Të majtët në KQZ bllokojnë organizimin e zgjedhjeve të 13 tetorit
Zguri: Kolegët kanë deklaruar se janë me leje
Shumica e majtë në Ko misionin Qendror të Zgjedhjeve ka bllokuar zbatimin e dekretit të Presidentit të Republikës për organizimin e zgjedhjeve vendore të 13 tetorit. Katër anëtarët e propozuar nga Partia Socialiste në këtë komision nuk u paraqitën dje në mbledhjen e thirrur nga kryetari Klement Zguri, duke e bërë praktikisht të pamundur zhvillimin e saj dhe mosnisjen e procedurave të organizimit të zgjedhjeve të tjera vendore. Në mbledhjen e djeshme u paraqit vetëm kryetari Klement Zguri, i cili theksoi se për shkak të mungesës së kuorumit, kjo mbledhje ishte e pamundur të mbahej. Ai bëri të ditur se sekretari i përgjithshëm e kishte informuar se anëtarët e propozuar nga majta kishin informuar se ishin me leje. "Pa kuorum mbledhja nuk mund të hapet. Sekretari i përgjithshëm informon se kolegët kanë deklaruar se janë me leje dhe nuk janë sot të pranishëm në mbledhje. Ju falënderoj, mbledhja nuk mund të hapet, nuk mund të ketë diskutime, pasi nuk plotësohet kuorumi. Ju kërkoj ndjesë, nëse do të kemi mbledhje tjetër është e papërcaktuar deri tani", - tha Zguri ndërsa mbylli fjalën e tij. Ndërkohë që përfaqësuesi ligjor i LSI- së në KQZ, Muharrem Caka, foli për një përpjekje të qëllimshme të anëtarëve të majtë të KQZ- së, të cilët me urdhër politik vendosën të mos marrin pjesë në këtë mbledhje. Ai i akuzoi ata se mungesa është e qëllimtë dhe politike. "Jemi paraqitur pranë Komisionit Qendror të Zgjedhjeve, me kërkesën për fillimin e procedurave për zhvillimin e zgjedhjeve të datës 13 tetor 2019. Patjetër që mungesa është e qëllimtë. Është me orientim të qartë politik. A janë të bindur anëtarët e KQZ- së se e kanë përmbushur këtë detyrim solemn, për të cilin janë betuar përpara organit përfaqësues të shqiptarëve në Repub
likën e Shqipërisë? A janë angazhuar anëtarët e KQZ- së për zhvillimin e zgjedhjeve të drejta, siç janë betuar përpara Kuvendit?", - tha përfaqësuesi i LSI- së për mediat. Ai shtoi se anëtarët e KQZsë janë betuar se do të zbatojnë ligjet dhe Kushtetutën, ndaj edhe duhet të ishin të
pranishëm në këtë mbledhje për të nisur procedurat organizative për zbatimin e dekretit të Presidentit të Republikës. "Në nenin 13 pika 4 të Kodit Zgjedhor parashikohet se përpara fillimit të detyrës, anëtari i zgjedhur i KQZ- së kryen betimin përpara Kuvendit në një ceremo
LSI
"Jemi paraqitur pranë Komisionit Qendror të Zgjedhjeve me kërkesën për fillimin e procedurave për zhvillimin e zgjedhjeve të datës 13 tetor 2019. Patjetër që mungesa është e qëllimtë. Është me orientim të qartë politik. A janë të bindur anëtarët e KQZ- së se e kanë përmbushur këtë detyrim solemn për të cilin janë betuar përpara organit përfaqësues të shqiptarëve në Republikën e Shqipërisë"?
ni publike dhe në formulën e betimit deklaron: Betohem në nderin tim se do të angazhohem me të gjitha forcat e mia për realizimin e forcave të drejta, të lira dhe demokratike në Republikën e Shqipërisë, do të siguroj dhe do të mbroj integritetin dhe fshehtësinë e votës. Do të ruaj
paanësinë në kryerjen e detyrës si anëtar i KQZ- së dhe do të tregoj profesionalizëm në kryerjen e saj", - tha Caka. Gjithsesi, ai bëri të ditur se LSI- ja do të ndjekë të gjitha hapat ligjore dhe kushtetuese për organizimin e zgjedhjeve. Pyetjes së gazetarëve nëse do të paraqesë LSI kërkesë në
KQZ për t'u regjistruar në zgjedhjet vendore të 13 tetorit, përfaqësuesi i LSI- së iu përgjigj: "Dekreti i Presidentit të Republikës së Shqipërisë është në fuqi dhe ne do respektojmë të gjitha parashikimet e Kodit Zgjedhor".