Ligji ri për pronën, taksë forcë për kontrollin e regjistrimit, kompensimit dhe legalizimit
Ngrihet njësia speciale antikorrupsion, kontroll mbi administratën, ndëshkim praktikave abuzive Shërbimet publike dhe prokurimet do të mbahen nën mbikëqyrje
Regjim i tokës, ko mpensimi i pronar ëve, legalizimi i ndërtimeve pa leje, kontrata e qirasë së pronave publike dhe koncesionet do të kalojnë në sitën e një strukture të re që do të ngre qeveria për antikorrupsionin. Nën "hetim" do të jenë edhe administrata publike, shërbimet publike, leje, licenca dhe autorizime, prokurim publik dhe shkelje të mundshme penale në fushën tatimore dhe doganore.
VENDIMI
Qeveria ka vendosur të ngrejë njësinë speciale antikorrupsion dhe antievazion për t'u kujdesur që nuk do të ketë shkelje të ligjit nga ana e punonjësve të institucioneve publike, duke u nisur edhe nga rastet e fundit të ndodhura në tatime dhe dogana, si mashtrimet me skemën e TVSH. Sipas vendimit të qeverisë, i cili ka hyrë në fuqi, njësia do të jetë në varësi të kryeministri dhe ka si qëllim të zbulojë, trajtojë dhe ndëshkojë praktikat abuzive, korruptive apo arbitrare.
KONTROLLET
Në vendim përcaktohet konkretisht se njësia mbikëqyr veprimtarinë inspektuese të institucioneve publike në ndëshkimin e rasteve korruptive; koordinon institucionet për nisjen e hetimeve administrative apo auditimeve, kryesisht, me indicie nga institucione publike apo me kërkesë të subjekteve të interesuara, në rast dyshimi për praktika korruptive, që lidhen me veprimtarinë e institucioneve publike; mbledh, analizon dhe verifikon të dhëna e prova nga burime të ndryshme, duke kryer të gjitha veprimet e nevojshme në funksion të përmbushjes së detyrave, për aq sa nuk bien në kundërshtim me legjislacionin në fuqi; referon praktikat korruptive dhe abuzive në prokurorinë kompetente, në rast dyshimi për konsumimin e elementeve të veprës penale; kryen verifikime dhe kontrolle pranë të gjitha institucioneve publike, në funksion të garantimit të trajtimit dhe ndjekjes së rasteve korruptive apo abusive. Çdo institucion është i detyruar të vendosë në funksion të njësisë dokumentet dhe materialet e kërkuara.
PUNONJËSIT E NJËSISË
Punonjësit e Njësisë, përfshirë punonjësit me kohë të plotë nga institucionet e tjera, përfitojnë shtesë mbi pagë në masën 50 mijë lekë në muaj, ndërsa punonjësit me kohë të pjesshme përfitojnë shtesë mbi pagë në masën 25 mijë lekë në muaj.
KONTROLLET
Qeveria ka vendosur të ngrejë njësinë speciale antikorrupsion dhe antievazion për t'u kujdesur që nuk do të ketë shkelje të ligjit nga ana e punonjësve të institucioneve publike, duke u nisur edhe nga rastet e fundit të ndodhura në tatime dhe dogana, si mashtrimet me skemën e TVSH.