Nëntor- dhjetor, aksioni te call center, ndërtimi dhe fasoneria

Antiinformalitetit, tatimet kaluan në “sitë” 9 mijë biznese në katër muaj Bizneset me shkelje vitin tjetër rriten edhe gjobat

2019, u kryen rreth 9150 kontrolle, ndërsa u konstatuan në shkelje të legjislacionit tatimor rreth 3 mijë subjekte të kategorive të ndryshme, apo rreth 33 për qind e totalit, për të cilat janë marra masat përkatëse që nga paralajmërimi, gjoba e deri tek bllokimi i aktivitetit. Vetëm në 10 ditët e fundit të muajit tetor administrata tatimore ushtroi 610 kontrolle në njësi të ndryshme të biznesit, nga zbuloi se 355 prej tyre ose më shumë se gjysma janë gjetur me shkelje. Nga inspektimet u gjetën 50 subjekte të paregjistruara në organet tatimore. Sipas tatimeve 80 tatimpagues të tjerë u penalizuan për shkeljen e mos lëshimit të kuponit tatimor ( rasti i parë), ndërsa 2 tatimpaguesve u janë bllokuar ambientet për 30 ditë kalendarike për mos lëshim kuponi tatimor ( hera e dytë). Ndërkohë 40 tatimpagues janë penalizuar pasi janë konstatuar me punonjës të padeklaruar, nga të cilët 34 subjekte janë të përgjegjësisë tatimore “biznes i vogël” dhe 6 subjekte janë të përgjegjësisë tatimore “biznes i madh”. Inspektorët kanë konstatuar se nuk kanë pasur të instaluar pajisjet fiskale 11 subjekte dhe 13 tjerë nuk i mbanin pajisjet fiskale në gjendje pune. 63 tatimpagues janë konstatuar se dispononin mallra pa dokumentacion tatimor. Drejtoria e Përgjithshme e Tatimeve njofton se strukturat e Monitorimit në Terren vijojnë kontrollet në të gjithë vendin. Pak ditë më parë Drejtoresha e Përgjithshme e Tatimeve, Delina Ibrahimaj tha se përgjatë pjesës së mbetur të vitit, deklarimi i punonjësve në skemën e sigurimeve shoqërore dhe deklarimi i pagës reale të tyre do të jetë në fokus të Planit Operacional kundër informalitetit për pjesën e mbetur të vitit 2019.