi Rama kërkon pazar. Gjithë jeta e tij politike është pazar. Kur nuk ka pazar, shpërfytyrohet, çmendet. Kur nuk ka pazar, përpiqet me lojën e vjetër ' përça e sundo'. Nuk ka pazar me Edi Ramën. Mercenarët dhe të shiturit tek ai dhe oligarkët e tij nuk e përçajnë dot as PD, as opozitën. Fuqia jonë është
bashkimi më i madh popullor në 3 dekada pluralizëm, është shumica 85% ' Rama ik'", - tha Basha. Kreu i opozitës theksoi se fundi i këtij regjimi do të vijë me zgjedhje të lira, ndërsa garantoi se të gjithë ata që kanë vjedhur qoftë vota, qoftë pasuri kombëtare do të përballen me drejtësinë. "Askush që ka grabitur miliona dhe dhunuar e vjedhur shqiptarët e pasuritë e tyre publike, asnjë pushtetar që bashkëpunoi me krimin për të vjedhur zgjedhjet e 2017- ës, nga Dako e Gjiknuri, tek Balla e Rama
nuk do të shpëtojë pa dalë para drejtësisë së pavarur. Pushtetarët e korruptuar në pranga janë fillimi i Shqipërisë si gjithë Europa", - u shpreh kryetari i Partisë Demokratike, Lulzim Basha. Ai u ndal për një takim edhe në Përrenjas, ku u shpreh se nuk do të ketë vetëm rotacion politik, por fund të tranzicionit. "Ne e dimë që në fund të kësaj rruge nuk do të kemi vetëm rrotacion politik, por do të kemi fundin e tranzicionit dhe Partinë Demokratike në krye të aleancës sonë qeverisëse për të
GRABITJA
"Asnjë plan tjetër nuk ka Edi Rama dhe banda e tij përveç grabitjes së pasurive publike si te Teatri Kombëtar, ku do të përfitojë 200 milionë euro me 6 kullat e drogës. Asnjë ofertë zhvillimi përveç grabitjes së bregdetit nga Saranda dhe Himara në Shëngjin e Velipojë. Milot- Balldreni, ' Unaza e Re' janë po ashtu grabitje me ligj e dhjetëra miliona eurove nga Edi Rama. Bashkë me 85% të shqiptarëve që duan ndryshim do ta largojmë këtë bandë".
hapur rrugën e standardit të vërtetë europian, për të bërë realitet Shqipërinë e standardit europian në çdo fushë. Largimi i Edi Ramës është kusht i parë dhe i panegociueshëm. Vetëm një qeveri tranzitore pa Edi Ramën kryeministër mund të garantojë votën e qytetarët. Ne e dimë se me votë të lirë dhe të ndershme, Rama është larguar, PD- ja është në krye të qeverisjes së ardhshme të vendit", - u shpreh Basha. Duke drejtuar gishtin tek Edi Rama si fajtori kryesor për krizën
ekonomike e sociale të vendit, Basha tha se PD- ja ka gati planin dhe programin për të kthyer besimin e shqiptarëve te qeverisja. "Asnjë plan tjetër nuk ka Edi Rama dhe banda e tij përveç grabitjes së pasurive publike si te Teatri Kombëtar, ku do të përfitojë 200 milionë euro me 6 kullat e drogës. As
një ofertë zhvillimi përveç grabitjes së bregdetit nga Saranda dhe Himara në Shëngjin e Velipojë. Milot- Balldreni, ' Unaza e Re' janë po ashtu grabitje me ligj e dhjetëra miliona eurove nga Edi Rama. Bashkë me 85% të shqiptarëve që duan ndryshim, do ta largojmë këtë bandë", - shtoi Basha.