Çregjistrimi i mjeteve, aplikimi online
Dokumentet dhe tarifat për të nxjerrë makinën nga qarkullimi
Personat që duan që çregjistrojnë autom jetet përkohësisht ose përgjithmonë duhet më parë të rezervojnë një takim online në faqen zyrtare të Drejtorisë së Përgjithshme të Shërbimit të Transportit Rrugor. Në faqen zyrtare të këtij institucioni janë publikuar procedurat dhe tarifat për çregjistrimin e përkohshëm të mjetit( heqje e përkohshme nga qarkullimi). Personi i interesuar për heqjen e përkohshme nga qarkullimi të makinës, pasi ka paguar detyrimet përkatëse për taksat e mjetit, paraqitet pranë sporteleve të shërbimit kërkesën për shërbim. Pronari i mjetet duhet të ketë me vetë dokument identifikimi, i cili pasi fotokopjohet nga punonjësi i shërbimit, ju kthehet përsëri. Kur kërkuesi për çregjistrimin e mjetit është subjekt fizik ose juridik nevojitet ekstrakti i QKB- së i cili verifikohet nëpërmjet numrit NIPT, printohet në sportel nga nëpunësi i pranimit dhe legalizohet me vulën e tij personale. Për personin që kryen veprimet duhet autorizim dhe fotokopje e kartës identitetit ose e pasaportës biometrike duhet të paraqesë edhe lejen e qarkullimit të mjetit, targat e mjetit dhe mandatin për pagesat e taksave deri në datën e çregjistrimit. Në rast humbje ose vjedhje të dokumenteve apo njërës targë duhet denoncimi nga Policia e Shtetit, nëse humbasin të dyja targat duhet vërtetim nga prokuroria. Tarifa e shërbimit 1000 lekë. Për personat që janë të interesuar për çregjistrim të përhershëm të mjetit ( heqje e përhershme nga qarkullimi), paraqitet pranë sporteleve të shërbimit kërkesë për shërbim dhe dokument identifikimi, Kur kërkuesi për çregjistrimin e mjetit është subjekt fizik ose juridik nevojitet ekstrakti i QKB- së i cili verifikohet nëpërmjet numrit NIPT, printohet në sportel nga nëpunësi i pranimit dhe legalizohet me vulën e tij personale. Për personin që kryen veprimet duhet autorizim dhe fotokopje e kartës identitetit ose e pasaportës biometrike dhe leja e qarkullimi e mjetit, certifikatë pronësie e mjetit, targat e mjetit dhe vërtetim RBS ( lëshuar nga Regjistri i Barrëve Siguruese). Në sportel duhet dorëzuar certifikata e shkatërrimit lëshuar nga subjekti i licencuar për depozitimin e mjeteve në fund të jetës ose dokument të barasvlershëm nëse shkatërrimi ka ndodhur jashtë shtetit dhe pagesa e taksave deri në datën e çregjistrimit. Tarifa e shërbimit 600 lekë.
TAKSAT
Makinat e stilit “retro” nga 1 nëntori mund të regjistrohen në regjistrin retro të Republikës së Shqipërisë ndërsa nga 1 janari këto mjete do të gëzojnë benefite të tjera fiskale, si p. sh. nuk do të paguajnë taksat vjetore të qarkullimit do të kenë trajtim të veçantë me anë të një VKM. Lajmi u bë i ditur dje nga Kreu i DPSHTRR, Blendi Gonxhe për koleksionistët e këtyre makinave në 20- vjetorin të DPSHTRR- së, që vjen si bashkim jubilesh edhe i 105 vjetorit nga dita kur një shqiptar për herë të parë në jug të vendit ka pasur një automobil, që vjen për 95 vjetorin e shërbimit që ka lindur me dekret të vitit 1924, por DPSHTRR që njohim sot si Ent është formuar në ’ 99 si ent, sepse janë bashkuar shërbimet. “Janë automjete që në kohën e para luftës, që në kohën e Mbretit Zog. Janë automjete private, janë koleksione të personave të ndryshëm që janë kujdesur nga një anë t’i mbajnë, nga një anë t’i restaurojnë. Mbrëmë shpërndamë çmime, për ‘ shpëtimtarë’ të këtyre makinave, sepse shumë prej tyre janë rrezikuar nga koha nga ndryshku nga rreziku që të zhdukeshin. Janë makina të rralla, p. sh. automjeti i ishdiktatorit Hoxhës, janë vetëm 3 në të gjithë botën. Pra, ka automjete me vlera unikale”, - u shpreh Gonxhe, ndërsa ky aktivitet Gonxhe sqaroi ndër të tjera se regjistri retro do të jetë një sistem i pavarur nga DPSHTRR, do të jetë komplementar i regjistrit të mjeteve të Shqipërisë, por këto mjete kanë disa karakteristika e veçori.