Tarifat, aktekspertiza 40 lekë për m2 dhe provat laboratorike 200 lekë për m2
Tërmeti, miratohet procedura për aktekspertizën e thelluar të ndërtesave Grupi i inxhinierëve do të vendosë fatin e ndërtesave
Ndërtesat e dëmtuara nga tërmeti i 26 nën torit do t'i nënshtrohen një ekspertize të hollësishme për të vendosur më pas fatin e tyre. Vendimi do të jetë i grupit të punës, që do të përcaktojë nëse ndërtesa do të qëndrojë dhe do të rikonstruktohet apo do të dhembet. Qeveria ka miratuar tarifat për aktekspertimet e thelluara. Kryerja e aktekspertizës së thelluar do të bhëhet për objektet publike ose private, që janë klasifikuar me shkallë dëmtueshmërie DS4 dhe DS5, që do të thotë dëmtime strukturore të shkallës së rëndë dhe shumë të rëndë. Sipas vendimit, tarifat për dokumentimin gjeometrik dhe teknik për objektet pa dokumentacion teknik do të jetë 150 lekë për m2 dhe aktekspertiza 40 lekë për m2. Ndërsa analiza strukturore e thelluar përfshin azhurnimin gjeometrik dhe teknik: i. Provat laboratorike 200 lekë/ m2 dhe studimit të thelluar 300 lekë/ m2 si dhe projekti i ndërhyrjeve rehabilituese/ përshtatëse 200 lekë/ m2. Programi është propozuar nga Ministria e Infrastrukturës dhe ajo e Drejtësisë dhe do të koordinohet nga organet e qeverisjes vendore dhe institucionet shtetërore përgjegjëse. Rivlerësimet do të bëhen mbështetur mbi aktkonstatimet ose aktvlerësimet paraprake të Institutit të Ndërtimit apo të grupeve përkatëse të inspektimit". Kjo aktekspertizë më pas do t'i paraqitet Institutit të Ndërtimit, që jep opinionin e tij, i cili mbizotëron mbi aktekspertizën e thelluar dhe zbatohet nga njësitë e vetëqeverisjes vendore, ose nga autoritetet përgjegjëse. Procesi do të përfshijë edhe disa kosto, të cilat janë të përcaktuara për çdo metër katror sipërfaqe.
VENDIMI
Qeveria vendosi që njësitë e vetëqeverisjes vendore ose autoritetet përgjegjëse shtetërore do të kryejnë aktekspertizë të thelluar për të gjitha objektet për të cilat kërkohet një rivlerësim më i thelluar, mbështetur në aktkonstatimet ose aktvlerësimet paraprake të Institutit të Ndërtimit apo të grupeve përkatëse të inspektimit. Aktekspertiza e thelluar i vihet në dispozicion Institutit të Ndërtimit për kryerjen e oponencës. Instituti i Ndërtimit jep opinionin e tij, i cili mbizotëron mbi aktekspertizën e thelluar dhe zbatohet nga njësitë e vetëqeverisjes vendore ose autoritetet përgjegjëse. Në përfundim të aktekspertimit jepet konkluzioni për performancën e godinës, sipas metodologjisë bazuar në standardin shqiptar për sizmicitetin dhe ngarkimin sizmik, sipas kushteve teknike dhe procedurave, sipas përcaktimeve në specifikimet teknike dhe/ ose standardeve të tjera të barasvlefshme me standardin shqiptar për sizmicitetin. Më pas bëhet raporti me rekomandimet për ndërhyrjet strukturale të nevojshme për kthim të strukturës konform kushteve teknike dhe përshtatjen sipas standardeve shqiptare ose specifikimeve teknike dhe/ ose standardeve të tjera të barasvlefshme me to. Sipas vendimit, projekti i ndërhyrjeve rehabilituese/ përshtatëse hartohet në bazë të kushteve teknike të projektimit në fuqi dhe të stan
dardeve evropiane. Hartimi i projektit mbështetet në rekomandimet e analizës së thelluar dhe përfshin të gjitha detajet e nevojshme për ndërhyrje si dhe metodologjinë e aplikimit.