Bankat mbështesin SME- të, kreditimi rritet me 15.5%
Raporti i Bankës së Shqipërisë: Huadhënia për biznesin u rrit me 8.2% në muajin shtator Kredia për biznesin u rrit me 8.7 mld në tre muaj
segment i ekonomisë më pak i kredituar, por me potencial për zhvillimin ekonomik në të ardhmen. Zhvillimet sektoriale në portofolin e kredisë tregojnë për një përmirësim të ritmeve të rritjes në të gjithë sektorët e ekonomisë, përveç atij bujqësor.
INDIVIDËT
Kredia për individë ka vijuar të shënojë norma të qëndrueshme rritjeje në tremujorin e tretë të vitit. Zgjerimi i këtij portofoli mbështetet nga rritja e kërkesës dhe lehtësimi i vazhdueshëm i kushteve të kreditimit në këtë segment, duke u reflektuar si në ecurinë e kredisë hipotekare, ashtu edhe në atë konsumatore. Zhvillimet në terma të monedhës rikonfirmojnë orientimin e kërkesës së individëve për financim drejt monedhës vendëse. Normat e interesit për kreditë e reja në lekë kanë vijuar të ulen më tej për bizneset, diktuar nga reduktimi i normave për kreditë për likuiditet. Balanca e kushteve joçmim të kredive për bizneset ka mbetur e pandryshuar në këtë tremujor. Për individët, normat e interesit kanë qëndruar në të njëjtat nivele mesatare të vërejtura gjatë gjysmës së parë të vitit, kurse kushtet dhe termat joçmim kanë rezultuar me një shtrëngim të lehtë këtë tremujor. Në përgjithësi, riaktivizimi i bankave në kreditim pas procesit të ristrukturimit të sistemit vitin e fundit po reflektohet në rritje të konkurrencës në sistemin bankar dhe në reduktim të marzheve të interesit. Aktiviteti kreditues në rajonin e EQJL- së shfaq rritje relativisht të qëndrueshme, por ende në nivele të moderuara. Zgjerimi i portofolit të kredisë për sektorin privat vijon të udhëhiqet nga vendet e Evropës Qendrore, duke thelluar më tej segmentimin gjeografik në rajonin e gjerë të EQJL- së. Kredia për biznese shfaqet relativisht e luhatshme, ku ciklet e përshpejtimit dhe ngadalësimit të kredisë për këtë segment janë të shpeshta dhe relativisht afatshkurtra. Kredia për individë shfaq rritje më të njëtrajtshme, qoftë në terma gjeografikë, ashtu edhe si sjellje në kohë.