Qeveria heq përgjegjësinë, Cakaj: Rama nuk premtoi hapje negociatash
Ministri: Shtyrja, për shkak të divergjencave të brendshme të Bashkimit Evropian "Jo zgjedhje të parakohshme, nuk dështuam me negociatat"
Qeveria shqiptare heq të gjitha përgjegjësitë nga vendimi negativ për të tretën herë radhazi nga Bashkimi Europian. Ashtu si kryeministri Rama, edhe për ministrin e Jashtëm në detyrë, Gent Cakajn, moshapja e negociatave nuk ka lidhje me punën e bërë nga qeveria, por me vizionin e ri të Francës për zgjerimin. Cakaj në një deklaratë për mediat përsëriti qëndrimin e kryeministrit Edi Rama se shtyrja e negociatave nuk erdhi për shkak të problemeve në Shqipëri, por për shkak të divergjencave të brendshme të BE- së. Cakaj theksoi se shtyrja e negociatave deri në maj të vitit 2020 nuk do të thotë që Shqipëria do të ulë ritmin e reformave, por do të vazhdojë të plotësojë 5 prioritetet kyçe dhe 9 kërkesat e Bundestagut gjerman. "Ky vendim nuk vjen nga dështimi i Shqipërisë për të qëndruar në lartësinë e nevojshme të standardeve për çeljen e bisedimeve të anëtarësimit, por ishte e drejtpërdrejtë, sepse BE është në një proces të shqyrtimit të thellë të vetvetes. Presidenti i Francës ka një qëndrim të prerë se nuk mund të zhvillohen negociata të reja pa një ndryshim dhe pa reformim të BE- së dhe strukturës së saj. Shqipëria dhe Maqedonia e Veriut u trajtuan në mënyrë identike, pasi të dyja vendet i kanë plotësuar kushtet për të nisur negociatat, por shtyrja e këtij vendimi nuk ka të bëjë me performancën e tyre, por me faktorë të brendshëm. Fqinji ynë i ka ndryshuar emrin për t'i dhënë fund një problematike prej dekadash, por sërish vendimi u shty sepse vendimi nuk kishte lidhje me Maqedoninë. Edhe për Shqipërinë, që jemi një vend që po bëjmë një reformë të thellë në drejtësi, vendimi u shty, pasi procesi nuk ka lidhje me vendet aspirante. Kjo është shtyrja për të tretën herë radhazi, për një vendim që është shumë i thjeshtë. Kjo shtyrje e vendimmarrjes nuk lidhet me meritat e Shqipërisë, por pasqyron një varg divergjencash brenda BE- së", tha z. Cakaj. Ministri i Jashtëm në detyrë bëri të qartë se pavarësisht vendimit të Brukselit, qeveria shqiptare do të vazhdojë të punojë për
5 prioritetet e vendosura nga Komisioni Europian si dhe do të plotësojë kushtet e Bundestagut gjerman. "Shtyrja e diskutimit të rastit të Shqipërisë dhe Maqedonisë në maj të vitit 2020 nuk duhet përkthyer si dështim i politikave të BEsë. Procesi i zgjerimit të BEsë do të vijojë pas reformimit të brendshëm të BE- së. Shtyrja e këtij procesi nuk do të thotë që duhet të ketë vonesa për plotësimin e 5 reformave kyçe dhe plotësimin e kërkesave të Bundestagut", tha Cakaj. Pavarë
sisht se Shqipëria e pësoi si Maqedonia e Veriut, liderët e dy vendeve të Ballkanit Perëndimor nuk kanë të njëjtën strategji në raport me përgjegjësinë ndaj qytetarëve të saj. Para medias ministri i Jashtëm në detyrë shpjegoi pse qeveria nuk ka arsye të ndjekë të njëjtën logjike politike si Shkupi zyrtar e nuk do të shkojë drejt zgjedhjeve të parakohshme. "Në Maqedoninë e Veriut ka pasur premtime që nëse kjo nuk ndodh, ne do të japim dorëheqjen. Unë nuk e di që
DEKLARATA
Rasti i djalit shqiptar 11- vjeçar, i cili ndodhet në kampet e Sirisë, për Gent Cakajn është një çështje që shkon përtej diplomacisë. "Angazhimi ynë është maksimal. Është një çështje që duhet të bëhet në koordinim të ngushtë me partnerët tanë", u shpreh z. Cakaj.
kryeministri i Republikës së Shqipërisë ose unë, ose ndonjë përfaqësues tjetër i qeverisë ndonjëherë nga janari e deri tani ka premtuar se negociatat do të hapen", deklaroi z. Cakaj. Rasti i djalit shqiptar 11- vjeçar, i cili ndodhet në kampet e Sirisë, për Gent Cakajn është një çështje që shkon përtej diplomacisë. "Angazhimi ynë është maksimal. Është një çështje që duhet të bëhet në koordinim të ngushtë me partnerët tanë", u shpreh ministri i Jashtëm në detyrë, Gent Cakaj.