BE s'reagon, shpërthen Zaev: Pa datën për negociata, bie qeveria
Rriten orët e pritjes për Maqedoninë e Veriut, kryeministri reagon ndaj Europës "Për anëtarësim në Bashkimin Evropian kemi ndërruar emrin"
Ditën e djeshme kryem inistri Zoran Zaev ësh të shprehur shumë optimist për faktin se Maqedonia e Veriut do të marrë datën për hapjen e negociatave për në Bashkimin Evropian. Fjalën e fundit sipas kreut të qeverisë do ta thonë shefat e shteteve anëtare. "Vendi ynë nga pavarësia për fat të keq asgjë nuk ka fituar në mënyrë të lehtë. Jemi vend i vogël, gjithçka është me mundime, gjithçka është me vendime, nuk flas vetëm për këtë qeveri, flas për të gjitha qeveritë e kaluara, për të gjithë popullin tonë, të gjitha gjeneratat dhe kështu me radhë. Kështu që drama do të jetë deri në momentin e fundit. Thamë se sot do të dihet më shumë, mbledhja vazhdon edhe nesër, nesër akoma më shumë do të dihet. Por e shihni si po zhvillohet debati në Bashkimin Evropian, sipas vlerësimeve të mia, liderët do të lënë që ata të vendosin vetë dhe jo ministrat e tyre", tha Zaev. Teksa u pyet në lidhje me faktin se çfarë mund t'i ndodhë vendit nëse nuk çelen negociatat, Zaev tha se edhe zgjedhjet e parakohshme parlamentare nuk janë zgjidhje. "Më në fund vendit tonë i duhet parashikueshmëri, i duhen zgjedhje të rregullta, për mua edhe fundi i tetorit është koha për zgjedhje të rregullta, kështu që besoj se pavarësisht vendimeve, arsye për zgjedhje të jashtëzakonshme nuk ka, sipas meje. Por unë jam vetëm një nga shumë aktorë të tjerë politikë në shtet, sigurisht parti të tjera, pushtet dhe opozitë, e rëndësishme është ekonomia, të rëndësishëm janë të gjithë aktorët", pohoi ai. Ndërkaq kryeministri Zaev në një intervistë për "tanjug. rs" ka deklaruar se Maqedonia e Veriut nuk ka alternativë tjetër përveç BE- së. Sipas tij, Republika e Maqedonisë së Veriut për shkak të anëtarësimit në BE ka ndërruar emrin dhe ka arritur marrëveshje me Bullgarinë dhe Greqinë. Zaev shprehet i prerë se vendimi eventual për mosmarrjen e datës do të shkatërrojë qeverinë e Republikës së Maqedonisë së Veriut. "Ne shpresojmë, nuk ka
asnjë vend anëtar e BE- së që ka ndonjë vërejtjeje për ne, nuk ka arsye, problem është ky diskutimi i BE- së për nevojën e reformave, që është shumë e rëndësishme, andaj edhe pres që reformat mund të fillojnë në BE, ndërsa procesi i zgjerimit të fillojë me Republikën e Maqedonisë së Veriut dhe me Shqipërinë, kjo është shumë e rëndësishme që të vazhdohet me impulsin e motivimit ndaj Ballkanit Perëndimor. Alternativë për ne nuk ka, nuk mund të heqim dorë nga BE
ja, sepse ajo është ardhmëria jonë. Sipas gjitha gjasave do të shkatërrohet qeveria në Republikën e Maqedonisë së Veriut, do të vijë dikush tjetër dhe do ta vazhdojë atë rrugë. Sepse ne pikërisht për anëtarësim në Bashkimin Evropian kemi ndërruar dhe emrin, kemi arritur marrëveshje me Bullgarinë dhe Greqinë, kemi shënuar përparim në marrëdhëniet me Serbinë, me Shqipërinë, me Kosovën, që janë fqinjët tanë", deklaroi për "Tanjug" kryeministri Zoran Zaev.