Kërkimi shkencor, paneli ndërkombëtar vlerëson maksimalisht "Luarasi"
Lezha: Do të zhvillojmë kërkimin shkencor. Studenti: Eksperiencë e mirë për të ardhmen Profesoresha e asociuar Hains: Puna e 6 studentëve, e mrekullueshme
Në kuadër të kërkimit shkencor, 6 studentë të Fakultetit të Teknologjisë së Informacionit dhe Inovacionit në universitetin "Luarasi" kanë prezantuar online projektet e tyre para një paneli ndërkombëtar. Nën mentorimin e pedagogut Virtyt Lezha, të apasionuarit pas teknologjisë kanë mbrojtur punimet në Konferencën e 30 Ndërkombëtare të Europës Qendrore mbi Sistemet Inteligjente dhe të Informacionit. Vetë profesorët e Fakultetit të Organizimit dhe Informatikës, në universitetin e Zagrebit në Kroaci, i kanë vlerësuar maksimalisht studentët e Luarasi. Dekania në këtë fakultet, Nina Begicevic Redep i ftoi të rinjtë e Luarasit për të vizituar universitetin e Zagrebit. "Studentë nga 6 universitete prezantuan projektet e tyre, përfshirë këtu edhe studentë nga Shqipëria. Studentët nga universiteti Luarasi ishin ekselentë në kërkimin shkencor dhe janë të mirëpritur të vizitojnë universitetin tonë dhe pse jo, të bëhen pjesë e tij",- tha dekania e Fakultetit të Organizimit dhe Informatikës. Ndërkohë profesoresha e asociuar në universitetin e Zagrebit, Violeta Vidacek Hains bëri me dije se interesi për bashkëpunime të tilla po rritet dita- ditës. "Së pari do të doja të falënderoja mentorët tuaj dhe studentët për prezantimet që bënë në universitetin tonë. Ne e kemi filluar bashkëpunimin vite më parë, dhe interesi sa vjen dhe rritet dita ditës. Është një projekt kërkimi shkencor ndërkombëtar dhe studentët nga vende të ndryshme të botës bëhen pjesë e skuadrave ndërkombëtare. Ndonjëherë studentët nuk kanë mundësi për të udhëtuar, kështu që mundësia më e mirë është komunikimi dhe prezantimi i projekteve online. Ky është një fillim shumë i mirë për një bashkëpunim të mëtejshëm dhe dua të them se puna e mentorit dhe 6 studentëve të Luarasi ishte e mrekullueshme",- theksoi Hains.
PREZANTIMI
Pas një pune kërkimore shkencore 3 mujore, studentët e "Luarasi", të ndarë në tre grupe paraqitën 3 abstrakte mbi fushat më inovative të momentit siç është biometrika. Pedagogu Virtyt Lezha, njëkohësisht mentor i këtij projekti, vlerësoi performancën e të rinjve. "Universiteti ' Luarasi' u prezantua mjaft mirë. 6 studentë tanët prezantuan 3 abstrakte shkëlqyeshëm dhe dhanë një performancë mjaft të mirë, duke marrë parasysh faktin që janë studentë të vitit të parë
NJOFTIM PËR SHITJE ME ANKAND
në Fakultetin e Teknologjisë së Informacionit dhe Inovacionit. Këto 3 abstrakte kanë të bëjnë me fushat më inovatore të studimit si biometrika. Kjo e fundit është sot ndër fushat më të kërkuara dhe gjen aplikime nga më të shumtat duke filluar nga shëndetësia, arsimi, bankat, ekonominë. Studentët tanë i prezantuan para ndërkombëtarëve në nivel teknik dhe ishte një proces, i cili zgjati në një nivel kërkimi 3 mujor",- tha Lezha. Më tej ky i fundit theksoi se universiteti do të punojë në vijim për edukimin e të rinjve me kërkimin shkencor. "Gjithçka nisi pasi dëshiroj që studentëve të mi ti jap një lloj formimi dhe edukimi mbi kërkimin shkencor dhe botën akademike. Studentët e Teknologjisë së Informacionit dhe Inovacionit në ' Luarasi' marrin njohuri teknike si IT të ardhshëm, duhet të kenë parasysh që përveç këtyre njohurive, duhet të jenë shumë të informuar edhe në fushën e kërkimit shkencor",- bëri me dije pedagogu i ' Luarasi'. Kjo konferencë arriti një besueshmëri të lakmueshme në rrethe ndërkombëtare shkencore, siç evidentohet nga rritja e numrit te pjesëmarrësve si dhe nga rritja e numrit të aktiviteteve shkencore dhe profesionale. Bërthama e lektorëve te ftuar në këtë konferencë që zgjati tre ditë ( 2 Tetor 2019 - 4 Tetor 2019) konsistoi në pjesëmarrjen e ekspertëve e të shquar dhe të njohur botërisht - Profesor Wolf Rauch nga Universiteti Karl- Franzens ne Vjenë, Profesor Sirje Virkus nga Universiteti i Tallin në Estoni dhe Profesor Günter Müller nga Universiteti i Freiburg, Gjermani. Të ftuarit folën nga perspektiva të ndryshme mbi çështjen e transfor mimit digjital i cili, thanë, se është ndërfutur në të gjitha poret e shoqërisë moderne të informacionit. Konferenca prezantoi punime shkencore nga autorë vendas dhe të huaj në 11 seksione shkencore, të vlerësuar nga 78 recensues, nga të cilët 46 janë shkencëtarë dhe ekspertë të huaj në fushën e shkencave të informa
VLERËSIMI I STUDENTËVE
Studentët Jori Xama, Kostandina Buzi, Megi Lako, Enxhi Tagani, Mart Gjepali dhe Artjona Agolli të ndarë në tre grupe me nga dy veta dhe të asistuar nga pedagogu Lezha, prezantuan kërkimet shkencore të dizenjuar dhe zhvilluar përgjatë tre muajve, duke i mbrojtur përballë panelit të profesorëve të FOI ( Faculty of Organization and Informatics) të Universitetit të Zagrebit. Vetë studentët pjesëmarrës në këtë projekt, shprehen të kënaqur mbi këtë eksperiencë dhe falënderojnë universitetin "Luarasi" për mundësinë e dhënë. "Ishte një eksperiencë vërtet e bukur që ia vlente për formimin tim. Ne si studentë të Luarasi patëm mundësinë të tregonim aftësitë tona në degën ku studiojmë para një paneli profesorësh të huaj. Tema ime fliste për pjesën e njohjes së makinerive me anë të zërit dhe prezantova një pjesë teorike mbi zanafillën, historikun dhe një pjesë me shembuj konkretë",- tha studenti. Tre drejtimet kryesore të "Luarasi" do të shkojnë drejt një kërkimi shkencor, i cili do të jetë i drejtuar përkundrejt projekteve individuale, projekteve kërkimore shkencore, angazhimit të studentëve në punimet me pedagogët si dhe në drejtim të projekteve inovative.