Xhaçka: Tërmetet s'parashikohen, Presidenca: Papagajtë vetëm përsërisin
Presidenca dhe ministria u përfshinë dje në një debat në distancë për tërmetet "Parashikimi se kur do të godasë shkon përtej mundësive të shkencës"
Qeveria dhe presiden ca janë përfshirë sër ish dje në një debat në distancë në lidhje me rrezikun e aktiviteteve të shtuara sizmike në rajonin e Ballkanit përfshi edhe vendin tonë. Pas disa ditë hezitim, Ministria e Mbrojtjes i ka kthyer përgjigje zyrtare letrës së dërguar nga Presidenti i Republikës, ku ky i fundit kërkonte informacion mbi masat e mara nga institucionet përgjegjëse për rrezikun që i kanoset vendit tonë nga tërmetet. Në letrën që mban emrin dhe firmën e ministres së Mbrojtjes, Olta Xhaçka thuhet se pas konsultimeve me specialistët e fushës, rezulton se tërmetet janë një fenomen i paparashikueshëm, ndërkohë që vihet në dukje vëmendja maksimale e Qeverisë dhe Ministrisë së Mbrojtjes ndaj fatkeqësive natyrore. "I nderuar z. President, jam njohur përmes shkresës, datë 29.07.2019, me shqetësimin e ngritur nga ju, lidhur me rrezikun që i kanoset vendit tonë dhe mbarë rajonit, nga një tërmet i përmasave apokaliptike që pritet të godasë së shpejti, jo vetëm Shqipërinë por mbarë rajonin e Ballkanit Perëndimor. Përfitoj nga rasti për t'ju informuar ju, e përmes jush edhe mbarë opinionin, pas konsultimeve me Institutin e Gjeoshkencave, Energjisë, Ujit dhe Mjedisit ( IGJEUM), se aftësia për të parashikuar vitin, datën e orën kur do të godasë një tërmet, apo fuqinë me të cilën do të godasë shkon përtej mundësive të shkencës. Tërmetet për fat të keq janë të paparashikueshëm. Ky është një fakt që e konfirmojnë sizmologët tanë dhe çdo sizmolog kudo në botë", - shkruan Xhaçka në letrën e saj dërguar Presidentit të Republikës.
PËRGJIGJJA
Më tej ajo shprehet se edhe vet sizmologu, të cilit Meta i është referuar në shqetësimin e vet ka mohuar që kjo gjë të parashikohet. "Për më tepër, e konfirmon edhe vetë sizmologu i njohur Tselentis, fjalët e të cilit janë bërë shkas për shqetësimin tuaj. Besoj që jeni informuar, që në një reagim të tij ndaj alarmit tuaj, ai është shprehur disi i çuditur mbi lajmin e rremë, siç e quan ai duke thënë se, "nuk mundem dhe asnjëherë nuk kam bërë asnjë parashikim specifik për tërmete". Shpresoj që përgjigjja e sizmologut të sipërcituar, e cila përputhet edhe me qëndrimet e sizmologëve shqiptarë e sizmologëve në mbarë botën, i jep një përgjigje ezauruese arsyes së shqetësimit tuaj: tërmetet janë të paparashikueshëm", - thekson Xhaçka në letrën e vet. Ministrja Xhaçka thekson se Shqipëria është më e përgatitur se kurrë në këto 30 vite për t'u përballur me emergjencat, duke përmendur kapacitetet e shtuara reaguese, profesionalizmin e personelit përgjegjës dhe koordinimin efikas institucional. Në fund të letrës së saj ministrja Xhaçka fton Presidentin e Republikës të dekretojë sa më shpejt ligjin "Për Mbrojtjen Civile", i cili sipas saj pritet të reformojë tërësisht qasjen e institucioneve ndaj fatkeqësive natyrore.
PRESIDENCA
I menjëhershëm ka qenë reagimi i Presidencës ndaj kësaj letre të bërë publike në media. Zëdhënësi i presidentit nëpërmjet një reagimi në rrjetet sociale ripublikoi edhe një herë deklaratën e bërë nga këshilltari për sigurinë, Bahri Shaqiri, ndërsa nuk nguroi ta cilësojë me ironi ministren Xhaçka edhe si zëdhënëse e sizmologut grek. "Papagajtë nuk kanë nevojë për fakte dhe as për argumente, ata vetëm përsërisin veten çdo herë. Për ata që kanë dëgjuar sot "zëdhënësen" e re në Shqipëri të z. Tselentis, po u rikujtojmë shkrimet e publikuara në mediat ndërkombëtare dhe kombëtare që i gjeni në
REAGIMI
"Papagajtë nuk kanë nevojë për fakte dhe as për argumente, ata vetëm përsërisin veten çdo herë. Për ata që kanë dëgjuar sot
"zëdhënësen" e re në Shqipëri të z. Tselentis, po u rikujtojmë shkrimet e publikuara në mediat ndërkombëtare dhe kombëtare që i gjeni në linkun më poshtë.
Ndërsa për ligjin "Për Mbrojtjen Civile" bën mirë të jetë e informuar se është dekretuar para se të përfundojë afati!"
linkun më poshtë. Ndërsa për ligjin "Për Mbrojtjen Civile" bën mirë të jetë e informuar se është dekretuar para se të përfundojë afati!", - shkroi zëdhënësi i Metës.