Media gjermane: Armatosja e vendeve, e rrezikshme për Ballkanin

"Bashkimi doganor Kosovë- Shqipëri, Serbia: Qeverisë shqiptare i pëlqen të provokojë "Die Welt": BE shmang shkëmbimin e territoreve, SHBA s'e kundërshton

Vijojnë ende diskutimet lidhur me dialogun Ko sovë- Serbi dhe për ngërçin e përfshirë për shkak të vendosjes së taksës ndaj mallrave serbe. E fundit që ka diskutuar ka qenë gazeta gjermane "Die Welt", e cila ka shkruar një artikull interesant në lidhje me marrëveshjen përfundimtare që do të jetë mes Kosovës dhe Serbisë, duke thënë se korrigjimi i kufirit mes dy vendeve mbetet akoma si njëri nga opsionet në tryezën e bisedimeve në Bruksel. Bashkimi Evropian ia ka dalë të shmangë aktualisht nga rendi i ditës idenë e presidentit të Serbisë, Aleksander Vuçiç dhe atij kosovar, Hashim Thaçi, për shkëmbim territoresh. Por, me sa duket SHBA- të nuk e kundërshtojnë këtë ide, nëse kjo gjë do të sillte një stabilitet afatgjatë, shkruan "Die Welt". Kjo, sipas gazetës, do të thotë se tema e këmbimit të territoreve ende nuk është hequr krejtësisht nga tavolina dhe vazhdon të mbetet opsion. Vendet e Ballkanit Perëndimor janë futur në një garë armatimi, shkruan gazeta gjermane "Di Welt" në një artikull, ku mes të tjerash thuhet se në këtë garë, prin Serbia e mbështetur nga Rusia. Serbët shpenzojnë 904 milionë euro, diçka më shumë se kroatët që harxhojnë 889 milionë euro. Shqipëria ndërkaq, sipas gazetës "Die Welt" shpenzon 180 milionë euro, një rritje me 25 për qind në krahasim me vitin 2017, ndërsa Kosova shpenzon vetëm 63.3 milionë euro. "Formimin e ushtrisë së Kosovës e votuan dhjetorin e kaluar deputetët e Kuvendit të Kosovës. Kjo garë e re armatimesh është duke u përcjellë nga konfliktet e pazgjidhura deri më tani. Shqipëria dhe Kosova kanë vendosur për një bashkim doganor dhe po rriten së bashku ekonomikisht. Në Serbi kjo po shihet si një përpjekje për të krijuar një Shqipëri të madhe, një term me të cilin qeverisë shqiptare i pëlqen të provokojë". Gazeta thekson më tej se, "është akoma aktuale ideja e presidentit të Serbisë, Aleksandër Vuçiç dhe e presidentit kosovar, Hashim Thaçi, që konfliktin politik mes dy vendeve ta zgjidhin me një marrëveshje për shkëmbime të territoresh, ku veriu i Kosovës i banuar me serbë do të këmbehej me Luginën e Preshevës. Kjo ide është kundërshtuar për shkak të efektit ' domino' që mund të sh

kaktojë", shkruan "Die Welt", e cila thekson se pastaj, "sipas këtij modeli mund të copëtohej Bosnja, apo edhe Maqedonia ku jetojnë shumë shqiptarë". "Për shkak se këto ide bartin me vete një potencial të konfliktit". "Die Welt" është e sigurt: "Sa më shumë të armatosen që palët të armatosën, aq më të mprehta dhe më të rrezikshme do të bëhen konfliktet në rajonin ballkanik". "Në Evropën Juglindore blihen armë si kurrë më parë. Tensionet midis etnive të armiqësuara po rriten", shkruan "Die Welt". "Në të gjitha Rusia ndërhyn me çdo mjet, duke e shtuar potencialin e konfliktit para dyerve të BE". Nën titullin "Garë e re e armatimit në Ballkan", e përditshmja gjermane "Die Welt" botoi dje një shkrim të korrespondentit të saj në Budapest, Boris Kalnoky. Për shkak të sanksioneve të vendosura kundër Rusisë pas aneksimit të Krimesë nga Rusia, Rumania nuk lejoi të kalojnë nëpër territorin e saj "një dhuratë e popullit rus për popullin serb. Dhjetë tanke të përdorur, por të modernizuar të tipit BRDM- 2, pjesë e një dhurate të pazakontë për Serbinë: 30 tanke luftarakë të modernizuar të tipit T- 72 dhe 30 automjete të blinduara. Rusët i dërguan pastaj tanket në Serbi me avionë, duke kaluar mbi hapësirën ajrore të Hungarisë, kryeministri i së cilës... përpiqet gjithmonë për marrëdhënie të mira me Presidentin rus..." Me mbështetjen te Rusia, "Serbia mbështetet në këtë mënyrë te një vend, që tregoi në Ukrainë vullnetin për ta zgjeruar zonën e vet të ndikimit me dhunë armësh", shkruan autori. Serbia zhvilloi nën diktatorin Slobodan Milosheviç luftëra kundër Kroacisë dhe Kosovës, si dhe mbështeti serbët e atjeshëm në luftën e Bosnjës. "Në këtë sfond tingëllon veçanërisht kërcënuese, që qeveria serbe ka bërë të ditur se në rast nevoje do ta sulmojë Kosovën, nëse ky vend krijon ushtrinë e tij". Më tej artikullshkruesi tërheq vëmendjen që shtetet e Evropës Qendrore e Lindore kanë programe armatimi afatgjata, "nga 2014 ose 2017 deri në 2026 ose 2030". Polonia investon më shumë për armatimin, me shpenzime armatimi që në vitin "2018 kapën madje shumën dymbëdhjetë miliardë dollarë". "Rumania i dyfishoi në vitin 2017 shpenzimet ushtarake nga dy në katër miliardë dollarë". Në rajon, "në një kohë kur NATO... mbështetet para së gjithash te Shqipëria, Kosova dhe Kroacia, Rusia është përqendruar te Serbia dhe te... Republika Srpska". "SHBA kanë në Kosovë një nga bazat e tyre më të mëdha ushtarake, Camp Bondsteel. Rusia do të ndërtojë një bazë ushtarake në pjesën serbe të Bosnjës." Veç tankeve, Rusia i dhuroi në shkurt Serbisë "edhe gjashtë avionë luftarakë MIG- 29, Bjellorusia dhuroi tetë avionë të tjerë." Kur të ketë marrë fund modernizimi i avionëve "Serbia ka... në këtë mënyrë aviacionin luftarak më të fuqishëm të rajonit". Në artikull shkruhet më tej se për blerje armatimesh, në rajon, kryeson Serbia, e cila shpenzoi në vitin "2017... 731 milionë dollarë". Në vend të dytë, pasoi "Shqipëria me 168 milionë dollarë". Kosova parashikon të shpenzojë vitin e ardhshëm 98 milionë dollarë për ushtrinë, që ka planifikuar. Së fundi, artikullshkruesi ndalet në dimensionin politik, që shoqëron armatimin. "Shqipëria dhe Kosova kanë vendosur një bashkim doganor dhe po ecin në konvergim ekonomik". Veç kësaj, "vazhdon të ekzistojë mendimi i Presidentit serb Vuçiç dhe i Presidentit kosovar Hashim Thaçi, për ta zgjidhur konfliktin e Kosovës me anë të shkëmbimit të territoreve... Kjo mund të çonte në një efekt domino - si p. sh. në një ndarje të Bosnjës dhe bashkimin me shtetet mëmë të pjesëve serbe dhe kroate. Ose madje edhe me një ndarje të Maqedonisë, ku jetojnë shumë shqiptarë".