"Amnesty International": Turqia arreston qindra kritikë të operacionit në Siri

Ligjvënësi kurd: Shtypja në nivele të larta, edhe pse ka reagim demokratik Takimi me Trump, Erdogan mbërrin në SHBA për vizitë zyrtare

Sipas organizatës "Am nesty International", qindra persona janë arrestuar nga autoritetet në Turqi, pasi postuan komente në rrjete sociale, ku ngrinin pikëpyetje mbi ofensivën ushtarake turke kundër milicisë kurde në Siri. Grupi për të drejtat e njeriut thonë se dhjetëra njerëz të pafajshëm, përfshirë edhe shumë gazetarë po përballen me akuza absurde kriminale vetëm se kritikuan operacionin e filluar muajin që shkoi, pas vendimit të Shteteve të Bashkuara për tërheqjen e trupave amerikane nga zona. Siç njofton korrespondenti i "Zërit të Amerikës", Henry Ridgwell, masat e tanishme janë një sulm në shkallë të gjerë ndaj lirisë së shprehjes në Turqi. Turqia thotë se ndërhyrja ushtarake në veri të Sirisë kishte objektiv grupet terroriste. Kështu i cilësojnë autoritetet turke luftëtarët kurdë, të cilët ndihmuan në mposhtjen e Shtetit Islamik. Gjatë operacionit u vranë dhjetëra civilë, ndërsa qindra- mijëra njerëz u dëbuan nga shtëpitë e tyre. Organizata "Amnesty International" thotë se kritikët e operacionit në Turqi po shtypen nga qeveria. Në qytetin me shumicë kurde, Diyarbakir, policia shpërndau protestat dhe arrestoi demonstruesit. "Shtypja ndaj popullit tonë, mizoria, ka arritur në atë pikë saqë nëse reagon në mënyrë demokratike merr përgjigje të ashpër", thotë ligjvënësi kurd, Musa Farisogullari. Nuk janë vetëm protestuesit në rrugë, ata që u penguan. "Përdorues të rrjeteve sociale, gazetarë, anëtarë të partisë politike kurde, janë objektiv, sepse ata kundërshtojnë operacionin ushtarak në veri të Sirisë", thotë Milena Buyum e organizatës "Amnesty International". Të dhënat e organizatës për të drejtat e njeriut thonë se nën hetim ishin 839 llogari të rrjeteve sociale, me dyshimin për shpërndarje të përmbajtjes së jashtëligjshme. Hetimi filloi në javën e parë të ofensivës, ku u arrestuan 186 persona. Më 27 tetor, avokatja

Nurcan Kaya u arrestua në aeroportin e Stambollit, pasi shkroi në "Twitter" se, "e dimë nga përvoja se ai që ju e quani operacion paqeje është një masakër". Ajo u lirua, por iu ndalua të udhëtojë. Edhe gazetarë të tjerë u arrestuan. "U arrestuan edhe disa gazetarë që transmetuan lajme rreth operacionit ushtarak duke iu referuar burimeve tjera mediatike. Pas lirimit, atyre iu ndalua udhëtimi jashtë vendit", thotë Milena Bauyum e organizatës "Amnesty International". Sipas kësaj organizate, operacioni ushtarak në

Siri është përdorur si arsye që të shtypen politikanët dhe aktivistët kundërshtues, duke tkurrur kështu hapësirën e lirisë së shprehjes. "Veçanërisht në shtatë vitet e fundit, situata është vështirësuar, sidomos pas puçit të vitit 2016", thotë Milena Buyum. Turqia i arsyeton masat, duke thënë se qëllimi është që të pengohet përhapja e propagandës terroriste. Nga ana tjetër, presidenti i Turqisë, Erdogan, me ftesë të homologut të tij amerikan, Donald Trump, ka mbërritur në Uashington. Presidenti Erdogan në bazën

MUSA FARISOGULLARI

"Shtypja ndaj popullit tonë, mizoria ka arritur në atë pikë saqë nëse reagon në mënyrë demokratike merr përgjigje të ashpër", thotë ligjvënësi kurd, Musa Farisogullari.

e forcave ajrore të SHBA- ve, Andrews u prit nga ambasadori turk në Uashington, Serdar K? l? ç, përfaqësuesi i përhershëm i Turqisë në Kombet e Bashkuara ( OKB), Feridun Sinirlio? lu, shefi i protokollit të SHBA- ve, Cam Henderson dhe përfaqësues të tjerë. Presidenti Erdogan shoqërohet nga bashkëshortja e tij, Emine Erdogan; ministri turk i Punëve të Jashtme, Mevlüt Çavu? o? lu; ministri i Thesarit dhe i Financave, Berat Albayrak; ministrja e Tregtisë, Ruhsar Pekcan; zv. kryetari i AK Partisë, Mahir Ünal; zëdhënës i AK Partisë, Ömer Çelik; shefi i komunikimeve të presidencës turke, Fahrettin Altun, si dhe zëdhënësi i presidencës turke, ? brahim Kal? n.