Meta, apel politikës: Dialog gjithëpërfshirës, për të mirën e kombit
Festa, presidenti: Lërini interesat personale, të shërojmë njëherë e mirë plagët! "Dita që duhet të nxisë më shumë tolerancë"
Kreu i shtetit, Ilir Meta, uroi dje be simtarët myslimanë për Kurban Bajramin, ndërsa i dërgoi një tjetër mesazh politikës që të ngrihet mbi interesat personale dhe të ulet në dialog për të mirën e kombit dhe shoqërisë. Në mesazhin e tij, kreu i shtetit uron që kjo festë të nxisë politikanët për më shumë tolerancë, dialog gjithëpërfshirës dhe bashkëpunim, në mënyrë që të gjithë së bashku të ndërtojmë një të ardhme më të mirë e të begatë për brezat e rinj. Meta shpreson që kjo ditë të shërbejë për "dialog gjithëpërfshirës dhe bashkëpunim, në mënyrë që të gjithë së bashku të ndërtojmë një të ardhme më të mirë e të begatë për brezat e rinj dhe një Shqipëri si e gjithë Evropa!". Presidenti përmend se, "dita simbol e sakrificës sublime na fton të ngrihemi mbi interesat personale, për të menduar më shumë për interesin e përbashkët kombëtar". Presidenti shkruan se kjo ditë duhet të shërbejë për të shëruar plagët e thella të shoqërisë si korrupsioni, varfëria, arroganca dhe polarizimi i skajshëm. "Të dashur besimtarë myslimanë shqiptarë! Gëzuar Festën e Kurban Bajramit! Në këtë ditë të shenjtë, feste e bashkimi, kur ne ndajmë begatinë tonë me njerëzit në nevojë dhe solidarizohemi me ta, ju uroj nga zemra sa më shumë mirësi, mirëkuptim e dashuri në familjet tuaja dhe mes njëri- tjetrit! Kjo festë që vërteton harmoninë e bashkëjetesën tonë fetare, uroj të na nxitë për më shumë tolerancë, dialog gjithëpërfshirës dhe bashkëpunim, në mënyrë që të gjithë së bashku të ndërtojmë një të ardhme më të mirë e të begatë për brezat e rinj dhe një Shqipëri si e gjithë Evropa! Dita simbol e sakrificës sublime në emër të vlerave më të mira njerëzore e hyjnore na fton të ngrihemi mbi interesat personale, për të menduar më shumë për interesin e përbashkët kombëtar, për të shëruar njëherë e përgjithmonë plagët e thella të shoqërisë sonë, varfërinë, korrupsionin, polarizimin e te
jskajshëm, arrogancën dhe padrejtësinë; për t'u përkujdesur e shtuar vëmendjen për fëmijët jetimë, të moshuarit, të vetmuarit dhe për të gjithë ata që luftojnë me vështirësi dhe me
sëmundje. Të bashkuar rreth vlerave më të mira njerëzore, hyjnore e kombëtare, rreth familjes e kombit ne do t'ia dalim, pavarësisht kostove e sfidave që kërkohen! Nga mot gëzuar Kurban Bajramin!",
THIRRJA
"Kjo festë që vërteton harmoninë e bashkëjetesën tonë fetare, uroj të na nxitë për më shumë tolerancë, dialog gjithëpërfshirës dhe bashkëpunim, në mënyrë që të gjithë së bashku të ndërtojmë një të ardhme më të mirë e të begatë për brezat e rinj dhe një Shqipëri si gjithë Evropa!", deklaroi kreu i shtetit.
shprehet z. Meta. Presidenti i vendit herë pas here ka apeluar në adresë të partive politike për dialog mes palëve, me qëllim gjetjen e rrugëve të zgjidhjes së krizës së tejzgjatur politike.