Kriza, Mediu: Komitet Kombëtar për Integrimin, të drejtohet nga dy ish- ministra të Jashtëm
"Të bashkohemi për sistem propocional me lista të hapura"
Në
Asamblenë Ko mbëtare të Republikanëve, aleati i PD- së Fatmir Mediu propozoi dje ngritjen e nje komiteti kombëtar për integrimin, i cili sipas tij duhet të drejtohet nga dy ish ministra të Jashtëm. Në këtë pikë propozimi i tij është për Besnik Mustafajn e PD- së dhe Arta Daden e socialistëve. "Ky komitet të bashkëkryesohet nga dy ish- ministra të jashtëm, konkretisht zoti Besnik Mustafaj dhe zonja Arta Dade. Në përbërje të tij të jenë ish- kryeministra, ish- ministra të Jashtëm, ish- ministër Integrimi, ish kryetare e komisioneve të integrimit në Parlamentin shqiptar. Dy, mandatim me ligj të këtij komiteti për të kontrolluar dhe zbatuar detyrimet e çdo institucioni në procesin europian', tha z. Mediu. Kreu i Republikanëve kishte edhe një propozim të qartë sa i përket sistemit zgjedhor. "Në thelb të këtij propozimi qëndron sistemi proporconial kombëtar me lista të hapura, sipas së cilës votuesi përzgjedh partinë që dëshiron dhe brenda kësaj partie të ketë mundësinë që të zgjedhë 10% të kandidatit të listës së partisë përkatëse. Në fund, deputetë përzgjidhen ata kandidatë që kanë marrë më shumë vota në rang kombëtar. Po ashtu, mbetjet e votave i shkojnë listës së partisë përkatëse, të cilat nuk plotësojnë numrin e nevojshëm për deputetë, i shkojnë partisë me presjen dhjetore më të madhe", theksoi z. Mediu. Propozimet e Republikanëve për Kushtetutën dhe Reformën Zgjedhore, shkojnë më tej duke kërkuar president nga populli, krijimi i një sistemi parlamentar me dy dhoma, Senat dhe Dhomë të Përfaqësuesve, por dhe rishikim të Reformës Territoriale. Fatmir Mediu kërkoi unifikimin e qëndrimit opozitar për këto çështje dhe çështje të tjera me rëndësi. Sa i përket hapjes së opozitës, Mediu këshilloi Bashën: "Mendoj se e vetmja mënyrë për të mundësuar mbështetje ndërkombëtare, por edhe të qytetarëve shqiptarë është inicimi nga opozita e një dialogu opozitë- pozitë duke përfshirë kërkesat tona dhe sidomos kushtet e vendosura nga Bundestagu gjerman".