Azilkërkues në Francë, riatdhesohen vullnetarisht në Rinas 120 shqiptarë

Dema: Mos abuzoni me lirinë e lëvizjes së lirë

TIRANË - Riatdhesohen vullnetarisht 120 shqiptarë në aeroportin e Rinasit. Ata kishin shkuar për të kërkuar azil në Francë, por vendosën që të ktheheshin, duke shmangur kështu penalitetet e mundshme, që rrjedhin nga mosrespektimi i afateve të qëndrimit në zonën shengen. Ky ishte një ndër operacionet më të mëdha të riatdhesimit vullnetar. Sipas shefit të Komisariatit të Policisë Rinas, Përparim Dema, ky operacion merr rëndësi nga fakti që kthimi i tyre është bërë vullnetarisht, çka konsiderohet si një element ndihmës në parandalimin e lëvizjes së parregullt në zonën shengen. Duke bërë një apel për shtetasit shqiptarë që të respektojnë rregullat e lëvizjes, Dema u shpreh se: "Dua t'u bëj një

apel gjithë qytetarëve shqiptarë të mos abuzojnë me lirinë e lëvizjes së lirë. Shqipëria është një vend i sigurt dhe i tillë konsiderohet edhe nga vendet e BE- së dhe kërkesat për azil nuk kanë shanse për t'u aprovuar". Në

lidhje me pasojat e mundshme që mund të bien mbi personat që shkelin rregullat e lëvizjes së lirë në vendet e BE- së, Dema tha: "Deportimi nga vendet e BE- së shoqërohet edhe me masa të tjera shtesë, që janë edhe

APELI

Sipas shefit të Komisariatit të Policisë Rinas, Përparim Dema, ky operacion

merr rëndësi nga fakti që kthimi i tyre është bërë vullnetarisht, çka konsiderohet si një element ndihmës në parandalimin e lëvizjes së parregullt në zonën shengen. Ai u ka bërë apel shtetasve shqiptarë që të respektojnë

rregullat e lëvizjes dhe të mos abuzojnë me lirinë e lëvizjes së lirë.

ndalimi deri në disa vite i udhëtimit në zonën shengen". Tri ditë më parë në Rinas u riatdhesuan edhe 100 shtetas të tjerë, të cilët u kapën në Francë, Belgjikë e Gjermani. Këta janë individë, ndaj të cilëve ka vendim ligjor për dalje nga territori francez, belg e gjerman, për shkelje të rregullave të lëvizjes në zonën shengen. Ky operacion riatdhesimi për shtetasit shqiptarë u zhvillua në bashkëpunim me Frontex- in. Kujtojmë se dje presidenti francez Emanuel Makron deklaroi se një ndër problemet shqetësuese që ka sot Shqipëria janë kërkesat e larta për azil, duke refuzuar kështu edhe çeljen e negociatave me BE- në.