Babai i 11- vjeçarit që ndodhet në Siri: Është i plagosur dhe ka nevojë për ndihmë
Historia prekëse në emisionin "La lene" në Itali, ja letra publike të atit "Larg qoftë i ndodh diçka, do të kërkojmë llogari"
Ai ka nevojë për ndih më mjekësore, pasi është i plagosur dhe ndodhet i vetëm në një kamp të ISIS. Ky është alarmi që ngre babai i Alvi Berishës, 11- vjeçarit që ndodhet në Siri, në pritje që shteti shqiptar ta kthejë pranë familjes. Përmes një letre të bërë publike dje, babai i vogëlushit, historia e të cilit preku zemrat e shqiptarëve pas transmetimit të historisë në emisionin investigativ italian "Le Iene", shprehet se koha po kalon. "Sot lutemi e kërkojmë ndihmë. Nesër, larg qoftë i ndodh diçka Alvinit, do kërkojmë llogari", thuhet në letrën e babait të Alvit. Mësohet se ati i 11- vjeçarit shqiptar Alvin Berisha, që mbahet në kampet e ISIS në Siri ka humbur gjurmët e të birit 10 ditë pasi e takoi. Pas publikimit të historisë së dhimbshme në mediat italiane, Afrim Berisha i kontaktuar nga "Report TV" u shpreh se prej gati 10 ditësh nuk po arrin që të lidhet me të birin dhe njerëzit që ka dërguar në kampin "Al Holit" nuk e kanë gjetur më aty.
Afrim Berisha rrëfeu edhe bisedën me kryeministrin Edi Rama, i cili i ka premtuar se do të angazhohet personalisht për të gjetur djalin. Edi Rama u shpreh sot se është e vështirë nxjerrja, por ka një plan me partnerët për t'i larguar nga ato kampe. Kreu i qeverisë theksoi se është përgatitur e gjithë infrastruktura e nevojshme për transportimin e tyre dhe plan specifik masash për trajtimin e tyre më pas në Shqipëri.
LETRA E TË ATIT:
Alvin Berisha është një fëmijë shqiptar, i cili aktualisht ndodhet në Siri pranë kampit Al Hawl. Në vitin 2014, kur ishte vetëm 5 vjeç, Alvini është çuar në Siri nga e ëma, pa dijeninë e babait. I ati, Afrim Berisha, nuk ka kaluar ditë pa e kërkuar. As lufta, as frika, as largësia, as pengesa ekonomike e as ISIS nuk e kanë ndaluar, me bindjen e me dashurinë që vetëm një baba mund të ketë. Pas pesë vitesh, në 25 shtator 2019, e ka gjetur Alvinin në kamp, e ka përqafuar fort dhe i ka premtuar që tani nuk do ndaheshin më. Por forcat kurde që ruajnë kampin nuk e kanë lejuar që ta marrë me vete, sepse për këtë duhet që aprovimi të kërkohet dhe të merret nga shteti shqiptar. Alvini është vetëm 11 vjeç, është i plagosur e ka nevojë për mjekim urgjent, Alvini është i vetmuar, Alvini është i trembur, Alvini duhet të largohet sa më shpejt nga Siria.
Institucionet kompetente shqiptare janë në dijeni të kësaj situate dhe po punojnë për të mundësuar kthimin e tij në Shqipëri. Kemi besim të plotë tek puna që po bëjnë si për Alvinin, si për të gjithë qytetarët e tjerë shqiptarë që ndodhen aktualisht në Siri. Kemi besim dhe shpresë që nëse të gjithë bëjnë punën e
SHPRESA
"Alvini është vetëm 11 vjeç, Alvini është i plagosur e ka nevojë për mjekim urgjent, Alvini është i vetmuar, Alvini është i trembur, Alvini duhet të largohet sa më shpejt nga Siria. Institucionet kompetente shqiptare janë në dijeni të kësaj situate dhe po punojnë për të mundësuar kthimin e tij në Shqipëri. Kemi besim të plotë te puna që po bëjnë si për Alvinin, si për të gjithë qytetarët e tjerë shqiptarë që ndodhen aktualisht në Siri. Kemi besim dhe shpresë që nëse të gjithë bëjnë punën e tyre, Alvini do kthehet së shpejti", thuhet ndër të tjera në letër.
tyre, Alvini do kthehet së shpejti. Por jemi edhe të shqetësuar, sepse lufta në Siri po ashpërsohet dhe koha nuk premton. Në Al Hawl ndodhen plot 73.000 veta që jetojnë në një situatë të tmerrshme e kjo na tremb. Nëse sot e bëjmë dhimbjen tonë publike, e bëjmë këtë vetëm për t'ju lutur kujtdo mund të na ndihmojë, që të na ndihmojë: duke punuar më shpejt, duke na dhënë informacione mbi gjendjen e Alvinit, duke na mbështetur qoftë edhe me një fjalë të mirë.
Sot lutemi e kërkojmë ndihmë. Nesër, larg qoftë i ndodh diçka Alvinit, do të kërkojmë llogari. Me respekt
Afrim Berisha
Avv. Darien Levani Celulari shqiptar: 00355 06933447510
Celulari italian: 0039 3295327386
Mail: info@ darienlevani. com