Meta paralajmëron vendime të rëndësishme, a do e shpërndajë Kuvendin?
Presidenti, video që denoncon tentativën e kapjes së Kushtetueses
Përveç padisë që do të paraqesë kundër kreut të Këshillit të Emërimeve në Drejtësisë, Presidenti i Republikës, Ilir Meta, ka vendosur të reagojë fort ndaj asaj që ai e konsideron si situata dramatike në të cilën ndodhet vendi. Për këtë qëllim, ai ka paralajmëruar një sërë veprimesh dhe vendimesh shumë të rëndësishme, ndërkohë që nuk ka përjashtuar as mundësinë e shpërndarjes së Kuvendit të Shqipërisë. Hapi i parë që ai ka ndërmarrë ka qenë thirrja në takim e të gjithë kryetarëve të partive që ishin në parlament dhe që u larguan gjatë këtij viti. Për këtë, Meta i ka nisur një letër zyrtare kryetarit të Partisë Demokratike, Lulzim Basha, ku e fton atë dhe të gjithë opozitën joparlamentare që të shkojë në takim sa më shpejt, mundësisht brenda datës 20 nëntor 2019. "Nisur nga situata dramatike, në të cilën ndodhet vendi dhe pasojat e saj të papranueshme, ju ftoj juve dhe të gjithë kryetarët e partive të opozitës së bashkuar në një takim, në një kohë sa më të shpejt, mundësisht përpara ditës së mërkurë, datë 20.11.2019", - thuhet në ftesë. Gjithashtu mësohet se presidenti Ilir Meta ka ftuar në një takim edhe fondacionin e Shoqërisë së Hapur “SOROS”, si dhe përfaqësues të shoqërisë civile në Shqipëri që u angazhuan në Reformën në Drejtësi. Kreu i shtetit nuk ka bërë të ditur se cilat do jenë çështjet që do diskutohen në mënyrë konkrete, por pritet që ai t'u parashtrojë krerëve të partive disa nisma që pritet të marrë si kundërpërgjigje ndaj situatës së krijuar së fundmi me Gjykatën Kushtetuese. Ndërkohë që Presidenti Ilir Meta rikonfirmoi edhe një herë dje përmes zëdhënësit të tij, Tedi Blushi, se ditën e hënë do të bëhet kallëzimi penal ndaj kreut të Këshillit të Emërimeve në Drejtësi, Adrian Dvorani. Përmes një mesazhi në rrjetet sociale, Blushi thekson se po administrohen prova të reja për Dvoranin dhe që sipas tij shtojnë mundësinë
FTESA
"Nisur nga situata dramatike në të cilën ndodhet vendi dhe pasojat e saj të papranueshme, ju ftoj juve dhe të gjithë kryetarët e partive të opozitës së bashkuar në një takim, në një kohë sa më të shpejtë, mundësisht përpara ditës së mërkurë, datë 20.11.2019", - thuhet në ftesë.