Veliaj: Do të mbyllen njësitë administrative, punë nga shtëpia
"Dezinfektim i ashensorëve dhe hapësirave të mbyllura"
gjitha zyrat e njësive ad ministrative do të jenë të mbyllura për rastet jourgjente. Shërbimi i tyre do të vazhdojë vetëm "online". "Secili administrator do të duhet ta vlerësojë. Do të mbyllim të gjitha njësitë administrative, kushdo që ka punë me kompjuter, mund të punojë dhe nga shtëpia. Kemi shumë vlerësime nga tërmeti, janë punë që fare mirë mund të bëhen nga shtëpia pa kontakt me njerëzit. Shumicën e shërbimeve i kemi ' online' dhe vetëm nëse ka një emergjencë mund të bëhet shërbimi fizik në zyrë", theksoi Veliaj. Ndërkaq, kryebashkiaku Erion Veliaj urdhëroi të gjithë administratorët e pallateve që të dezinfektojnë ashensorët. Nga mbledhja e fundit e Shtabit të Emergjencave të Bashkisë së Tiranës, ai theksoi se të gjithë administratorët do të duhet të sinjalizojnë dhe për çdo rast që nuk respekton vetëkarantinimin. "E vetmja mënyrë sesi mund të kontribuojmë është duke ndenjur në shtëpi. Duhen marrë masat për dezinfektimin e ashensorëve, hapësirave të ngushta, të mbyllura, ku shkëmbehen njerëzit, qytetarët këshillohet që të presin në ashensor sa të zbresë një familje. ", tha Veliaj.