Në 663 kontrolle të kryera, janë konstatuar 128 shkelje tatimore
Drejtoria
e Përgjithshme e Tatimeve ka publikuar bilancin e realizuar gjatë javës së 11- 15 nëntorit, duke konstatuar 663 kontrolle të kryera. Në këto kontrolle, sipas njoftimit, kanë rezultuar 128 shkelje të legjislacionit tatimor nga ku numërohen 15 subjekte të paregjistruara. Sipas DPT- së, janë penalizuar 20 tatimpagues për shkeljen e moslëshimit të kuponit tatimor si dhe 24 tatimpagues me punonjës të padeklaruar, nga të cilët 21 subjekte ishin “biznes i vogël” dhe subjekte “biznes i madh”. Veç tyre, janë konstatuar 4 tatimpagues, të cilët nuk kanë pasur të instaluar pajisjet fiskale, 11 tjerë që nuk i mbanin pajisjet fiskale në gjendje pune si dhe 23 tatimpagues dispononin mallra pa dokumentacion tatimor. Në zbatim të Planit kundër Informalitetit, Administrata Tatimore njoftoi se ka vijuar fushatën ndërgjegjësuese për deklarimin real të pagave, ndërsa vazhdon verifikimi në terren për punonjës të paregjistruar, specifikisht në sektorë të identifikuar me risk si ndërtimi, ‘ call center’ dhe ‘ fasoneri’. Nga analiza e riskut mbi nivelin e pagave u identifikuan 7200 punëdhënës që nëndeklarojnë pagat e punonjësve të disa profesioneve të mirëpaguara dhe 13400 individë që ndikohen nga kjo, edhe për të ardhmen e tyre ( vlera e pensionit). Administrata Tatimore ka komunikuar në mënyrë të personalizuar me tatimpaguesit punëdhënës dhe vetë individët e nënpaguar, për t’i ndërgjegjësuar mbi rëndës
NJOFTIM SHPALLJE ANKANDI
inë e deklarimit korrekt dhe të vetëkorrigjimit. Qëllimi i Administratës Tatimore është të komunikojë te punëmarrësit përfitimet që kanë nga deklarimi korrekt i pagës së tyre dhe të ndërgjegjësojë punëdhënësit se mosdeklarimi i pagës reale përbën shkelje dhe dënohet sipas legjislacionit tatimor. Administrata Tatimore nxit të gjithë tatimpaguesit të vetëdeklarojnë në mënyrë korrekte e në respektim të ligjit, duke siguruar monitorim në vazhdimësi të deklarimeve dhe ndryshimeve që reflektohen në përmbushje. Për çdo parregullsi, për të cilën nuk janë ndërmarrë veprime vetëkorrigjuese do të vijojnë masat që parashikon ligji. Plani kundër Informalitetit synon së pari ndërgjegjësimin e të gjithëve, se respektimi i ligjit është detyrim i njëjtë për të gjithë dhe në të mirën e përbashkët, thuhet në njoftimin e Tatimeve.