Memoriali turk, Veliaj: Nuk është tradhti. PD: Cenim i sovranitetit
Të vrarët në Turqi, PD: S'është problem shqiptar. Kryebashkiaku: Tirana ka vend për të gjithë Bogdani: Qeverisin palaço mediokër e njerëz të shitur
Në Tiranë është ngritur një memorial për vik timat e grushtit të shtetit të 15 korrikut 2016 në Turqi. E gjitha është bërë në heshtje, me miratimin e qeverisë dhe zbatimin e Bashkisë së Tiranës. Vendosja e memorialit në Tiranë është bërë i njohur për publikun vetëm pas një marshimi që ndodhi të enjten, në 15 korrik në Tiranë, i nisur nga sheshi "Nënë Tereza" dhe vazhdoi në kodrat e Liqenit, ku është vendosur memoriali. Sipas një postimi në "Facebook", ambasada turke në Tiranë bëri të ditur se, "me pjesëmarrjen e vëllezërve dhe motrave shqiptare, me sukses dhe me krenari inauguruam ' Rrugën e Dëshmorëve të 15 korrikut' dhe ' Parkun e Demokracisë së 15 korrikut'". Por reagimet ishin të ashpra, madje debati u përshkallëzua deri në rrjetet sociale, ku qytetarët hodhën akuza ndaj qeverisë shqiptare.
REAGIMI
Kryebashkiaku Erion Veliaj komentoi dje për herë të parë debatin publik për memorialin turk, që u vendos te Kodrat e Liqenit. Veliaj nuk e quan hata dhe as tradhti memorialin e vendosur nga ambasada turke pranë Parkut të Liqenit Artificial, në përkujtim të martirëve të grushtit të shtetit. Nga selia e Komunitetit Mysliman Shqiptar, ku përcolli urimet për festën e Kurban Bajramit, Veliaj theksoi se në këtë zonë janë mbi 50 pika ku përkujtohen ngjarje apo individë të ndryshëm dhe se për të gjithë ata që vapa e gushtit i kapi në ngut për fletërrufe, s'ka ndodhur asnjë hata apo tradhti. "Në atë territor ka mbi 50 pika, ku janë kujtuar raste të ndryshme dhe secili ka mundësi të respektohet. Unë do të thosha t'i lëmë të vdekurit të qetë dhe kush do që t'i respektojë me një qiri, me një lule apo me një lutje, t'i lëmë gjithashtu të qetë. Tirana zemërmadhe ka vend për të gjithë. Ndaj, për të gjithë ata që vapa e gushtit i kapi në ngut për fletërrufe, s'ka ndodhur asnjë hata, le më tradhti apo ndonjë shkelje e kësaj natyre. Pushime të mbara të gjithëve dhe gëzuar festën", tha Veliaj. Kryebashkiaku shtoi se ata që ankohen për këtë çështje, as nuk u ka
rënë në mendje për atë pjesë të parkut, e cila dikur ishte zaptuar e mbuluar me ferra e plehra. "Nuk i prish punë askujt. Më thonë është në cepin e Liqenit, ku shumica prej atyre që ankohen as iu ka rënë në mendje kur ishte mbuluar me ferra dhe kur digjej plastikë dhe ku zaptohej si territor. Lart, në katin e dytë të KMSH- së lashë duke u përqafuar drejtuesin e të krishterëve me drejtuesin e myslimanëve. Kjo është fryma e kësaj feste, të fokusohemi te gjërat që na bashkojnë. Te Liqeni dhe në të gjithë Tiranën ka vend për të gjithë", nënvizoi Veliaj.
OPOZITA
Ngritja e memorialit në Parkun e Liqenit Artificial për të rënët gjatë grushtit të shtetit në vitin 2016 në Turqi solli edhe reagimin e Partisë
Demokratike. Në një shënim të gjatë në profilin e tij në ' FB', sekretari për Marrëdhëniet me Jashtë në PD, Gerti Bogdani, e cilëson këtë akt si cenim të sovranitetit të vendit. Bogdani shkruan se: "Memoriali i inauguruar nga nënkryetari i Bashkisë së Tiranës, me prezencën edhe të ndonjë përfaqësuesi tjetër politik është thjesht një gafë e rëndë diplomatike". Sipas sekretarit për Marrëdhëniet me Jashtë në PD, "nderimi i të rënëve për mbrojtjen e demokracisë së një vendi duhet të ngrihet në atë vend dhe jo diku tjetër", ndërsa shton se: "Ky është një gabim nga Bashkia e Tiranës, pasi nuk tregon nivelin e lartë të marrëdhënieve mes dy vendeve, por vasalitetin mes tyre". Sipas Bogdanit, "problemi është më i madh se thjesht shkatërri
ERION VELIAJ
"Nuk i prish punë askujt. Më thonë është në cepin e Liqenit, ku shumicës prej atyre që ankohen as iu ka rënë në mendje kur ishte mbuluar me ferra dhe kur digjej plastikë dhe ku zaptohej si territor. Lart, në katin e dytë të KMSH- së lashë duke u përqafuar drejtuesin e të krishterëve me drejtuesin e myslimanëve", tha Veliaj.
mi i parkut, në këtë rast është cenimi i sovranitetit!". Zyrtari demokrat përmend se viktimat e grushtit të shtetit në Turqi nuk është problem shqiptar por, "memoriali i inauguruar nga nënkryetari i Bashkisë së Tiranës, edhe me prezencën e ndonjë përfaqësuesi tjetër politik është thjesht një gafë e rëndë diplomatike dhe cenim i sovranitetit kombëtar! Nderimi i të rënëve për mbrojtjen e demokracisë së një vendi duhet të ngrihet në atë vend, jo gjetiu. Ndaj, është gabim ngritja e tij në Tiranë, sepse nuk tregon nivelin e lartë të marrëdhënieve mes dy vendeve, por vasalitetin mes tyre. Bogdani shton se: "Për këtë gafë të kryetarit të bashkisë duhej të ishte shprehur menjëherë ministri ynë i Jashtëm, z. Rama, por duket që gojën ia kanë kyçur me kohë. Ose, duhej të ishte shprehur se paku ministri i Jashtëm në detyrë, i cili edhe pse mezi i reciton, i ka për zemër ' rilindasit', por edhe ky duket se nga hera e ka ngrënë lugën e çorbës gatuar me miell Serbie. E meqë përmenda ' rilindasit', para disa kohësh dikush shprehej se po të shihte Skënderbeu Shqipërinë në 600- vjetorin e tij, do t'i mbusheshin sytë me lot. Besoj se po ta shihnin dhe ata që mbaruan atë që nisi Skënderbeu, pra rilindasit, edhe atyre do t'u përloteshin sytë! Por, kjo nuk do të thotë që këtë vend të vazhdojnë ta qeverisin palaço mediokër e njerëz të shitur, ka ende kohë dhe shpresë që dinjitetin e këtij vendi ta çojnë në vend ata që realisht i thonë vetes shqiptarë!".