PS: Venecia tha se Meta shkeli Kushtetutën, hetimi do vazhdojë

Mazhoranca

ka një interpretim krejt tjetër nga Pres idenca të Opinionit përfundimtar të Komisionit të Venecias mbi ligjshmërinë e vendimit të Presidentit Ilir Meta për anulimin e zgjedhjeve të 30 qershorit. Kryetari i Grupit Parlamentar Socialistë, Taulant Balla shprehet se Venecia konstatoi se presidenti ka shkelur Kushtetutën. "Kuvendi është një prej hallkave në proces, Kushtetuesja është ajo që thotë fjalën përfundimtare. Padyshim opinioni i Venecias ka konkluduar se kemi të bëjmë me shkelje të Kushtetutës në veprimin e Presidentit", - tha Taulant Balla në një deklaratë për mediat. Kreu i grupit parlamentar të PS- së Taulant Balla deklaroi se Komisioni i Posaçëm i Hetimit për shkarkimin e Metës duhet të vijojë punën, brenda afateve që janë vendosur nga Kuvendi.

Po ashtu ai tha se fjala e fundit për të vendosur nëse Meta do të shkarkohet apo jo e ka Gjykata

Kushtetuese. "Kuvendi siç thotë edhe Venecia, do të vlerësojë nëse shkelja është e rëndë sipas nenit 90 e më pas vlerësimin e saj e bën vetëm Gjykata Kushtetuese. Komisioni duhet të kryejë punën e caktuar, pas afateve që i është vënë nga Kuvendi. Kam qenë një nga 55 firmëtarët që kanë kërkuar shkarkimin e Metës. Komisioni i Posaçëm Hetimor që po heton presidentin ka një plan hetimor dhe ka dëgjuar personin nën hetim. Ka marrë ose do të marrë edhe opinionin përfundimtar dhe do të dalë në përfundim me konkluzionin përfundimtar. Fjalën e fundit e thotë Gjykata Kushtetuese. Certifikimin e saj e bën vetëm ky institucion. Nuk kemi menduar pasardhës për presidentin Meta", - tha Balla.