Përplasja për 30 qershorin, PD: Vendimi, pasi të shprehet Meta
Vora dhe Shkodra, pa kryetarë, PD: Ka edhe 7 të tjerë që preken nga dekriminalizimi Në zyrën e presidentit asnjë shkresë për vakancat
çështje. Por deri më tani ende prej zyrës së kreut të qeverisë nuk është ndërmarrë nisma për të kërkuar një datë të re, çka në mënyrë të paprecedentë e lë situatën në mënyrë të paqartë. Ndërkohë ende nuk dihet se si do të jetë "fati" i Bashkisë së Vaut të Dejës, pasi PD- ja ka denoncuar edhe Mark Babanin si subjekt të ligjit të dekriminalizimit. Nga ana tjetër, PD- ja ka deklaruar se janë edhe të paktën 7 kryetarë bashkish që mund të preken nga ligji i dekriminalizimit.
DEKRETI
Në zyrën e Ilir Metës nuk ka ardhur asnjë shkresë për vakancat në drejtimin e bashkive Shkodër dhe Vorë, ndaj kreu i Shtetit ende nuk është shprehur për qëndrimin që do të mbajë për datën e zgjedhjeve që e ka rrëzuar me dekret. Mësohet se ende kryeministria nuk ia ka njoftuar vakancën kreut të shtetit. Nga ana e saj KQZja pritet që t'i kërkojë Presidentit Ilir Meta të shpallë një datë për zgjedhje të pjesshme në Vorë. Nga ana tjetër, nuk dihet nëse kreu i shtetit do të caktojë një datë tjetër, pasi nëse i referohemi rastit të Shkodrës ku Valdrin Pjetri u tërhoq para se të betohej për të marrë mandatin, Meta nuk ka shpallur një datë të re për zgjedhjet, duke qenë se Presidenti nuk i njeh zgjedhjet e 30 qershorit. Në kushtet kur kemi një ngërç të tillë, në rastin e Vorës vihet në lojë Këshilli Bashkiak Vorë, përpara të cilit Kajmaku bëri betimin më 5 gusht. Ata kanë kompetencë të komandojnë si kryetar të përkohshëm një prej nënkryetarëve aktualë të bashkisë. Ata janë Laureta Omeri dhe Aqif Muca. Nuk dihet se sa mund të vazhdojë drejtimi i Bashkisë së Vorës nga një nënkryetar, por ajo që dihet me siguri në këtë rast, është se drejtimi i bashkisë do të bëhet sërish nga socialistët. Më herët, Kreu i Shtetit ka theksuar se zgjidhja ishte të votimet në 13 tetor, kjo edhe në kushtet kur anulimi i zgjedhjeve të 30 qershorit, nga ku u zgjodhën dhe Pjetri e Kajmaku u publikua në Fletoren Zyrtare. Kjo e bën edhe më të paqartë se në çbazë argumentesh mundet që Kryeministri të kërkojë një datë të re, në kohën kur i vetmi institucion që mund të interpretojë situatën është Gjykata Kushtetuese, e cila ende nuk është ngritur ndërsa e vetmja padi për këtë datë është ajo e Voltana Ademit.
OPOZITA
Ish- deputeti i PD, Oerd Bylykbashi deklaroi se opozita do të marrë vendim për çështjen e kryebashkiakut të Vorës, Agim Kajmaku dhe atë të Shkodrës vetëm pasi të shprehet Presidenti Ilir Meta. Bylykbashi akuzoi qeverinë se ka uzurpuar pushtetin vendor. "Opozita do e shpreh qëndrimin e saj pas dekretit të Presidentit. Lëreni presidentin të shprehet. Pastaj opozita do të marrë vendim. Nuk kemi një pushtet të zgjedhur, por të uzurpuar. Shikoni ODIHR që e thotë qartë që ditën e zgjedhjeve duhet të ketë gjykata për të vendosur ligjshmërinë. Por qeveria nuk e mori parasysh interesin e zgjedhësve. Dekreti Presidentit nuk injorohet, por bllokohet nga Komisioni Qendror i Zgjedhjeve", - u shpreh z. Bylykbashi në ' Vizion Plus'. Ish- deputeti demokrat bëri të ditur, gjithashtu, se zgjidhja e ngërçit politik është vetëm ajo e mbajtjes së dy palë zgjedhjeve në të njëjtën ditë.