"Bimët mjekësore që bëjnë mirë për koronavirusin"

Ylli Merja këshillon qytetarët: Si të mbroheni, masat që ju duhen Nga rakia e zier te dafina, këshillat e mjekut popullor

Mjeku popullor, Ylli Merja, këshilloi të gjithë qytetarët të bëjnë kujdes me koronavirusin, duke treguar dhe çfarë duhet të konsumojnë. I ftuar në emisionin "Vila 24", në "News 24", mjeku tha se kryesore për të mposhtur këtë virus është hudhra dhe vaji i dafinës, i cili sipas Merjas, liron për 3 minuta rrugët respiratore. Ndërsa për qytetarët që janë në panik dhe ankth nga kjo situatë, mjeku Merja u shpreh: "Janë të vlefshme të gjitha këshillat që japin mjekët dhe specialistët, por duke qenë në Shqipëri, do iu rekomandoja të marrin dhe të përdorin një çaj, një propolis blete, një vaj dafine, ose të ziejnë gjethet e dafinës dhe të bëjnë çaj, të bëjnë avull, mund të pinë një çaj me sherebel. Këto bimë janë aq të mrekullueshme dhe nuk duhet t'i lëmë mënjanë në këtë luftë biologjike".

Cila është metoda që sipas jush mund të luftojë koronavirusin?

Duhet të pimë shumë çaj dhe të bëjmë avull me dafinë dhe raki. Për ta bërë më efikase, te rakia e rrushit hedhim pak hudhra, pak piper, në sasinë 1/ 10 dhe mund t'i përdorim si dezinfektantë apo dhe t'i vëmë të ziejnë. Kur ra gripi më 1918 dhe 1929, gjyshi më tregonte dy fakte të çuditshme. Kishin prodhuar shumë hudhra dhe i hanin. Të njëjtën provë bëmë në 2018 kur ra një grip masiv e vdisnin njerëz. Shtëpia jonë që konsumonte hudhër nuk pati asnjë të sëmurë me grip. Pra, ideja është të përdorim aromaterapinë nëpër shtëpi. Rigoni, sherebela, piper i zi, dëllenja e zezë kanë vaj eterik në brendësi dhe po të zihen, përhapin në ajër antiseptikët që luftojnë viruse. Po kështu, në një enë që zien, hedhim një lug çaji me sodë buke brenda ujit dhe duke u bashkuar me piklat e ajrit, dezinfektohet ambienti.

Po më shumë?

Përdorimi i bimëve antivirale si çaj është një tjetër zgjidhje, e njeh mjekësia mbarëbotërore. Ne duhet të luftojmë çdo virus në qarkullim. Ka bimë mjekësore që e mbushin mushkërinë me ajër.

Si i mendoni efektet e koronavirusit në Shqipëri?

Mendoj se efektet negative në Shqipëri nuk do jetë aq e madhe, sepse ne jemi më të njohur me virusin dhe masat që duhet të marrim.

Pra, këto kura i dini nga familja?

Mamaja ime ishte edukatore e një kopshti, mund të kishte rreth 30 fëmijë, që nuk e dinin çfarë është gripi. Ajo imasazhonte me raki, hudhra dhe ujë të nxehtë. Përdorte dhe lëng shtogu dhe fëmija që kishte temperaturë 40, kthehej në shtëpi me 36.

Hudhra është si antibiotik?

Hudhra ka komponentë që po të përzihen me njëratjetrën, mbysin çdo lloj virusi, nuk e lënë atë të zhvillohet. Koronavirusi nuk është i pamposhtur, u shfaq në Kinë dhe ata thonë që po i rikthehen punës. Virusi nuk mund të jetojë përjetë, ka atë ciklin e vet.

Si të krijojmë imunitet të fortë?

Përveç bimëve mjekësore, duhet të shfrytëzojmë limonin, por jo lëngun se sa lëvoren, që është më e mirë. Duhet lënë 1 minutë të vlojë dhe të pihet. Edhe lëngu i portokallit është shumë i mirë. Këto duhen vënë në shërbim të mbrojtjes së organizmit. Duke ditur që është virus jo i panjohur për shkencën, ka një bazë reale zgjidhjeje. Kush mund të më thotë një nga të sëmurët që ka përdorur vaj dafine? Jo më larg se 3 minuta, ai liron komplet rrugët respiratore.

Po stresi a ndikon negativisht?

Stresi prodhon ngarkesa negativa që ulin rezistencën dhe kjo nuk u bën mirë qytetarëve.

Çfarë do të bëje përballë një situate me një të sëmurë me koronavirus?

Kur të shkoj te një person i prekur, e para do dezinfektoj duart, ajrin e thith me

hundë, që ta çoj dezinfektimin te mushkëritë, pastaj dezinfektoj dhe ambientin. Do të pi pak nga propolis dhe do shkoj tek i infektuari, por nuk do t'i afrohem. Do t'i them të pijë pak vaj dafine e do t'i jap këshillat për ta lehtësuar gjendjen. Megjithatë, dua të shtoj që çdo këshillë e dhënë na epidemiologët e mjekët është e vlefshme, ndërsa mjekësia alternative është një favor për të parandaluar, madje edhe kuruar veten.