"Kriminelët kanë evoluar, bandat synojnë dyqanet e niveleve të larta"

Botohen pjesë nga libri me realitetet e shqiptarëve në Angli, të cilët kanë bërë histori krimi Hetuesi i njohur i krimit, Wensley Clarkson shkruan libër

Britania e Madhe vijon të japë alarmin për bandat dhe kriminelët shqiptarë, të cilët po "pushtojnë" Anglinë me aktivitetin e tyre kriminal. Hetuesi i njohur i krimit, Wensley Clarkson, ka shpjeguar në libër aktivitetin e bandave të rrezikshme shqiptare, teksa shpjegon mënyrën se si këto banda po e shndërrojnë Anglinë Juglindore në një pikë qendrore për krime. Në libër flitet për mënyrën se si shqiptarët mbërritën në Britani dhe rrugët që ndoqën për të pushtuar tregun e drogës dhe bordellot e famshme.

PJESË NGA LIBRI, PUBLIKUAR NGA "THE SUN":

Essex prej vitesh njihet si një zonë zjarri, por një fluks i bandave, zotëve të drogës dhe trafikantëve të seksit e kanë shndërruar atë në vendin e krimit më të nxehtë në Evropë. Të paktën 40,000 zuzarë nga Evropa Lindore kanë kapërcyer ' Kanalin', duke e kthyer qarkun - dhe Kentin fqinj - në strofull të tmerrshme të krimit. Ata kanë shkaktuar një vjedhje të armatosur në Qendrën Tregtare të Lakeside të Essex. Janë shënuar vjedhje me armë, ndërsa vetëm tetë milje larg, qendra e madhe "Bluewater" në Kent është bërë vendi i katërt më i madh i krimit në Angli dhe Uells. Pretendimet e bujshme vijnë në një libër të ri nga hetuesi i mirënjohur i krimit Wensley Clarkson. Ai thotë se shqiptarët po kontrollojnë punëtoret e seksit në juglindje, madje duke përdorur një kontejner anijeje si dhomë torturash. Të mërkurën "The Sun" raportoi sesi statistikat e Agjencisë Kombëtare të Krimit tregojnë se një në dhjetë të burgosur të huaj, në burgjet angleze është shqiptar. "Tani ne mund të zbulojmë se si bandat prej andej e kanë shndërruar kryqëzimin ' Dartford' në një hyrje të krimit me vlerë miliarda paund". Në libër, një baron droge shqiptar, zbulon: "Britania është më e pasur se shumica e vendeve të tjera dhe është lehtë të fitosh para të mëdha këtu". Essex tani është strehë për mashtruesit e Evropës Lindore. Një kontrabandist droge thotë: "Është vendi i përsosur për të tregtuar drogë, për të gjithë këta gangsterë të huaj. Ata mund të shesin drogat e tyre, të drejtojnë bordellot e tyre dhe të pastrojnë të gjitha paratë e ndyra këtu". Kryqëzimi "Dartford" ka evoluar "në një portë kryesore për nëntokën në Mbretërinë e Bashkuar", thotë Clarkson. Ai shton: "Duke lidhur Kentin dhe Essex- in sigurohet një treg i gjerë për drogën, në cepin më të pasur të Anglisë". Ndërkohë, "Tilbury Docks" në Essex është porti më i madh i Thames, që përpunon 200,000 kontejnerë transporti çdo vit. Fluksi i fundit i kriminelëve mundi të gjurmohej në vitin 2012, kur bandat e Evropës Lindore bashkuan forcat për të synuar qendrat tregtare pranë kryqëzimit të Dartford. ' Sulmi' i tyre i parë ishte në Lakeside, kur një bandë rumune, e armatosur me një sëpatë dhe çekiç vodhi në një dyqan argjendarie "Goldsmiths" më shumë se 30 orë "Breitling", "Cartier" dhe "Rolex" me vlerë gati 170,000 mijë paund. Të nesërmen, bastisësit vodhën 1.2 milionë sende nga një dyqan argjendarie në Bluewater. Të paktën gjashtë grabitje të mëtejshme në dy qendrat tregtare kanë pasuar njëra- tjetrën. Në disa raste hajdutët dogjën automjete dhe goma për të penguar shërbimet e urgjencës. Që atëherë, fluksi i kriminelëve të huaj vetëm është përshkallëzuar. Një kontakt nën botën e tij i thotë Clarkson: "Bluewater është shumë më e rrezikshme se Lakeside. Shumë më shumë njerëz të mashtruar e përdorin atë më shumë se Lakeside. Kriminelët kanë evoluar dhe tani bandat të udhëhequra nga një shef i krimit shqiptar synojnë dyqanet e niveleve të larta. Në dhjetë vitet e kaluara vlerësohet se qindra sulme janë kryer në Londër dhe juglindje. "Ata janë të pamëshirshëm", thotë një detektiv. "Shkatërrojnë rrugën e tyre në një dyqan dhe brenda dy minutash ata janë zhdukur. Ndonjëherë ata madje kanë ' back- up' në automjete 4×4. Ka një rrjet të madh. Ata shkojnë për të grabitur ora me vlerë 400,000£ dhe produkte të lehta si laptope. Kriminelët shqiptarë kontrollojnë gjithashtu pjesën më të madhe të punonjësve të seksit". Zëvendësoficerët e skuadrës në "Scotland Yard" vlerësojnë se ata drejtojnë më shumë se 75 për qind të bordellove në Mbretërisë së Bashkuar dhe aktivitetet e tyre kriminale në Soho të Londrës thuhet se kanë vlerë më shumë se 15 milionë paund në vit. Clarkson tregon se si një kriminel shqiptar përdor kontejnerë të konvertuar jo vetëm si bordello për punonjësit e seksit për të operuar brenda, por gjithashtu si dhomat e torturave për të frikësuar rivalët. Në fakt, në afërsi të vendkalimit Dartford në Essex, u identifikua një trafikant droge, i quajtur "Bari". Clarkson zbulon: "Kishte kamxhikë që vareshin në mur". Ai u njoh me një grua në të 40- at e saj, të quajtur Tatiana. Ai thotë: "Ajo ishte një mësuese profesioniste e S& M dhe gjithashtu punoi si torturuese kryesore e armiqve të nëndheshëm të Barit". Clarkson thotë se Bari i tha atij: "Tatianës i pëlqen të lëndojë njerëzit, kështu që kjo është kënaqësi për të". Kriminelët e huaj përdorin gjithashtu kontejnerë transport për të kontrabanduar gjithçka, nga droga deri te paratë e pista. Bari shtoi: "Kontejnerët e transportit janë shpikje e shkëlqyeshme. Ne nuk mund të ekzistonim në këtë vend pa to". Clarkson u takua me "Felicia", e cila menaxhon një bordello në Londër. Ajo mbërriti në Mbretërinë e Bashkuar në një pasaportë false në 2000- shin disa ditë pasi burri i saj, një gangster shqiptar, u vra në një sulm policie në kryeqytetin e Shqipërisë, në Tiranë. Ajo thotë: "Më pëlqen këtu në Angli, është shumë më e sigurt se Shqipëria". Ajo pretendon se shumë prej klientëve të saj në Londër janë gjyqtarë, policë, avokatë, politikanë, madje edhe një pjesë e vogël e aktorëve të famshëm të Hollivudit. Bandat shqiptare gjithashtu kanë lëvizur në tregtinë e drogës. Tregtarët në qendër të Londrës tani marrin punë të ashtuquajtura "të drejta", si një mbulesë për marrëdhëniet e tyre të brendshme. Clarkson shton: "Në një fshat të thellë të Tiranës është një aeroport privat që thuhet se përmban më shumë avionë se kudo në Evropën Lindore. Është përfolur se paratë e drogës, të fituara kryesisht në Mbretërinë e Bashkuar janë përdorur për të paguar që i gjithë aeroporti të ndërtohej, sepse kriminelët e Evropës Lindore donin që diku të fluturonin brenda dhe jashtë, pa ndonjë nga kufizimet e zakonshme të aeroportit dhe rutinën e sigurisë". Kriminelët kanë mbërritur gjithashtu nga Bullgaria dhe vitin e kaluar, një bandë e tillë besohej se kishte vjedhur më shumë se 3 milion£ nga makinat e parave të Mbretërisë së Bashkuar në vetëm disa ditë.