Ahmetaj: Buxhet pa programe sociale, Denaj: Nuk ka fonde
Buxheti i vitit 2020 përplas deputetët e mazhorancës me ministren S'ka rritje pagash për administratën, vetëm indeksim pensionesh
Buxhetorë nuk do të kenë rritje pagash për vitin e ardhshëm dhe pensionet vetëm do të indeksohen. Ministrja e Financave, Anila Denaj e justifikon mungesën e fondeve për rritje pagash me lehtësi të tjera që janë ndërmarrë për kategori të ndryshme. "Është e vërtetë që në pamje të parë buxheti nuk sjell qasje të politikave të reja sociale. Por gjatë gjithë këtij viti politikat sociale nuk kanë munguar dhe konsolidimi në një vit më pas nuk është i pamundur për të parë dhe reflektuar të gjithë masat e marra këtë vit", tha Denaj. Ministrja Denaj renditi disa prej prioriteteve që qeveria shqiptare ka vendosur të arrijë për vitin 2020, si: ulja e borxhit dhe rritje e nivelit ekonomik përmes investimeve dhe vendeve reja të punës. Nga ana tjetër, ministrja e Ekonomisë dhe Financave renditi shpërndarjen e buxhetit për secilën për ministrive. ' Në buxhet janë parashikuar 532 miliardë lekë shpenzime. Të ardhurat do të jenë 29.2 miliardë lekë më shumë se viti 2019. Rritja ekonomike parashikohet të jetë 4.1% dhe do të nxitet edhe nga konsumi i brendshëm, ndërsa borxhi publik në vitin e ardhshëm do zbresë në nivelin 62.2%, në vitin 2021 do zbresë në 59% dhe në vitin 2022 do jetë 57 %,' tha ministrja në fjalën e saj. Denaj ndër të tjera ka theksuar një rritje të investimeve në masën e 4.5% të PBB dhe ka folur për krijimin e 35 mijë vendeve të reja të punës. Nga ana tjetër, ministrja e Ekonomisë dhe Financave renditi shpërndarjen e buxhetit për dy ministritë kryesore, Arsimin dhe Shëndetësinë. Për Ministrinë e Shëndetësisë, në 2020 do të alokohen 2.75 mld lekë më shumë së në vitin 2019. Do të ndërtohen 120 qendra shëndetësore dhe do të bëhet rimbursimi i ilaçeve për 1000 pacientë. Ndërkohë, për arsimin do të alokohen 3.3 mld lekë më shumë se në vitin 2019. Përveç kësaj, synojmë konsolidimin e të ardhurave të bashkive dhe uljen e borxhit dhe detyrimeve të tyre.
DEBATI
Kryetari i Komisionit, Arben Ahmetaj identifikoi se projektbuxheti për vitin 2020 nuk ka një titull, pra një fokus në një fushë të caktuar që do të mund të jetë prioritet për vitin që po troket: për shembull "Buxheti i shëndetësisë". Ministria e Financave parashikon një rritje ekonomike në nivelin prej 4.1% në vitin 2020 dhe 4.5% për dy vitet e tjera. Po ashtu për Arben Ahmetaj rritja ekonomike 4,1 % për vitin 2020 kur ekonomia jonë mbetet e rrezikuar nga faktorë të brendshëm e të jashtëm, pa një paketë sociale të parashikuar në buxhet për shtresat
në nevojë, pa investime të reja publike, është një optimizëm jo realist. Kreu i Komisionit i kërkoi ministres së Financave, Anila Denaj që të përmirësohet relacioni për projektbuxhetin 2020 duke u riparë rritja ekonomike me ulje për 2020- ën. "Një reflektim i pritshmërisë 2019 ndaj planifikimit të 2020". "Banka Botërore e ka ulur parashikimin për Shqipërinë gjatë 2019- ës në 2,8- 2,9%, më i ulëti në rajon", tha Ahmetaj gjatë relatimit të projektbuxhetit 2020- të. Projektbuxheti tha ai, nuk ka parashikuar bonusin për pensionistët, rritje pagash e pensionesh dhe investime publike. Për kreun e komisionit Ahmetaj ky projektbuxhet nuk ka asnjë politikë të re sociale apo mbështetëse. "Kjo bie në kundërshtim me politikat e majta të qeverisë", u shpreh Ahmetaj. Ai sugjeroi që të priten edhe treguesit e nëntorit që në korrigjimin e relacionit të
DEBATI AHMETAJ DENAJ
Arben Ahmetaj: Do
t'ju lutesha që kjo shumë të mos kursehet, por të shkojë në pagesë të detyrimeve të prapambetura të Ministrisë së Infrastrukturës, të cilat sot janë 6.2 miliardë. 2.9 miliardë shkonin për Unazën, Loti 1 dhe Loti 2 dhe Pallati me Shigjeta dhe pastaj pjesa tjetër e Unazës, ndërsa infrastruktura tjetër rrugore në Republikën e Shqipërisë merrte asgjë.
Është e vërtetë që në pamje të parë buxheti nuk sjell qasje të politikave të reja sociale. Por gjatë gjithë këtij viti politikat sociale nuk kanë munguar dhe konsolidimi në një vit më pas nuk është i pamundur për të parë dhe reflektuar të gjithë masat e marra këtë vit.
Nuk ka planifikim sërish bonus
Anila Denaj:
Arben Ahmetaj:
për pensionistët.