Abuzim dhe bullizëm që vret
( vijon nga faqja 1)
... në shkollat fillore dhe ato 9vjeçare me një program të detajuar, me projekt nga shoqatat ose shteti me një grup profesionistësh, sepse parandalimi është më i lehtë se shërimi.
ÇFARË ËSHTË BULLIZMI
Bullizmi është një dëshirë për të dëmtuar tjetrin, dëshirë që dëmton, një veprim që lëndon, një disbalacë në forcë, një përdorim i padrejtë i forcës, një kënaqësi e dukshme e agresorit si dhe një ndjenjë e përgjithshme e të qënit mbizotërues ndaj viktimës”. ‘ Bullying’ i shqipëruar do të thotë “kërcënim” dhe tregon fenomenin e sjelljeve të përsëritura, agresive, të dhunshme me karakter psikologjik, fizik, që u bëhet fëmijëve, adoleshentëve të pambrojtur e të vetmuar, por nuk përjashtohen as të rriturit që bullohen ose i bullojnë të tjerët, si psh., një individ ose grup individësh më të mëdhenj, të cilët kërkojnë të diskriminojnë, keqtrajtojnë, abuzojnë. Këtë nocion e kemi dëgjuar shpesh në shkolla, por edhe më herët, që në çerdhe ndodh mbizotërimi i një personi ndaj tjetrit, që shkakton mënjanim dhe veçim individi në ambientet ku ata mësojnë ose kalojnë kohën e lirë. Këta individë agresivë kryejnë bullizëm ndaj “viktimave” të tyre, duke shfrytëzuar moshën më të vogël, pamjen e jashtme, statusin social, përkatësitë racore, kombësinë ose dhe përkatësinë fetare. Bullizmi shfaqet me karaktere dhe me forma të ndryshme:
1- Bullizmi fizik, abuzim me anë të dhunës së përsëritur të çdo forme.
2- Bullizmi psikologjik verbal me anë të fyerjes, nofkave, thashethemeve dashakeqe, shpifjeve...
3- Bullizmi social që do të thotë mënjanim nga grupi shoqëror në shkollë, ose në festa që organizon klasa. 4- Bullizmi seksual, që është verbal me anë të fjalëve fyese, provokuese, por edhe fizik në ngacmime seksuale.
5- Bullizmi virtual me anë të rrjeteve sociale dmth., keqpërdorimi i tyre për të dëmtuar “viktimën” me postimin e fakteve apo thjesht shpifjeve publikisht...
6- Bullizmi racial nëpërmjet fyerjes dhe dhunës.
7- Bullizmi fetar duke diskriminuar dhe fyer fenë ku nxënësi ose prindërit e tij besojnë.
Si ta dallojmë fëmijën që është nën presionin e bullistëve:
a- Fëmija nuk pëlqen më atë që pëlqente.
b- Fëmija është i fiksuar pas “Instagram”- it apo ‘ FB’ nëse ka llogari, dhe papritur tenton t’i mbyllë ato nga frika.
c- Fëmija nis të ketë shumë dhembje koke ose dhembje stomaku.
d- Fëmija grindet dhe nuk flet me miqtë.
e- Fëmija nuk do të shkojë në shkollë ose në stërvitje.
dh- Fëmija nuk pëlqen më veten.
f- Fëmija fillon të ushtrojë vetë bullizëm ndaj një më të dobëti.
Si ta ndihmojmë fëmijën nga bullizmi, 5 mënyra efikase: 1- Bisedoni me mësuesen. 2- Përfitoni nga “orët e hapura”.
3- Shkoni në takime me prindër dhe ngrijeni si problem, bëjeni publike bullizmin që i ndodh fëmijës tuaj.
4- Mbrojeni fëmijën. Jepini fëmijës mjetet e duhura për t’u përballur me ballistin.
5- Luftoni t’i induktoni vetëbesim dhe aftësi të mbrohet...
Bullizmi dëmton shëndetin mendor dhe fizik, madje edhe vret fëmijë të pafajshëm, nëse nuk i mbrojmë!