Basha: Rama qeveris me 15 kryebashkiakë të lidhur me krimin
Kreu i PD: Rama e dinte kush ishte Valdrin Pjetri, po përpiqet të lajë duart Lista, emrat e të zgjedhurve me lidhje kriminale
Lideri i opozitës, Lulzim Basha, e cilësoi dje si lar je duarsh distancimin e kryeministrit Edi Rama nga përgjegjësia individuale për kryebashkiakun e ri të Shkodrës, pas publikimit të dokumenteve të Kuesturës së Firences, ku rezulton se Valdrin Pjetri është dënuar për trafik droge në Itali. Sipas kreut të opozitës, Pjetri i duhej kryeministrit për të garantuar trafikun e drogës dhe qenieve njerëzore në rrugët që kalojnë përmes Shkodrës. Basha tha se kryeministri Rama po përpiqet të lajë duart, pasi e shiti menjëherë kryebashkiakun e ri të Shkodrës, Valdrin Pjetrin. Sipas Bashës, kreu i qeverisë po përpiqet ta konsiderojë çështjen e Valdrin Pjetrit si një problem individual dhe jo pjesë të qeverisë. Duke i cilësuar kryebashkiakët e PS- së si të lidhur me krimin, lideri demokrat tha se kryeministri Rama kishte dijeni se kush ishte Valdrin Pjetri, por përsëri e vendosi në garën për kryebashkiak. Por, Basha nuk u ndal me kaq, ai akuzoi drejtësinë se ka falimentuar dhe se është vendosur në funksion të qeverisë. "Valdrinin e çoi në Shkodër Edi Rama, duke e ditur se kush ishte edhe vëllai i tij, duke inauguruar hotelin e drogës. Dhe me qëllimin që ai të garantonte trafikun e drogës dhe të qenieve njerëzore në rrugën e Ballkanit, e cila kalon përmes Shkodrës. Për Valdrinin, Edi Rama hyri në Shkodër i armatosur me forca speciale. Për Valdrinin, Edi Rama ishte i gatshëm të fuste Shkodrën në përplasje civile. Për Valdrinin, Edi Rama e provokoi Shkodrën me një 2 prill të dytë", theksoi z. Basha.
IMPLIKIMI
Për të treguar se rasti "Pjetri" nuk është i veçuar në atë, që e cilësoi bashkëqeverisje të kryeministrit me krimin e bandat e narkotrafikut, Basha listoi të paktën 17 kryebashkiakë dhe deputetë socialistë, mes të cilëve edhe vëllain e kryeministrit Rama. "Pjerin Ndreu në Lezhë, një njeri nga lista e zezë a ambasadës amerikane për përfshirje në trafiqe, u hoq nga policia me Fatos Nanon; u rikthye deputet me Edi Ramën, u kap në dosjen ' 184', u kandidua për Bashkinë e Lezhës. Valbona Sako në Durrës është e përfshirë në vjedhjen e votave në bashkëpunim e krimin dhe është përfaqësuese e bandës Dako- Avdylaj me familjarë eksponentë të rëndësishëm të drogës. Artur Bushi në Krujë është i dënuar për trafik droge dhe nuk duhet të jetë kryebashkiak. Agim Kajmaku në Vorë është një person me dy identitete dhe i përfshirë në veprimtari të paligjshme në Greqi", tha z. Basha. Ai vazhdoi më tej me listën e të inkriminuarve të PS- së: "Dionis Ymeraj në Dibër, Rakip Suli, Tërmet Peçi në Tepelenë, Klement Ndoni, të arrestuar në flagrancë nga policia dhe të ndjekur nga prokuroria për qindra kilogramë kanabis. Për Jurgis Çyrbjen, përfaqësuesin e bandës së Shullazit në Kuvend, Edi Rama dhe mercenarët e tij nuk kanë thënë asnjë fjalë dhe nuk kanë shkruar asnjë rresht. Nuk ka thënë e shkruar asgjë as për Ilir Ndrazhin, përfaqësuesin politik në Kuvend të bandës së Avdylajve. As për Rrahman Rrajan, as për Taulant Yaris, as për Ulsi Manjën, Xhemal Qefaliajn, Paulin Sterkajn, të kapur dhe evidentuar në bashkëpunim me banditë për vjedhjen e votave në Dibër, Durrës, Shkodër, Elbasan dhe në të
DEKLARATA
"Edi Rama dhe mercenarët e tij në media dhe kudo, që sot po përpiqen t'i bëjnë dalje Valdrin Pjetrit duke larë duart, nuk patën asnjë fjalë për të thënë për Vangjush Dakon. E ndaluan edhe SHBA- të të hyjë në Amerikë për korrupsion, por Edi Rama dhe mercenarët e tij nuk thanë asnjë fjalë dhe nuk shkruan asnjë rresht", deklaroi kreu i PD- së. gjithë Shqipërinë. As për bandën e Xibrakës, mbron të vëllain e tij, Olsin, e përfshirë drejtpërdrejt me protagonistët e fabrikës së kokainës në Xibrakë". Lulzim Basha lëshoi akuza edhe ndaj organeve ligjzbatuese e në mënyrë të veçantë ndaj prokurorisë, të cilën e akuzoi si të kapur nga kryeministri. "Zgjidhja e vetme - tha Basha - është pastrimi i sistemit politik dhe largimi i kryeministrit Rama". Lideri demokrat, Lulzim Basha, deklaroi se kryeministri Rama duhet të largohet, pasi mbijetesa e tij politike lidhet me krimin. Basha akuzoi qeverinë se po punon për interesin e pakicës dhe se ka varfëruar shqiptarët.