Në ditën e Bajramit, sulm terrorist në një xhami në Oslo

Palestinezët përleshen me policinë izraelite gjatë lutjes së mëngjesit Libia, në armëpushim për nder të Kurban Bajramit

Përleshja ndodhi në lokacionin e shenjtë të Jerusalemit. Besimtarët myslimanë dhe policia izraelite janë përleshur jashtë një lokacioni fetar në Jerusalem gjatë lutjeve për të shënuar festën e Kurban Bajramit. Mjekët palestinezë thanë se të paktën 14 njerëz u plagosën të dielën në përleshjen që ndodhi në vendin e shenjtë, i njohur si kompleksi i xhamisë Al- Aksa për myslimanët. Policia tha se të paktën katër oficerë u plagosën, ndërsa nga dëshmitarët deklarua se të paktën dy persona u arrestuan, transmeton "rtv21. tv". Mijëra myslimanë u mblodhën në ' Qytetin e Vjetër' të Jerusalemit herët këtë të diel për lutjet e Kurban Bajramit. E diela ishte po ashtu ditë e shënuar për hebrenjtë, pasi është "Dita e vajtimit" për dy tempuj biblik që kanë qenë në kohërat antike në këtë lokacion. Kompleksi Al- aksa është vendi më i shenjtë dhe i treti për myslimanët pas Mekës dhe Medinës në Arabinë Saudite. Për një periudhë të gjatë, ky vend ka qenë epiqendra e konfliktit në mes të Izraelit dhe Palestinës. Një numër i madh palestinezësh janë mbledhur te porta e kompleksit mëngjesin e së dielës, pas thashethemeve që policia do të lejojë hebrenjtë të hynë brenda. Protestuesit janë dëgjuar duke brohoritur "Allahu- Akbar" ( Zoti është i madh) dhe kanë gjuajtur me gur mbi policinë, ndërkaq forcat e sigurisë kanë hedhur granata me tym dhe plumba gome. Në vitet e fundit, nacionalistët fetarë izraelitë kanë shtuar vizitat në këtë kompleks për të sfiduar marrëveshjen. Ekstremistët hebrenj kanë bërë thirrje për rrënim të xhamisë dhe në vend të saj të bëhet rindërtimi i tempujve të lashtë biblik. Palestinezët i shohin këto vizita si provokim dhe për një kohë të gjatë kanë shprehur shqetësimet që Izraeli ka për qëllim të marrë nën kontroll tërë lokacionin apo një pjesë të tij. Qeveria izraelite vazhdimisht ka deklaruar që nuk ka qëllime për të ndërruar Status- quon. Nga ana tjetër, për nder të Kurban Bajramit, Libia do bëjë armëpushim tri ditë. Armëpushimi përfshin Qeverinë e Marrëveshjes Kombëtare dhe gjeneralin, Khalifa Haftar. Forcat e tij e Haftar kanë sulmuar

kryeqytetin, Tripoli, që nga prilli. Më shumë se 1.000 njerëz kanë vdekur, sipas Organizatës Botërore të Shëndetit. Ahmad al- Mesmari, zëdhënësi i gjeneral Haftar, ka thënë se ai u pajtua me armëpushimin në mënyrë që qytetarët e Libisë të mund ta festojnë këtë Ba

jram në paqe. Forcat e tij kanë sulmuar kryeqytetin Tripoli që nga prilli. Më shumë se 1.000 njerëz kanë vdekur, sipas Organizatës Botërore të Shëndetit. Kurse ditën e djeshme një sulm me armë ka ndodhur dje në një xhami në Oslo pikërisht në festën e shenjtë të myslimanëve, Ditën e Kurban Bajramit. Nuk dihet motivi i sulmit, por ai është duke u hetuar si akt terrorist, deklaruan autoritetet norvegjeze. Një person i armatosur ka hapur zjarr në qendrën islamike AlNoor të shtunën. Një person që ishte i pranishëm në xhami ka arritur ta ndalojë sulmuesin, duke pësuar disa lëndime. Më vonë, një grua u gjet e vdekur në shtëpinë e të dyshuarit. Viktima dyshohet se ishte e afërt me sulmuesin. Udhëheqësi i operacionit policor, Rune Skjold, tha se sulmuesi njihet si një person nga Norvegjia, i njohur për autoritetet, por që nuk ka pasur ndonjë të kaluar kriminale.