MASAT
Qeveria vendosi dje të nxjerrë në terren ushtrinë dhe policinë për të verifikuar nëse të ardhurit nga Italia apo zona të prekura nga koronavirusi e respektojnë vetëkarantinimin të paktën 14 ditë. Nëse ata shihen në rrugë do të gjobiten 5 mijë euro dhe me rikthimin e situatës në normalitet do u ndalohet të dalin jashtë shtetit nëse gjoba nuk shlyhet. Kryeministri Edi Rama, me anë të një video- mesazhi në "Facebook", paralajmëroi paraditen e djeshme se në orët e pasdites në rrugë do të dalin policë dhe ushtarakë për të mbajtur situatën nën kontroll. Dhe ashtu siç paralajmëroi kryeministri Edi Rama, ushtria dhe policia nisi kontrollet në terren për monitorimin e zbatimit të masave parandaluese për koronavirusin. Janë ngritur postblloqe në Vlorë e në Lezhë, ku po ndalohen mjetet me targa të huaja, për të intervistuar udhëtarët, në mënyrë që të kuptohet historiku i lëvizjes së tyre, nëse kanë kaluar apo jo nga vende që janë në zonën e kuqe.
VENDIMI
Kryeministri Edi Rama njoftoi, gjithashtu, se ka marrë vendimin për të mbyllur të gjitha baret dhe restorantet, pasi nga dita e djeshme është konstatuar që asnjë lokal nuk respektoi rregullat e reja të vendosjes së tavolinave dy metër distancë nga njëra- tjetra, si masë parandaluese për koronavirusin. Ishte ministrja e Shëndetësisë Ogerta Manastirliu që pas mbledhjes së ekspertëve kërkoi përshkallëzim të masave kufizuese, ku secili bar apo restorant që nuk e zbaton vendimin, do të gjobite me 20 milionë lekë të vjetra. Kreu i qeverisë tha se kjo masë do të nisë të zbatohet fillimisht në Tiranë dhe Durrës. "Ndjesë, por duke parë shkallën e ulët të vetëdijes së shumë qytetarëve, kryesisht të rinj, që e kanë edhe më të vështirë të rrinë në një vend, detyrohemi të mbyllim të gjitha restorantet, baret, klubet, në Tiranë dhe Durrës fillimisht!", shkruan Rama. Një vendim ky që vjen pasi shumica e shqiptarëve nuk u ndërgjegjësuan pas masave kufizuese të lëvizjes që qeveria ndërmori pas identifikimit të rasteve të para të të prekurve me koronavirus në vendin tonë, ku tashmë u shënua edhe viktimë. "Kjo nuk është kohë pushimesh dhe argëtimesh jashtë shtëpisë, po kohë lufte dhe kjo luftë fitohet vetëm duke kufizuar lirinë tënde, duke ndryshuar rrënjësisht mënyrën e jetesës dhe duke ruajtur familjen tënde nga kontaktet e tua me jashtë. Frikë aspak, kujdes po. Madje shumë fare", shkruan shefi i mazhorancës.
NDËSHKIMI
Kreu i qeverisë, Edi Rama, në një komunikim live në Facebook, apeloi sërish për kujdes dhe masa të shtuara e disiplinë për parandalimin e koronavirusit. Rama njoftoi se do të bëhen kontrolle për të gjithë ata që janë kthyer