Meta: Pa media të lirë, rruga drejt BE- së është e pamundur

Kritika e fortë e presidentit: Media nën presionin politik, të oligarkëve dhe PPP "Fund pandëshkueshmërisë së dhunës ndaj gazetarëve"

Presidenti i Republikës Ilir Meta shpreh kriti ka të forta për lirinë e medias në vend ndërsa apelon që t'i jepet fund pandëshkueshmërisë së dhunës ndaj gazetarëve. Sipas tij pa lirinë e medias, integrimi në Bashkimin Evropian është i pamundur. Me rastin e Ditës Ndërkombëtare për t'i Dhënë Fund Pandëshkueshmërisë së Dhunës ndaj Gazetarëve, Meta deklaron se pa media të lirë dhe të pavarur, rruga e Shqipërisë drejt Bashkimit Europian është e pamundur. Presidenti flet për censurë dhe autocensurë, ndërsa shton se presionet politike të tejskajshme dhe të shumëllojshme kanë mbyllur emisione televizive dhe kanë larguar nga ekranet figura të spikatura të gazetarisë. "Liria e medias në vendin tonë fatkeqësisht është përkeqësuar ndjeshëm. Mjedisi dhe kushtet e punës së gazetarëve, gjithashtu. Censura dhe autocensura ndihen qartësisht në raportimet e tyre të përditshme. Presionet politike të tejskajshme dhe të shumëllojshme kanë mbyllur emisione televizive dhe kanë larguar nga ekranet figura të spikatura të gazetarisë. Ndërsa panelet e emisioneve politike të mbrëmjes më shumë orientohen nga interesat e oligarkëve dhe PPP- ve, se sa nga interesi publik dhe kombëtar. Shumë portale në të zezë e kanë ngritur "Fake News" në sistem, duke u vënë në shërbim të shtetit të propagandës. Ndërsa praktikat e "kasetave të gatshme" dhe të transmetimeve me "regji qendrore" po u imponohen gjithmonë e më shpesh televizioneve. Një nisëm ligjore "antishpifje" e propozuar nga qeveria tronditi thellë komunitetin e gazetarëve dhe organizatat botërore që monitorojnë lirinë e medias në vendin tonë",- shprehet z. Meta. Kreu i shtetit apelon me forcë heqjen dorë nga dhuna fizike e psikologjike, kërcënimi, shantazhimi dhe çdo lloj presioni, ngado që të vijë, ndaj gazetarëve. "Shqetësimet e gazetarëve të terrenit nuk dëgjohen, ndërsa shumë pronarë e drejtues mediash që përfitojnë burime financimesh të dyshimta apo nga fondet pub

like "çirren" paturpësisht për lirinë e medias. Ende sot askush nuk i di autorët dhe urdhëruesit e sulmit me armë ndaj banesës së familjarëve të gazetares Klodiana Lala apo rrahjes barbare të gazetarit, Elvi Fundo, edhe pse për këto dy raste pati nisur një hetim shtetëror. Për të gjitha këto arsye e jo vetëm, Shqipëria sipas konkluzioneve të organizatës së gazetarëve "Reporterët pa Kufij" ka zbritur me 7 vende në Indeksin Botëror të Lirisë së Medias. "Freedom House"

ka ngritur alarmin se media në Shqipëri është pjesërisht e lirë. Konkluzionet e "Misionit për lirinë e medias" të shtatë organizatave globale dhe raporti i OSBE/ ODIHR gjithashtu kanë tërhequr vëmendjen për gjendjen e përkeqësuar, të rëndë e tepër shqetësuese në të cilën ndodhen gazetarët në Shqipëri", deklaroi z. Meta. Ai vëren më tej se: "Pa media të lirë dhe të pavarur, rruga e Shqipërisë drejt Bashkimit Europian është e pamundur. Ndaj sot në Ditën Ndërko

PËRKEQËSIMI

"Liria e medias në vendin tonë fatkeqësisht është përkeqësuar ndjeshëm. Mjedisi dhe kushtet e punës së gazetarëve, gjithashtu. Censura dhe autocensura ndihen qartësisht në raportimet e tyre të përditshme. Presionet politike të tejskajshme dhe të shumëllojshme kanë mbyllur emisione televizive dhe kanë larguar nga ekranet figura të spikatura të gazetarisë",- tha z. Meta.

mbëtare për t'i Dhënë Fund Pandëshkueshmërisë së Dhunës ndaj Gazetarëve apeloj me forcë heqjen dorë nga dhuna fizike e psikologjike, kërcënimi, shantazhimi dhe çdo lloj presioni, ngado që të vijë, ndaj gazetarëve. Duke dënuar me forcë dhe ashpërsi çdo formë dhune ndaj reporterëve, theksoj se fjala e lirë dhe liria e medias janë një kusht i pazëvendësueshëm për respektimin e të drejtave të njeriut në një shoqëri demokratike".