Fond 725 milionë lekë për rritje pensionesh për minatorët, naftëtarët dhe metalurgët
Zbardhet vendimi, tri kategoritë që përfitojnë pension suplementar për shkak të profesionit Dokumentet që duhet të dorëzohen në ISSH për të përfituar shtesën
Instituti i Sigurimeve Sho qërore do të shpërndajë një fond prej 725 milionë lekësh për minatorët, metalurgët dhe naftëtarët. Trajtimi financiar do të nisë pasi përfituesit të dorëzojnë pranë Institutit të Sigurimeve Shoqërore dokumentacionin përkatës. Vendimi i qeverisë për përcaktimin e dokumentacionit, shumës vjetore të transfertës nga buxheti i shtetit dhe procedurave të financimit të fondit të sigurimeve shoqërore për trajtimin financiar suplementar të punonjësve që kanë punuar në miniera në nëntokë, të punonjësve të industrisë së naftës e të gazit dhe të punonjësve që kanë punuar në metalurgji është botuar dje në Fletoren Zyrtare dhe detyron ISSH- në që brenda 10 ditëve nga administrimi i dokumenteve të bëjë përllogaritjet dhe të nisë shpërndarjen e parave.
DOKUMENTET
Përfituesit duhet të dorëzojnë shtatë dokumente dhe Instituti i Sigurimeve Shoqërore vendos në dispozicion të kërkuesve, brenda 10 ditësh nga hyrja në fuqi e këtij vendimi, formatin e kërkesës për përfitimin e pensionit për shkak të profesionit dhe për përfitimin e shtesës mbi pensionin, si dhe formatin e vërtetimit të posaçëm të konfirmimit të llojit të punës në profesionet e vështira. Në rastet kur subjektet punëdhënëse nuk janë aktive ose janë të mbyllura, dokumentacioni vërtetues i llojit të punës dhe kohëzgjatjes së saj, si dhe baza e vlerësuar për efekt të kalkulimit të pensionit plotësohen nga strukturat përgjegjëse të sigurimeve shoqërore dhe bashkohen në dokumentacionin e dosjes së përfitimit, duke ia bërë të njohur edhe personit kërkues. Në zbatim të nenit 8, të ligjit të nr. 29/ 2019, "Për trajtimin financiar, suplementar të punonjësve që kanë punuar në miniera në nëntokë, të punonjësve të industrisë së naftës e të gazit dhe të punonjësve që kanë punuar në metalurgji", shuma e transfertës nga buxheti i shtetit dhe procedurat e financimit të fondit të siguri
NJOFTIM SHPALLJE ANKANDI
meve shoqërore realizohen gjatë procesit të përgatitjes së buxhetit të shtetit. Instituti i Sigurimeve Shoqërore, bazuar në numrin e kontribuuesve të këtyre industrive dhe normës kontributive të caktuar me ligj, parashikon të ardhurat nga kontributet. Bazuar në numrin e përfituesve, masën mesatare të përfitimit, shtesën e numrit të përfituesve të rinj dhe pakësimit të përfituesve nga daljet në pension pleqërie llogariten shpenzimet e nevojshme. Diferenca mes shpenzimeve dhe të ardhurave parashikohet për t'u përballuar nga buxheti i shtetit në vitin përkatës. Kjo miratohet nga
NJOFTIM
Këshilli i Ministrave si pjesë e buxhetit të sigurimeve shoqërore në buxhetin e shtetit. Efektet financiare që rrjedhin nga zbatimi i ligjit nr. 29, datë 23.5.2019, "Për trajtimin financiar suplementar të punonjësve që kanë punuar në miniera në nëntokë, të punonjësve të industrisë së naftës e të gazit dhe
të punonjësve që kanë punuar në metalurgji" llogariten në shumën 725 milionë lekë dhe përballohen nga fondet e programuara në buxhetin e sigurimeve shoqërore të vitit 2019. Ministria e Financave dhe Ekonomisë dhe Instituti i Sigurimeve Shoqërore do të zbatojnë vendimin.
NJOFTIM