Pas kalvarit të lirimit, "gylenisti" turk që kërkon azil në Shqipëri dërgohet në Kareç të Vorës
Pritet vendimi në lidhje me ekstradimin e Selami Simsekut
TIRANË - Shtetasi turk, Selami Simsek, i cili u dënua me 1 vit burg nga Gjykata e Tiranës për falsifikim të vizave, ka fituar lirinë në Apel. Por, lirimi i tij ka kaluar një peripeci të gjatë nga ora 14: 00 e ditës së hënë. Në momentin që gjykata vendosi të shuajë masën e sigurisë për shkak se ai e kishte përfunduar dënimin e dhënë nga drejtësia për akuzën e falsifikimit të dokumenteve dhe për sa kohë që tentoi të largohej përmes Shqipërisë në drejtim të Kanadasë, me vizë false, Simsek pati një ecejake të gjatë dhe në mungesë të transparencës nga autoritetet shqiptare. Menjëherë pas daljes nga paraburgimi, ai u shoqërua në Laprakë në Drejtorinë e Migracionit dhe Kufirit, ku paraqiti kërkesën për azil politik, menjëherë aty u
DEKLARATA
Drejtoria e Kufirit dhe Emigracionit ka deklaruar për "News 24" se Selmai Simsek është transferuar në qendrën e Kareçit, në Vorë. Mbetet për t'u parë vendimi që do të merret nga autoritetet shqiptare, nëse atij do t'i pranohet kërkesa për azil, apo do ketë fatin e mikut të tij, Harun Çelik, i cili sapo kapërceu pragun e ' 312'- ës, u dëbua drejt Turqisë, pa i dhënë mundësi për apelim.
njoftua se Simsek do të transferohej në qendrën e azilkërkuesve në Babrru. "News 24" dhe "Gazeta Shqiptare" ka ndjekur nga afër rastin e Simsek. Ai u transportua me një furgon të bardhë deri në qendër të
Babrrusë, ku e priste babai i tij, i cili kishte ardhur enkas nga Turqia dhe ndodhej në praninë e një përkthyesi. Kur furgoni mbërriti te qendra e azilkërkuesve në Babrru, u kthye pas pa dhënë asnjë shpjegim dhe për disa orë familjarët, por edhe avokati i tij nuk patën asnjë lidhje dhe asnjë kontakt me Selami Simsek. "News 24" monitoroi nga afër edhe aeroportin e Rinasit, për sa kohë që në orën 20: 45 kishte një fluturim drejt Turqisë, nga frika dhe dyshimi se mos dëbohej në mënyrë të beftë si miku i tij, Harun Çelik, në fakt kjo nuk ndodhi. Rreth orës 21: 00 të mbrëmjes të së hënës, avokati Elton Hyseni u njoftua se Simsek ndodhej në ambientet e Ministrisë së Brendshme, ku do të duhej të jepte intervistën e zgjedhuar dhe të shpjegonte arsyet e kërkimit të azilit.
Ministria e Brendshme dhe policia e Shtetit i shoqëroi të gjithë këta persona pas orës 23: 00 duke i dërguar në ambientet e komisariatit për verifikime, duke i mbajtur larg Simsek. Ndërkaq, Drejtoria e Kufirit dhe Emigracionit ka deklaruar për "News 24" dhe "Gazeta Shqiptare" se Selmai Simsek është transferuar në qendrën e Kareçit, në Vorë. Mbetet për t'u parë vendimi që do të merret nga autoritetet shqiptare, nëse atij do t'i pranohet kërkesa për azil, apo do ketë fatin e mikut të tij, Harun Çelik, i cili sapo kapërceu pragun e ' 312'- ës, u dëbua drejt Turqisë, pa i dhënë mundësi për apelim.